Öll vandamál...?

Það hef ég aldrei heyrt talað um, að það geti leyst öll vandamál en helv. mörg...........

Geir: Ranghugmyndir að upptaka evru leysi öll vandamál

Athugasemdir

[Hjörtur J. Guðmundsson, 30.3.2007 kl. 21:04]

Eins og hver?

[Hafsteinn Viðar Ásgeirsson, 30.3.2007 kl. 21:43]

Það mundi til að mynda losa okkur undan vaxtaákvörðunum hér og við lifðum í umhverfi gjaldmiðilsins eins og fjöldinn gerir með fínum árangri....

[Hjörtur J. Guðmundsson, 30.3.2007 kl. 22:37]

Hér á landi myndu með evru gilda miðstýrðir stýrivextir Seðlabanka Evrópusambandsins sem munu aldrei taka mið af aðstæðum hér á landi. Og ertu að segja að evran sé að skila sér vel fyrir evruríkin?

[Hjörtur J. Guðmundsson, 31.3.2007 kl. 10:53]

Mætti ég biðja um að fá gefin upp a.m.k. nokkur af þessum helv... mörgu vandamálum sem evran á að leysa?

[Hafsteinn Viðar Ásgeirsson, 31.3.2007 kl. 10:56]

Ég er að segja það já, að almennt séð sé hún að gera það .....

[Hafsteinn Viðar Ásgeirsson, 31.3.2007 kl. 10:59]

Hvað með Davíð til að mynda......listinn er langur.....

[Hafsteinn Viðar Ásgeirsson, 31.3.2007 kl. 11:09]

Þið gerið, þegar ykkur hentar í "stóiðjuami stuttbuxnadeildarinnar" svo voða mikið með séríslenskar aðstæður, eins og varðandi krukk í vexti, má ég bara biðja t.d. um Seðlabanka Evrópusambandsins fremur þennan séríslenska sem situr yfir að halda utanum þessa "örkrónu" okkar, sem fyrirtækin í landinu eru að afleggja hvort sem er....?

[Hjörtur J. Guðmundsson, 31.3.2007 kl. 12:15]

Evran hefur einmitt almennt séð ekki gert evruríkjunum neitt gott. Verðlag hefur víðast hvar hækkað, atvinnuleysi aukist ekki sízt vegna minni sveigjanleika á vinnumarkaði sem miðstýrðir stýrivextir Seðlabanka Evrópusambandsins valda, evran hefur ekki leitt til aukinna viðskipta innan evrusvæðisins, verðlag hefur ekki samlagast, hagsveiflur hafa ekki samlagast eins og átti að gerast, sveiflur í evrunni gagnvart dollara hafa gert útflutningsfyrirtækjum í evruríkjunum afar erfitt fyrir svo ýmis þeirra eru jafnvel að íhuga að flytja starfsemi sína að hluta til annað t.d. flugvélaframleiðandinn Airbus, o.s.frv.

[Hjörtur J. Guðmundsson, 31.3.2007 kl. 12:17]

Ég er enn að bíða eftir að heyra um nokkur af þessum helvíti mörgu vandamálum sem evran á að leysa hér á landi.

[Hjörtur J. Guðmundsson, 31.3.2007 kl. 12:27]

Og einhvern veginn finnst mér alger óþarfi að vera með einhver uppnefni í minn garð þó ég vogi mér að hafa aðra skoðun á þessu máli en þú. En slík framganga segir væntanlega meira um þig en mig.

[Hafsteinn Viðar Ásgeirsson, 31.3.2007 kl. 13:02]

Það er alveg laukrétt hjá þér, það er engin ástæða til að uppnefna þig enda hef ég ekki gert það, mér sýnist þú taka það sem uppnefni þegar ég er að reyna að staðsetja þig pólitiskt og ég sé ekki betur en mér takist bærilega upp hvað það varðar. Það væri nú hægt að telja margt upp varðandi jákvæða hluti sem ýmsa þjóðir hafa hagnast á evrunni og ég gæti trúað að t.a.m. Finnar séu ekkert ósáttir við sína stöðu þar, ég held hinsvegar að mér mundi ekki endast dagurinn til að skrifa þig til fylgis við evru og þessi vettvangur dugar sennilega skammt líka svo við verðum að finna okkur annan farveg í það , held ég....?

[Hjörtur J. Guðmundsson, 31.3.2007 kl. 13:28]

Ég vissi ekki að "stóiðjuami stuttbuxnadeildarinnar" væri hugtak innan stjórnmálafræðinnar. Silly me...

Mjög skiptar skoðanir eru um Evrópusambandsaðild Finnlands á meðal Finna. Afstaða þeirra til aðildarinnar versnar stöðugt samkvæmt skoðanakönnunum. Samkvæmt könnun sem gerð var á síðasta ári eru fleiri Finnar óánægðir með evruna en þeir sem eru ánægðir með hana.

Komdu bara með nokkur dæmi, ég bið ekki um meira. Fyrst þau eru svona helvíti mörg vandamálin sem evran myndi leysa hér á landi ættirðu að geta nefnt svona... 10?

Eða kannski menn ættu að slappa aðeins á í yfirlýsingagleðinni næst?

[Hafsteinn Viðar Ásgeirsson, 31.3.2007 kl. 14:06]

Já kallinn minn "Silly you". Ég hef þá bara heyrt af þeim sem eru ánægðir í Finnlandi. Ég hef nefnt þér þau stærstu (en þú kaupir þau ekki) og mörg verða afleidd af því að losna að mestu undan Seðlabanka Davíðs....? Ég stend við hvert orð í þeirri fullyrðingu, að upptaka evru mundi leysa mörg vandamál í efnahagsmálum þjóðarinnar og yrði almenningi hagfelld ráðstöfun að ýmsu leiti og mér virðist að ég sé ekki einn um þá skoðun og hópurinn sá stækkar stöðugt, hef meira að segja heyrt raddir úr stuttbuxnadeildinni....og með evru endum við.....

[Hjörtur J. Guðmundsson, 31.3.2007 kl. 14:49]

Hver eru þau stærstu? Vextirnir? Ég svaraði því. Þeir kunna að lækka þó þeir muni án efa hækka líka þegar aðstæður kalla á það. En þeir munu allavega seint verða ákvðarðaðir með okkar aðstæður í huga. Þeir munu ávallt verða afgangsstærð í samanburði við hagsmuni t.a.m. Þjóðverja svo dæmi sé nefnt. Komdu bara með nokkur dæmi, hvað er vandamálið? Er þetta svona erfitt félagi? Að standa við stóru orðin? Er virkilega til of mikils ætlazt að þú færir einhver haldbær rök fyrir máli þínu?

Og svo þykistu að sjálfsögðu sjá fram í framtíðina eins og ófáir aðrir Evrópusambandssinnar...

[Hjörtur J. Guðmundsson, 31.3.2007 kl. 15:07]

Annars vil ég ekkert vera leiðinlegur. Mér finnst bara leiðinlegt þegar menn eru með yfirlýsingar og geta svo ekki staðið undir þeim þegar eftir því er leitað.

[Hafsteinn Viðar Ásgeirsson, 31.3.2007 kl. 16:15]

...Það er nefnilega málið "með okkar aðstæður í huga" og allt það, þær eru bara ekkert svo mikið öðruvísi en hjá öðrum, við þurfum að komast hér inní aðstæður þar sem við losnum út úr ákvörðunum misviturra og komast í evruumhverfi, og það munum við gera, atvinnulífið mun krefjast þess og almenningur líka, þó það þurfi að kosta að setja Sjálfstæðisflokkinn með stuttbuxnadeildinni og öllu saman í frí á meðan.........Þú verður bara að halda ró þinni þangað til......

[Hjörtur J. Guðmundsson, 31.3.2007 kl. 17:24]

Efnahagslegar aðstæður hér hafa oftar en ekki verið á skjön við það sem gerist í Evrópusambandinu. Uppsveifla þar á meðan það hefur verið niðursveifla hér og öfugt. Það sem meira er að efnahagslegar aðstæður eru að mörgu leyti mjög ólíkar innan evrusvæðisins nú þegar, sérstaklega suður- og norðurhlutanum, nokkuð sem er vísir að miklum vandamálum þar á bæ í framtíðinni eins og t.d. Otmar Issing, fyrrverandi aðalhagfræðingur Seðlabanka Evrópusambandsins, benti á sl. sumar þegar hann lét af störfum.

Að öðru leyti skulum við bara sjá til hvað verður og þú fyrirgefur þó ég gefi lítið fyrir ætlaða spádómsgáfu þína.

Þér er annars greinilega algerlega ófær um að nefna til sögunnar nokkur af þeim helvíti mörgu vandamálum sem þú vilt meina að evran myndi leysa hér á landi þrátt fyrir að ítrekaðar óskir þar um og get ég ekki sagt að það komi ýkja mikið á óvart.

[Hafsteinn Viðar Ásgeirsson, 31.3.2007 kl. 17:58]

Allt á skjön, það er málið við þurfum að laga okkur að ástandi norðanverðrar Evrópu og það munum við gera þér er óhætt að trúa mér með það. Ég hef nefnt helstu vandamálin, en það bítur ekkert á þér, gæti trúað að við mundum lenda í sama öngstræti við að skrifast á um leikreglurnar í sjávarútveginum, held þú sért sú tegundin, lemjir bara hausnum í vegginn.......en þeir þurfa að vera með líka.

[Hjörtur J. Guðmundsson, 31.3.2007 kl. 18:35]

Og hvaða vandamál eru þetta? Þú hefur ekki nefnt þau. En fyrst þú vilt meina það engu að síður, komdu þá bara með þau aftur. Vorum við ekki að tala um ca. 10 vandamál sem evran myndi leysa hér á landi af þessum "helvíti mörgu"?