Hver mun leysa út áburðinn á túnin?

Því miður er þessi leiðindafrétt bara að sýna okkur í hornið á því sem gæti verið í pípunum. Bændur eru nú harðir af sér og láta ekki deigan síga fyrr en í síðustu lög, en þarna er sjáanlega grafalvarleg staða uppi, eins og víðar. Einu bændurnir og reksturinn yfir höfuð sem kemur til með að sjá til sólar í vor eru þeir sem eru í ferðaþjónustu, þar ætti að verða einhver afkoma, þrátt fyrir almennan samdrátt í heiminum.

Bankinn kaupir fóðrið

Það er athyglisvænt þetta mál, þessi hreindýrskálfur..

Er að gefa eitthvað af sér í athygli, sennilega eitthvað meira en "loftgæði" íbúa Þorlákshafnar, hvar  Kolbrún var að dæma íbúana til áframhaldandi vistunar í pestarklóm Katrínar Pétursdóttur. Alveg ótrúleg framkoma "Umhverfisráðherra" þar, það eru sjálfsagt einhverjar "flokkslegar" skýringar á svona rugli, en verði henni að góðu.

Mun tryggja að Líf fái líf

Eru menn undrandi á ástandi ýsustofnsins?

Það er ég búinn að skrifa um oft áður og margir fleiri sem eru sömu skoðunar, að verið sé hreinlega að ganga stórkostlega á ýsustofninn. Það er, á sama tíma og þorskur er offriðaður, gengdarlaus ofveiði á ýsu. Sérstaklega er rosalegt að fylgjast með hvernig beitt er afkastamiklum togurum í "fjöruskark" hér við suðurströndina.

Það er svakaleg þróun, að öll endurnýjun í botnfiskveiði-flotanum mörg undanfarin ár, skuli vera í gríðarlega öflugum togurum sem smíðaðir eru sérstaklega með það í huga að geta skafið uppí kálgarða, sérstaklega við suðurströndina. Og enn erun þeir að streyma til landsins frá Asíu. Það er bara ekki fyndið lengur hvernig vitleysunni verður allt að vopni í þessum málum hjá okkur Íslendingum.

 

Vísbendingar um sterkan þorskstofn

Hann þekkir sitt heimafólk hann Guðlaugur.

Og veit fullvel að þetta gerir flokknum ekkert til skaða. Hinn "normal" FLokksmaður gerir ekkert með svonalagað, mútu og sukksögur eða skandalar, staðfest eður ei, hrökkva af þeim eins og vatn af gæs. það er hinsvegar óákveðin atkvæði og þeir sem eru að kjósa eftir fólki eða málefnum sem hljóta að halda sig langt frá þessum FLokki og þar af leiðir að hann á bara ekki að geta orðið stærri núna en 25%. Auðvitað er það fáranlega góð útkoma, miðað við framgönguna síðastliðin 18 ár, en þetta er bara sá fjöldi sem er fæddur inní þennan FLokk og deyr í honum líka. Langflest afar grandvart og gott fólk, það sem ég þekki, ekki spurningin um það. Þetta bara er svona, þeir sem svona er ástatt um mundu kjósa hvað sem væri í framboði fyrir SjálfgræðisFLokkinn...:-)

Guðlaugur telur málið ekki skaða flokkinn

Þeir luma þó á 63 milljónum?

Eða greiða með hlutabréfum í Bakkabræðrum eða öðru álíka ónýti. Þetta eru ekki dónalegir partnerar og þeim sem hafa verið að míga þarna inn sparifénu sínu verður sjálfsagt oft hugsað til þess hvað það sé gott að eiga góða að.

En mikið held ég að þeir Bretar öfundi okkur af þessum séníum.

Formlegt tilboð komið í hlutabréf í Exista

Efnilegur fimleikamaður.

Hann er bráðefnilegur hann Jón Þórisson og alveg ómetanlegt að eiga von í svona snillingum í endurreisn efnahagslífsins. Akkúrat það sem okkur vantar núna eru nógu margir svona fírar sem geta búið til peninga úr engu. Gæti t.d. hugsanlega komið fiskveiðiauðlindinni í verð í útlöndum, aftur, áður en Heilög Jóhanna innkallar sukkið.

Lán ríkis fært sem tekjur

Og ekkert um Ferguson frá Benna?

Það kemur bara næst....

Fjögur mörk ekki nóg til að vinna

"Í hnotskurn"

Nú er Agnes eitthvað að reyna að laga til málið fyrir Guðlaug með þessari millifyrirsögn og tíundun á öllum pakkanum til þriggja flokka. Almenningur er hinsvegar fyrst og fremst á eftir upplýsingum um kaup FL grúppu á SjálfgræðisFLokknum og hvernig FLokkurinn greiddi til baka. Þetta er tiltölulega klippt og skorið, annað hvort axla þeir sem seldu út þjónustu FLokksins ábyrgð eða ekki. Eitthvað jaml og japl um Ríkisendurskoðun, sem þingmenn nota bene hafa aldrei gert neitt með hvað segir, eru bara hortittir sem hann getur étið sjálfur hann Guðlaugur og/eða aðrir þeir sem málið varðar. Amen.

Var í beinu sambandi við bankastjóra

"Ýmsir aðilar hafa reynt að gera þessa atburðarás tortryggilega."

Það er nefnilega það. Nú er allur skandallinn þeim að kenna sem bent hafa á hann. Ekki laga þessir "undirmálsfiskar" til andlitið á Guðlaugi eða neinum öðrum, svo mikið er víst. Ef þeir halda virkilega, að fólk sé svo gersamlega úti að aka að það trúi því, að tilgangur FL og LÍ hafi verið einhver annar en að kaupa velvild flokksins við glæpaverk sín, útá þessa yfirlýsingu, þá eru þeir vitlausari en ég hélt, og er þá langt til jafnað.

Að draga upp handónýt handbendi útrásarskúrka til að taka þetta högg, eru svo gersamlega vonlaus vinnubrögð að engu tali tekur. En verði þeim að góðu sem þessu vilja kyngja...:-(

Söfnuðu fé fyrir flokkinn

Það er búið að taka tímann sinn.

Það er ótrúlegt að hafa þurft hálft ár til að stökkva inní þessa þvælu? Það bendir að sjálfsögðu til að það sé ekki eftirsóknarvert að koma að málinu og þá um leið að fjármögnun þessa gæja hefur ekki verið reyst á mjög traustum grunni. Vonandi er ekkert vafasamt á ferðinni, en sé svo, þá tekur örugglega tíu ár að finna útúr því og íslenska þjóðin verður búin að greiða milljarða fyrir lögfræðinga þegar það verður klárað.

Kaupþing yfirtekur viðskiptaveldi Tchenguiz