Líta fram á við ???

Ég sé ekki þennan uppskafna pappadreng líta "fram á við" við nokkurn skapaðan hlut nema kannski fyrir sig og sína. Hann gónir bara til himins eins og hver annar "háloftamígur" og sér hvorki daginn né veginn. Uppskafningar þeir sem fara fyrir málum hjá "framsókn" nú um stundir gera heldur öngvar hreinsanir innan dyra hjá þessu flokksræksni. Þarna gengur allt útá yfirboð og þvaður, allir hlutir í stíl við noregsferðina frægu. En verði bændum og búaliði að góðu, þeir eru enda öllu vanir.

Framsóknarmenn líta fram á við

Náhirðin lýsir stuðningi !!

Hann virðist nú heldur klæðlítill keisarinn eftir þennan fund. Stuðningsyfirlýsingin segir reyndar meira um þá sem hana veittu en Neinn sjálfan. Vandséð er að um skjólgóðan klæðnað sé að ræða, en það er auðvitað það sem keisarann sárvantar, þó hann ekki sjái það.

Lýsa yfir stuðningi við Bjarna

ISG er þó heiðarleg gagnvart þjóðinni og sjálfri sér...

Það er miklu meira en hægt er að segja um þá sem voru að messa yfir sínu fólki og/eða taka sér frí í gær. Auðvitað er það engin spurning, að Ingibjörg brást sjálfri sér og þjóðinni í þessu samstarfi við íhaldið. Mér fannst samt á þeim tíma ekki vera annar eða betri kostur í stöðunni, en sjálfsagt hefur það samt verið, eftir á að hyggja.

En enn situr Neinn og hreykir sér eins og hani á haug yfir nýju andliti og nýjum hugmyndum FLokksins, en er auðvitað nákvæmlega eins og keisarinn, hann er alsnakinn maðurinn og hefur ekki sjáanlega neitt við höndina til að skýla sér með.

„Mér finnst ég hafa brugðist“

Og Herjólfur siglir.....

það var nú fínt að menn voru ekki komnir með allt sitt þarna uppí fjöruna núna. Það er nú hætt við að það verði engar skemmtiferðir um svæðið á næstunni?

Vatnið í lagi og Herjólfur siglir

Hann er skynsamur strákur hann Björgvin.

Þeir eru örugglega ekki margir af þessum dusilmennum þarna í þinginu sem hafa svipuð áform. Það eru þó nokkrir þingmenn sem ættu að vera búnir að pakka saman, vegna fyrri stöðu. Margir þeirra með miklu verri sögu en Björgvin.

Björgvin víkur af þingi

Fólk ætlar bara ekki að fást til að opna augun.

Enn virðist hægt að róa á mið skjótfengins hagnaðar hjá fólki. Það er með ólíkindum að eftir það sem á undan er gengið, skuli enn vera til fólk sem er til í að gambla með að leggja fjármuni undir í hendurnar á einhverjum glæpalýð. En ekki finn ég til neinnar samúðar, nema síður sé, fólk á að vita það núna, að peningar vaxa ekki á trjánum.

Meintur svikari í varðhaldi

Þess er vænst....

Þeir gera það ekki endasleppt í tungumálakunnáttunni krakkarnir þarna hjá Dabbanum. Ég hefði nú haldið að menn óttuðust að til stöðvunar flugs gæti komið en vonuðust ekki eftir henni???

Ég sá hérna einhversstaðar aðfinnslu um landafræðikunnáttuna þarna, en ég held þetta hafi ekkert með hana að gera, þessi ummæli öll voru orðrétt uppúr fréttum hérna í Noregi í gærkvöldi. Það er hinsvegar mikið atriði að þýða yfir á nothæfa Íslensku.

Stöðvi flugumferð yfir allri V-Evrópu

Galið rugl.

Þetta er nú meiri steypan. Auðvitað lækkar ekki virði fiskiskipanna heldur hækkar. Skipin verða aftur nothæft veðandlag en ekki kvótafjandinn. Í dag er þetta þannig, að skipin eru gagnslaus sem veð, nánast sama hversu góð þau eru, kvótinn er andlagið. Kvóti sem ekki er eign útgerðarinnar. þetta færist bara aftur í, að gott skip verður einhvers virði vegna þess að það getur sótt fisk úr auðlindinni. Ef það er nothæft fólk um borð.

Bitnar á bankanum

Hann hefur mikla trú á heilastarfsemi félaga sinna þessi snillingur?

Það verður ekki ofsögum sagt af heimskunni þarna. Nú er bægslast yfir því, að einhverjir skuli vilja kynna sér hlutina með því að mæta á staðinn og fá upplýsingar? Það er vandséð hvernig á að gera svona fólki til hæfis og verstur andskotinn að hávaðinn í þeim yfirgnæfir alla skynsamlega umræðu. Auðvitað ættu sem flestir að kynna sér málin sjálfir, í stað þess að láta mata sig á þvaðrinu frá svona gapuxum.

Bændur sendir í „heilaþvottaferðir“ til Brussel?

Það hefði nú verið eftir þeim....

...að fara að refsa karlinum fyrir hreinskilnina.

UEFA refsar ekki Ferguson