"Undirliggjandi svartsýni"

Hann ætlar ekki að bregðast vonum þeirra sem hafa ekkert álit á honum þessi "borgari". Aldeilis ótrúlegur vandræðagepill sem ekkert er gerandi með, hann er sennilega Framsóknarmaður ofaní kaupið.

„Undirliggjandi tónn skýrslunnar svartsýnn“

Heildarmyndin.

Heildarmyndin í öllu þessu rugli er auðvitað ekkert par skemmtileg. Það er þó ekkert sem heitir með það, þessu Icesafe-bulli verðum við að ganga frá, eða ríkisábyrgðinni. Með eða án frekari skilyrða. Svartagallsraus og heimsendaspár Framsóknar-íhaldsins mega bara ekki drulla þessu neðar en orðið er.

Staðfestir heildarmyndina um Icesave

Steinlágu, ja hérna.

En það er vonandi að þetta teljist ekki stórfrétt í Bretlandi í vetur. Nú eru miklar vonir bundnar í liðinu og ekkert endilega að það standi undir þeim.

Liverpool steinlá á Spáni

Að slá eingöngu út á andlitið.

Hann er nú myndarstrákur hann Jón Ásgeir en ekki datt mér samt í hug að hann gæti slegið svona fúlgur BARA útá andlitið á sér, hvað þá að manni hugsaðist að hann gæti verið svo veruleikafyrrtur að setja sig niður í svona "sumarbústað".

Það hlýtur að hafa verið svona mikil samkeppni um að fá að lána drengnum, að menn hafi bara hent öllum reglum og varúðarráðstöfunum frá sér? Það er ekki undarlegt þó þurft hafi að greiða þessum kjánum sem kallast "bankamenn" ofurlaun? Aldeilis ótrúlegur mannsöfnuður þar, það verða örugglega skrifaðar margar bækur, bara um þennan þátt málanna.

En kannski bjargast þetta nú í horn, svo lengi sem hann Jón Ásgeir vill og getur komið með tryggingar. Á meðan er allavega hægt að reikna með að það sé borð fyrir báru.

Tók engin veð vegna lúxusíbúðar

Glöggt er gests augað.

Hún virðist ekki hafa slegið slöku við að kynna sér stöðu mála hér hún Eva. Þetta er trúlega allt nærri sannleikanum hjá henni, það ætti að koma í ljós á þeim tíma sem við höfum til að naga fjármuni til baka úr Landsbankaslátrinu o.fl. Að sjö árunum gengnum verður þá að setjast niður og semja eða borga. 

Stöndum ekki undir skuldabyrði

Trúnaður, að sjálfsögðu.

það er auðvitað mjög mikilvægt, að áliti ráðamanna Kaupþings, að það sé trúnaður við þetta lið. Veit nú ekki hvað þær hugmyndir eiga mikið fylgi meðal almennings í landinu, sem situr uppi með skandalinn vegna ákvarðana víkinganna, en það verður gaman að fylgjast með framhaldinu.

Segja trúnað gilda um upplýsingar

Eðlilegt að Íslendingar séu argir.

Það er ekkert undarlegt við það, eftir aðgerðir Browns á liðnu hausti sem varla er hægt með sanngirni að réttlæta, að okkur finnst. Hinsvegar er sífellt að koma meira upp á borðið varðandi ástæður hans fyrir gerningnum og það eru nú farnar að renna á mann tvær grímur, að minnsta kosti. Það jaðrar enda við að maður trúi orðið öllu uppá víkingana okkar.

Íslendingar kenni Hollandi og Bretlandi um allt slæmt

Eru menn undrandi á þessu?

Það er nú ekki flókið, að sjá, að banki sem búinn er að tapa stórfé á Íslendingum hafi ekki á þeim mikið traust. Ekki er ótrúlegt að þessi niðurstaða eigi eftir að koma víðar að í fangið á okkur. Það er bara enginn að hafa traust á okkur um þessar mundir og aldeilis ekki að ástæðilausu.

Hættir að lána Íslendingum

Þeim finnst hann latur karlinn.

Held það sé viðhorfið hjá stuðningsmönnum, þeim finnst hann geta gert meira en hann gerir. Auðvitað eru breskir stuðningsmenn ekki algildur mælikvarði á dugnað manna, en þeir eru þarna og ansi öflugir og stundum ósanngjarnir, eins og Adebayor finnst hann vera að finna fyrir núna.

Adebayor óhress með Wenger og stuðningsmenn Arsenal

Erfið fæðing.

Það er búin að vera erfið fæðing þetta með bílprófsaldurinn. Flestir hafa verið vissir um nauðsyn þess að hækka aldurinn og það er búið að þvæla svo lengi um þetta, að sonur minn sem er 24 ára núna var alveg viss um að hann fengi ekki próf fyrr en 18 ára og var alveg sáttur með það. Þarna hafa ráðamenn trúlega verið að verja hagsmuni bílainnflytjenda á kostnað umferðaröryggis. En betra er seint en aldrei?

Bílprófsaldur hækkaður í 18 ár