Þvílíkt....

Fyrr má nú vera ofsinn, það er með ólíkindum að lesa þetta rugl og alveg einsýnt að þessi piltur þarf að taka til í hausnum á sér áður en hann drepur einhvern, því ræður bara hending virðist vera, hvort fórnarlambið sleppur lifandi frá tilræðinu.....

Skilorðsbundið fangelsi fyrir líkamsárás

Gervifótur..

Áður en ég fer að veðja mikið á gervilöppina undir Heather verð ég að komast að hvort hún er örugglega ekki frá Össuri.....

Heather veðjar að gervifóturinn fljúgi ekki af

Hvimleitt...

Ég held að því fari fjarri að óþefur þessi fari neitt nærri því að skerða heilsu fólks, hann er hinsvegar afar hvimleiður þeim sem leið eiga um heiðina og finnst á köflum í byggð í Reykjavík og raunar hér í Þorlákshöfn líka.

Þar blandast hann annari og miklu hvimleiðari loftmengun, sem kannski er ekki heilsuspillandi, þó það geti vel verið, jafn andskoti ógeðsleg og hún er, en hún er framleidd af fyrirtækinu LÝSI hf. sem vill vera þekkt fyrir framleiðslu á vörum er lúta að heilbrigði fólks fremur en hinu, en er svo allt að drepa hér úr þessari pest sem verður til af úldnu hráefni til þurrkunar.

Þetta semsagt er eitthvað sem okkur er áskapað því virkjanirnar tilheyra Ölfusi líka svo það má segja að "hæfi skel kjafti"....

Hveralykt yfir höfuðborginni

Frétt af fiskverði...

Metaflaverðmæti hjá Páli Jónssyni GK

22.3.2007

 Línuskipið Páll Jónsson GK kom nýlega til heimahafnar í Grindavík með metaflaverðmæti. Aflinn í veiðiferðinni var 105,5 tonn og aflaverðmætið 15.5 milljónir króna.

 

Samkvæmt upplýsingum frá útgerðinni skiptist aflinn þannig að þorskur var 57 tonn, ýsa 8 tonn, langa 25 tonn, keila 8,5 tonn og annar afli var 7 tonn. Veiðiferðin stóð yfir í rétt rúma 5 daga og gerir það aflaverðmæti upp á 3 milljónir á dag.

Þess ber að geta að fiskverð hefur hækkað talsvert frá fyrra ári og má nefna að ýsuverð hefur hækkað um tæp 57% og þorskverðið hefur hækkað um 47%. Má því búast við að þetta aflamet verði slegið von bráðar.

Gísli Jónsson, skipstjóri á Páli Jónssyni, var að sögn ánægður með róðurinn þó svo að hann hefði viljað fá meiri afla.

Hér er ánægjuleg frétt af góðum árangri hjá aflamanninum og vini mínum Gísla Jónssyni, ekki sú fyrsta og örugglega ekki sú síðasta á hans skipstjórnarferli.

Það sem hinsvegar stingur í augun er verðmætið, sem útgerðin gerir raunar mikið með og talar um ógnarlega hækkun frá fyrra ári og það má rétt vera, en það er jafnljóst að hefði þessi afli farið til uppboðs, (á þeirra eigin fiskmarkaði, en útgerðin rekur fiskmarkaði í nokkrum stöðva sinna útum landið) hefði útkoman orðið nokkuð önnur, eða að lágmarki 20,7 milljónir, með einföldum samanburði við Fiskmarkaði, í stað 15,5 millj. (Þyrfti auðvitað að hafa stærðardreifinguna í þorskinum til að fá þessa tölu nákvæmari, en hún er sennilega hærri)

Þessi meðgjöf með fiskvinnslu útgerðarinnar er  í  mínum huga  eitt mesta  vandamálið  í öllu samanlögðu bullinu  sem  sjávarútvegurinn  er  kominn í , það er  vitlaust gefið !!!

Það,að útgerðin skuli geta komið upp svona "svikamyllu" og að þeim líðist, í skjóli einhverrar "dellustofnunar" ( "verðlagsstofa skiftaverðs" meira að segja nafnið er skelfilegt) sem komið hefur verið á fót, í þeim tilgangi einum, að taka besta hráefni sem fáanlegt er úr N Atlandshafi á lang lægsta verði sem þekkist í heiminum, (miðað við gæðin) er algerlega úr öllu korti.

Það hreint rannsóknarefni hvernig stjónvöld sem þykjast vilja samkeppni á öllum sviðum (en það á sennilega bara við banka?) geta búið til svona dellu og kallað hana leikreglur í greininni.

Það kemur þarna fram að endingu að Gísli hefði viljað sjá meiri afla,(væntanlega haft eftir útgerðarstjóra) sem er nokkuð víst þó það sé jafnvíst að það er gríðarleg vinna að fiska upp 120-30 tonn brúttó á fjórum fimm dögum og ganga þannig frá þeim afla að allt komi uppá bryggju sem toppvara, svo mér er nú til efs að betur verði gert hvað það varðar, auk þess sem báturinn hefur væntanlega verið fullur.

Það er hinsvegar útgerðin, sem sem lögum samkvæmt fer með sölu aflans, sem getur bætt sig verulega eða svo vægt sé til orða tekið, "all hrikalega" eins og góður vinur okkar í stétt útgerðarmanna segir stundum, og ef það er svo, að vinnsla þessarar útgerðar getur ekki skilað sama verði og mörg öflug fyrirtæki í vinnslu hér á landi eru að gera með kaupum á öllu sínu hráefni á fiskmörkuðum, þá hlýtur að vera spurning hvort sú vinnsla er að skila þessari þjóð því sem hægt er að ætlast til, verandi með besta hráefni í heimi í höndunum, m.ö.orðum, það er ekki í lagi með ráðstöfunina???

Auðvitað vita það allir sem það vilja vita, að hér er á ferðinni illa dulbúin kvótaleiga, með blessun "sjómannasamtakanna" sem verður að stöðva, með illu eða góðu, liggur mér við að segja og þá verður kannski lifandi við helv. kvótakerfið á eftir.

Frétt af skip.is

Hræðilegt...

Þetta er hreint alveg ægileg frétt, ekkert minna en það, samúðarkveðjur til aðstandenda og við skulum biðja fyrir þeim...

Ástæða til að ítreka kröfur um bætur á þessum vegi og það strax, 2+2, 2+1 eða bara hvað það sem virkar strax og hægt er að ganga í nú þegar til einhvers gagns, sem væntanlega er 2+1.

Kona lést í umferðarslysi á Suðurlandsvegi

Örugglega þess virði.

Það er nokkuð víst að Ronaldo er þess virði, spurningin er hvort hann er falur....?

Real Madrid reiðubúið að borga 7,2 milljarða fyrir Ronaldo

Gamli seigur....

Það er eins og mig rámi í þó nukkra sem slaga í Collins þennan, í hópi bílstjóra á höfuðborgarsvæðinu, að deginum.....

Hættir eftir 70 ára starf

Skelfing...

Þetta eru alveg skefilegar fréttir og það hefur alltaf virkað þannig á mig, en aldrei eins og nú, eftir að hafa orðið þáttakandi í hryllingnum fyrir örfáum dögum síðan, því verður ekki með orðum lýst að lenda í þessum aðstæðum.....

Suðurlandsvegi lokað vegna alvarlegs umferðarslyss

"Íþróttafréttir"

Eins og einhver sagði á þessum vettvangi á dögunum "Nettar íþróttafréttir Eimskip ehf, hf" eða hvað það er núna ......

Baldur Guðnason ráðinn forstjóri Hf. Eimskipafélags Íslands

Sýkna?

Er þetta ekki dómur héraðsdóms, á ekki eftir að sjá hvort áfrýjað verður og þá að fá niðurstöðu úr því? Annað eins hefur nú gerst, eins og dómi sé snúið við á síðara stigi.

Þurfa ekki að greiða skaðabætur vegna hlutabréfaviðskipta