Það er mikið gert með ýsuaflan.

En það væri nú vel til fundið að blaðamenn gerðu nú í því að kanna málin aðeins dýpra til að grennslast fyrir um orsakir hlutanna? Það eru nefnilega ekki bara plúsar í þessu dæmi. En það er eins og þeir séu bara til að vinna úr upplýsingum sem stofnanir og samtök senda frá sér.

http://hva.blog.is/blog/hva/entry/632471

Mikill ýsuafli á síðasta fiskveiðiári

Athugasemdir

[Haraldur Bjarnason, 11.9.2008 kl. 23:36]

Hve mikið af þessari ýsu, sem færð er til bókar, ætli sé þorskur þegar upp úr hafinu kemur? - Kæmi mér ekki á óvart að þessu ýsa sé að helmingi talið veiddur þorskur. Það er víða pottur brotinn í kerfinu. Ótrúlegt að sjá hve lítill meðafli kemur með ýsunni sumsstaðar á landinu.

[Víðir Benediktsson, 12.9.2008 kl. 07:00]

Það hefur hingað til ekki verið neitt stórmál að veiða ýsu nema hvað of mikið að þorski hefur jafnan fylgt henni og þannig hindrað veiðarnar. "Menn hafa greinilega fundið ráð við því" Einhver ný tækni sem ég þekki ekki enda hættur til sjós.

[Hafsteinn Viðar Ásgeirsson, 12.9.2008 kl. 07:30]

Það var líka náttúrulega alltaf vandamál, allavega á grunnslóðinni, hvað hún var alltaf blönduð smáýsu ef það var einhver kraftur í veiðinni. En því redduðu þeir með því að færa niður mörkin og ég hitti í vetur útgerðarmann, sem var að keyra uppúr bátum sínum og sagðist skammast sín fyrir aflann, þetta væri allt á stærð við "fermingarbróðirinn".