Nú þarf þessi tölvuóða þjóð að fara á netið...

Íslendingar hafa einhverntíman sest við tölvuna eða símann af minna tilefni svo nú þarf að taka á því til að styðja okkar mann...

Kosið um hljómplötu ársins á netinu

"Sugur" ekki í uppáhaldi hjá Norskum.

Nei það má ljóst vera að svona "peningasugur" eru ekki í uppáhaldi í Noregi, allavega ef þær fara ekki að reglunum. Reglur virðast strangar og skilyrðislaust fylgt eftir. Það hefur komið fram að gerðar voru athugasemdir oftar en einu sinni við vinnubrögðin og næst er starfsleyfið tekið. Svona á að standa að þessu, hvernig ætli samanburðurinn sé við skarann sem þrífst í þessu hér í fámenninu...?

Intrum Justitia berst fyrir starfsleyfi sínu í Noregi

Hann Einar skilst alveg núna.

Hann er nú sá fyrsti af ráðamönnum, það ég hef séð, sem lýsir afdráttarlaust yfir stuðningi við þetta umdeilda mál. Segist aukinheldur haf útvegað peninga í verkefnið. Það er munur fyrir þá Vestfirðinga að vera ekki í vafa um hans afstöðu.

Það er svo aftur annar handleggur, hvort hann er svona afgerandi vegna þess að hann veit að þetta verður ekki að veruleika, ekki væri það nú ólíkleg taktik..?

Einar Kr.: Ríksvaldið á að beita sér fyrir olíuhreinsistöð

Hvað er fornmaðurinn að fara?

Hvað þykist hann vera að uppgötva núna sem þessi stjórn ber ábyrgð á? Ég held að hann ætti nú bara að vera slakur, allavega á meðan að hreinsaðir eru upp verstu kosningavíxlarnir eftir hann og hans fólk. Það er ekkert sem er að gerast hér núna sem ekki er annaðhvort bein afleiðing af framsóknarflippinu eða afleiðingar alþjóðlegrar kreppu á fjármálamörkuðum. Það er jú búið að semja við verkalýðshreyfinguna með tilstuðlan ríkisstjórnar og þar fannst Guðna hafa verið slakað litlu út.

En að einhverjir séu "farnir að taka undir stefnu Framsóknarflokksins" er afar ótrúlegt og þá breytir engu hvort það eru ungir eða aldnir, held ég.

Guðni Ágústsson: Ábyrgðin hjá forsætisráðherra

Ekki undarlegur óskalisti.

Það er ekki undarlegt að vilja losa sig við þrjá sem eru að komast á seinni helminginn á ferlinum fyrir snilling sem er rétt að byrja og getur bara batnað? Trúi nú að það sé eitthvað í að Sir Alex selji Ronaldo frá Man. Utd.

Ronaldo efstur á óskalista Börsunga

Allir vopnfærir Björgunarsveitarmenn tilbúnir.

Það þarf ekki að gá að því, nú þarf alla vopnfæra til að fergja hjá nýbyggingum, hreinsa niðurföll hjá þeim sem aldrei búa sig undir veðrabrigði. Þeir eru aldeilis búnir að minna á sig í vetur hjá Björgunarsveitunum, fyrir utan það sem aldrei er spáð í, þessir menn eru allir í vinnu sem þeir verða oft að hverfa frá í miðju kafi.

Varað við stormi

Grænfriðungar samir við sig.

Það þarf ekki að því að spyrja, það duga engin rök á Grænfriðunga, þeir bara berja hausnum í steininn og umla tóma þvælu. Auðvitað þarf að nýta hvalastofna og borða hvalkjöt ekkert síður en "Aberdeen Angus", það sjá margir, bara ekki alveg nógu margir og í því þarf að vinna.

Borðið hvalkjöt og bjargið heiminum

Góð frétt.

Loksins fáum við góða frétt ofan í allt svartagallsrausið sem gengið hefur yfir að undanförnu og af miklum þunga nú í morgun. Það þarf að fjölga þessum fréttum á næstunni og draga fram ljósu punktana úr rekstri bankanna, sem auðvitað eru fjölmargir og hamra á þeim í kapp við þá neikvæðu.

Kaupþing selur skuldabréf fyrir 1.675 milljónir dala

Ég hrökk illa við.

Þessi fyrirsögn sló mann aldeilis útaf laginu, varð hugsað til þess hvað ætti nú að gera við hann í fleiri eintökum? Sem betur fer er ekkert svoleiðis í gangi og við fáum bara áfram þennan "ruglaða" í Spaugstofunni sem aukaútgáfu, enda hann svo góður að hann er betri en frumútgáfan.

Borgarstjórinn klónaður

Hér talar mikill snillingur.

Hér opnar Sir Frank sig varðandi hæfileika Hamiltons, þó að blaðamenn séu að einhverju leiti að geta í það sem kallinn sagði, þá er greinilegt að hann hefur mikið álit á Lewis Hamilton....eins og fleiri reyndar. Það virðist líka, miðað við árangur Hamiltons á fyrsta árinu, að það sé spennandi tímabil framundan. Vonandi að McLaren verði með góðan bíl í ár.

Hamilton betri en Räikkönen