Gera "alvarlegar athugasemdir".

Já það er eðlilegt að þau geri athugasemdir, við allt nema bullið í sjálfum sér. Ég held að tillaga Þráins um að þau fari öll í frí sé alveg eins eðlileg. Það er nú ekki að koma mikið af gagnlegum málflutningi úr þessum röðum núna. Ekki er það "Þistilfjarðarheimspeki" svo mikið er víst. Miklu líkara "Lundareykjadalskjaftæði"....eða einhverju álíka.

Vilja Þráin af þingi

Enn einn "hortitturinn".

Það ætla lengi að týnast til hortittirnir á ríkisstjórn Geirs Harða og Seðlabanka Davíðs. Það verður gaman að heyra hverju borið verður við sem ástæðu fyrir að taka ekki þetta lán. Dabbi reyndar kynnti það til sögunnar einn morguninn þegar hann var snemma á fótum, (eða svaf í bankanum) og jafn skyndilega blés hann það af. En það er eins og oft hefur verið sagt, vitleysunni varð allt að vopni í höndum ráðamanna á þessum tíma og enn er verið að bíta úr þeirri nál.

„Íslendingar vildu ekki lán frá Rússum"

Djöfullegt að eiga undir.

Það er ekki gæfuleg staða, að eiga allt sitt undir Ögmundi. Það er svo sem ekki eins og þessi uppákoma komi á óvart, alls ekki, það hefði komið á óvart ef hann hefði ekki valdið einhverjum vandræðum. Það er vonandi að hann sé að gera sínu fólki gagn með því að stefna landinu í stjórnarkreppu.

Stjórnarsamstarf undir Ögmundi komið

Gríðarleg óþrif í Framsóknarfjósinu.

Það þarf ekki að því að gá, þarna veður drullusokkshátturinn yfir allt. Finnur frækni og félagar hafa þarna skitið uppá bak og nú er enginn til að þrífa ódáminn. Ég bara trúi ekki öðru en að alþingisnefndin og "sérstakur" finni óþefinn, hann leggur yfir allt.

Undirbúa málsókn á hendur Gift

Þar er örugglega þekkingin.

Ætli það hefði nú ekki verið málið? Að setja Evu og Bretana í rannsóknina og hafa "sérstakan" sem aðstoðarmann? Þetta tengist hvort eð er allt meira og minna inn í Bretland.

Bretar bjóða aðstoð við rannsókn á bankahruni

Ráðgjöf til Seðlabanka?

Það er með ólíkindum ef Seðlabankinn hefur fengið einhverja ráðgjöf við ruglið 2008. Hafi þeir fengið hana þá er ótrúlegt að eftir henni hafi verið farið, þarna hefur hreinlega vitleysunni orðið allt að vopni.

Er að les bókina hans Ólafs Arnarsonar akkúrat núna og það ætti að vera skyldulesning fyrir þegnana í þessu Guðs-volaða landi og afar ólíklegt að nokkur óbrjálaður hafi "ráðlagt" vinnubrögð Seðlabankastjórans, hvað þá að fyrir hafi verið greitt stórfé.

Ráðgjöf kostaði milljarð

Erum við undrandi á því?

Nei það held ég varla. Konan þessi virðist nú eiga fremur lítið erindi í hendur blaðamanna. Það er svosem ekki mikil hætta á að hún yrði tekin illa á beinið af Mogga, en henni virðist alveg fyrirmunað að gera nokkurn hlut skammlaust svo hún yrði sjálfsagt illa úti, bara við að svara einföldum spurningum. Maður er nú farinn að átta sig á hvers vegna hún lét af störfum hjá Glitni "að eigin ósk" árið 2004.

Formaður Kaupþings svarar ekki

Er endalaus skítur undir teppunum?

Hvar ætlar ruglið að enda? því lengur sem er grafið, því meiri skítur. Og nú berast fregnir af að breska lögreglan sé að líta yfir ferilinn hjá íslensku bönkunum þar. Ekki dónaleg auglýsing þar, akkúrat það sem okkur vantar.

Stórskuldug aflandsfélög í eigu hluthafa

"Samningurinn dæmir okkur til fátæktar"?

Hvernig í veröldinni má það vera? Eru það ekki stjórnarhættir og klíkustjórnmál Framsóknar og íhalds sem eru að því? Er ekki þessi Guðs-volaði samningur afleiðing og það beinlínis af skepnu-og klíkustjórnmálum þessara drullusokka? Það þarf allavega eitthvað meiriháttar til að sannfæra mig um eitthvað annað, það er á hreinu. Allavega eitthvað gáfulegra en skattakónginn sem fer fyrir honum Höskuldi.

Samningurinn dæmir okkur til fátæktar

"Undirliggjandi svartsýni"

Hann ætlar ekki að bregðast vonum þeirra sem hafa ekkert álit á honum þessi "borgari". Aldeilis ótrúlegur vandræðagepill sem ekkert er gerandi með, hann er sennilega Framsóknarmaður ofaní kaupið.

„Undirliggjandi tónn skýrslunnar svartsýnn“