Hvernig getur skötuselur truflað störf nefndar??

Það er af og frá, skötuselurinn er alsaklaus. Nema verið sé að líkja Friðrik Jóni Arngrímssyni við skötusel?? Hann FJA virkar ekki mjög vel í viðtölum í sjónvarpi, og mér finnst skötuselurinn mun gerðarlegri, einhvernveginn. Og hann er langtum verðmætari, það er ekki spurning.

En að slepptu öllu gamni, virðast Líjúgarar vera að mála sig útaf borðinu með dæmalausum asnagangi og raunverulega spurning hvað stjórnvöld geta verið að hlusta eftir "hjartslættinum" frá, að stórum hluta, dauðvona og gjaldþrota yfirgangsseggjum þeirrar gerðar. Einhversstaðar er línan, menn eru að verða búnir að strekkja hana óþarflega mikið.

Það næst aldrei sátt um þetta mál eins og LÍÚ hugsar það, það er alveg hægt að gleyma öllu slíku.

Skötuselur truflar enn störf sáttanefndar

Athugasemdir

[Jóhann Elíasson, 22.1.2010 kl. 12:30]

Gleðilegt ár Hafsteinn og þakka þér kærlega fyrir liðin ár og skemmtilegar samræður og skoðanaskipti.  Ég tek undir hvert orð í þessari grein hjá þér.  Eins og málið liggur fyrir mér þá er samningsviljinn ekki til staðar og LÍÚ  er bara að finna einhvern "blóraböggul" en mér finnst alveg fyrir neðan allar hellur að notast við skötuselinn.........

[Hafsteinn Viðar Ásgeirsson, 22.1.2010 kl. 18:40]

Já blessaður Jóhann og gleðilegt ár. Þakka skemmtileg samskipti á liðnum árum.

Það er bara ekki hægt að ljúga á þessa Líjúgara lengur, þar verður bara vitleysunni allt að vopni. Ég held að það ætti að setja þetta mál í þjóðaratkvæðagreiðslu.