Nettar íþróttafréttir....

...af SÍS gamla. Eins og margir vita er hann í fullu fjöri og hefur plantað sér ansi víða ef grant er skoðað. Utan þess að hafa haldið úti Framsóknarflokknum með þeim árangri sem allir þekkja, hefur verið haldið fast utanum hagsmuni Lúðanna í einkavinavæðingu stjórnvalda á liðnum árum í Búnaðarbanka og víðar. Skrattinn sér um sína eins og löngum...

Eignarhaldsfélaginu Samvinnutryggingar slitið - eigið fé 30 milljarðar

Hann á nú eftir að vinna mótið.

En vissulega eru þetta góðar vísbendingar um stöðugleika bílsins. Hamilton er þarna sterkur inni líka, en Ferrarimenn algerlega á hælunum eins og undanfarið, Raikkönen þarf nú að fara að spíta í lófana. Annars er langur vegur eftir til hausts.

Alonso langfljótastur

Huummm...

Ekki dónalegt að vera búinn að finna útúr þessu. Það var gott að það var ekki liturinn á nærbuxunum þeirra eða eitthvað álíka...

Massa kennir malbikinu um

Ha,ha,ha,...

...."enda var hann fullur af vatni"...  Er nú ekki frekar ólíklegt að þeir hafi tekið vatnið með sér, fullt til af vatni í Danmörku. Varla mjög flókið að dæla vatninu úr pottinum svona miðað við annað sem þeir voru að leggja á sig, meira að segja hægt að láta það renna sjálft um slöngu, eins og þeir vita sem hafa þurft að bjarga bensíni milli tanka...

„Stórmerkilegt, enda var hann fullur af vatni"

Óvenju skarplega....

....ályktað af þessum vettvangi, en honum þykir voða gaman í fjölmiðlunum, held oft að hann telji það vera aðal djobbið. Það er bara vonandi að það fylgi eitthvað þessu ropi. Við verðum hinsvegar ekki mikið vör við hann eða hans fólk hérna á mínum slóðum enda fara menn sínu fram hér á torfæru, fjór og allskonar hjólum. Hraðakstur á stórum hjólum er hinsvegar ekki vandamál en það hefur sennilega meira að gera með þá sem á hjólunum eru en fælingarmátt sýslumanns og hans manna. 

Vill að mótorhjólin verði gerð upptæk

Úrvalsdeildarleikmaður...

...sem vill endilega spila í fyrstu deild, það verður nú erfitt að halda sér í landsliðinu með þessu háttalagi trúi ég, en hver veit...

Darren Bent hafnaði tilboði West Ham

Þeir eru margir...

....Steinerarnir í Hafnarfirði, dragandi með sér allt niður í börn í þennan andskotans óþverra. "Gera þá hausnum styttri um mittið" eins og hefði verið ráðið meðan hér var alvörufólk að taka á hlutum...

Fíkniefni fundust í Hafnarfirði

Ætlar þetta bara ...

....engan enda að taka þessi niðursveifla hjá KR? Þetta er alveg ótrúleg staða miðað við þann mannskap sem þarna er, það hlýtur á endanum að fara að hitna undir Teiti, stjórnendur þarna horfa ekki á þetta svona út sumarið, hvað sem það kostar...

KR enn án sigurs eftir tap gegn FH

Þó nú væri?

Hvað er það annað en vanræksla? Það getur ekki verið neitt annað en partur uppeldis að barn undir 12 ára aldri fái fæði sem hæfir. Það er hinsvegar allt of algengt þar í landi og kannski víðar að fæðið er bæði einhæft og óhollt. Minnist þess fyrir nokkrum árum þegar sonurinn gisti nokkra daga heima hjá kunningjafólki þar sem voru þrír krakkar á svipuðu reki. Þegar við komum við að sækja piltinn var verið að malla franskar í olíu í djúpsteikingarpottinum og annað hafði ekki verið eldað í þrja daga. Krökkunum þótti þetta ágætt en auðvitað er svona fæði ekki fullnægjandi sem uppistaða alla daga, það ættu allir að geta sagt sér. Ég held að Bretar fylgist betur með fæðusamsetningu og holdarfari hundanna í landinu en barna og hef raunar um það dæmi.

Offita barna ætti að teljast vanræksla

Það eru...

....greinilega ekki allir sem ganga fyrir hugmyndum Landsvirkjunar. það verður gaman að að fylgjast með framvindu þessa máls, spurning hvernig eigendum Íslands reiðir af við að snúa Flóamenn niður á sitt plan....??

Flóahreppur hafnar Urriðafossvirkjun