Þar sem ég er....

...staddur á sjávarútvegssýningu í Brussel, hvar er vistaður þessa dagana lunginn úr sjávarútvegselítunni og bönkunum á Íslandi, auk Noregs, Færeyja og þeirra sem máli skipta í sjávarútvegsflóru heimsins.

Fer ekki hjá því að ég finni hvernig blæs, sem sagt, ég finn það ljóslega að Moggabloggið er lesið, þ.e. að ég er að hitta hér menn sem vilja ólmir ræða málefni er varða ráðstöfun afla úr auðlindinni okkar og verðlagningu, sem ég hef lítillega komið inná hérna á blogginu, en væri hægt að skrifa um heilu bækurnar, (vegna þess að þeir eru mér og öllu sanngjörnu fólki sammála) og hinsvegar er ég búinn að rekast hér á "auðlindareigendur" sem sjáanlega er ekki mikið um mig gefið um þessar mundir, sennilega vegna sömu skrifa.

Það vill til að ég hef algerlega hreint borð í þessari umræðu og er ekki tilbúinn til að gefa eftir mína sannfæringu, (en meira en tilbúinn til að leggja til upplýsingar) fyrir bros eða vinahót frá einum eða neinum, breytir engu hversu mikinn kvóta þeir eru búnir að ná undir sig.

Verð eitthvað stopull hérna í bili, en það lagast.....

Athugasemdir

[Níels A. Ársælsson., 25.4.2007 kl. 01:17]

Skilaðu kveðju til elítunar frá mér og segðu þeim að þeir geti treyst því að ég mun lifa.

[Hafsteinn Viðar Ásgeirsson, 25.4.2007 kl. 01:25]

Hafsteinn Viðar Ásgeirsson 4.4.2007 | 10:09 Af fiskverði.... http://hva.blog.is/blog/hva/entry/165070/ Í þessari bloggfærslu tengdri ákvörðun "Verðlagsstofu skiptaverðs" um 7% hækkun fiskverðs í "beinum viðskiptum" skoraði ég á bl.m. að skoða málið frekar og koma með verð, sem hann hefur nú í morgun orðið við. það hefði raunar verið gagn að því að fá verðið á Ýsunni til að skoða því þar hefur verið lang mestur munurinn, sérstaklega á síðasta ári, á milli Fiskmarkaða og þessara ákvarðana VS. Samkvæmt fréttinni er verið að ákveða núna, þegar þorsktíminn er að mestu liðinn, allir orðnir kvótalitlir, saltfiskverð á árlegu róli niður eftir páska o.s.frv., 7% hækkun sem þýðir að vinnslur þessara kvótaeigenda hafa verið að fá fiskinn langt undir verði á liðnum mánuðum. Það þarf ekki að útskýra fyrir þeim sem eitthvað þekkja til að við erum að koma úr því tímabili ársins þegar fiskurinn er hvað bestur til vinnslu, sjórinn kaldur, fiskurinn feitur og fallegur o.s.frv. enda hefur verðið á Fiskmörkuðum endurspeglað það. Það sem er hinsvegar lang alvarlegast er þetta nýja verð, þar er verið að tala um (eins og ég skil það) verð fyrir 1-3 kg. fisk 135 kr., fyrir 3-8 kg. 185 kr.og 8 kg + eru það 260 kr., sagt og skrifað, og hér um gallalausan fisk að ræða, en að sjálfsögðu eru inni aðferðir til að naga þetta eilítið niður, svona ef menn vanda sig. Fréttin hinsvegar hljómar svona; 1 kg. 135 kr, 3 kg. 185 kr. og 8 kg 260 kr? Sem er auðvitað allt annar handleggur og verður svolítið að geta í þær eyður. Og eftir að hafa gert það þá fæ ég útkomuna sem hér var á undan, sem gefur okkur að fyrir 7,5 kg. fisk, gallalausan, fengjust 185 kr. fyrir kílóið, eftir hækkun um 7%??? Í fréttinni kemur fram, að á liðnum mánuðum hafi verð á slægðum Þorski á Fiskmörkuðum hér verið 259 kr. að meðaltali, eða með öðrum orðum það sama og verið er að ákveða núna fyrir 8+kg. fisk og það er ljóst að þessi ákvörðun VS skilar kannski verði uppá 160 kr., ef við gefum okkur það að helmingurinn í farminum væri 1-3 kg fiskur og hinn helmingurinn 3-8 kg (sem er ekki óeðlileg dreifing) þannig að þar munar c.a. 100 kr., sem er ekki svo lítil meðgjöf með fiskvinnslu þeirra kvótagreifa. Þetta verð er svo galið að á köflum í vetur og raunar lengst af, er undirmálsfiskurinn sem skip Greifanna eru að landa og oftast fer, eins og annað drasl frá þeim, inná uppboðin að skila sama verði eða hátt í það og er að fást fyrir það sem fer til vinnslunnar. Eins og áður sagði, hefði verið gagn að því að skoða ýsu á síðasta ári, á ýmsum tímabilum, en þetta er raunar fínt verkefni fyrir blaðamann sem nennir að kafa svolítið og spyrja spurninga, en það ber allt að sama brunni, það er annaðhvort yfirgripsmikið áhugaleysi fyrir þessari undirstöðu, eða að Greifarnir ráða förinni nema hvort tveggja sé. Annar vinkill á þessu rugli er, að nú erum við að sjá fiskverð lækka framundan, bæði Þorsk og Ýsu en þá koma þessir snillingar með ákvörðun um hækkun, það eru m.ö.o. engin tengsl við það sem er að gerast í raunveruleikanum. Við þessu er bara eitt að gera, það er að allir landsmenn sitji við sama borð varðandi möguleika til að kaupa og vinna fisk og að allur fiskur fari í gegnum uppboð með einum eða öðrum hætti.....eins og gert er hjá siðuðu fólki....Það er ekki mikið gagn að því að blása sig upp yfir "fullkomnustu fiskvinnslu í heimi" ef hún verður að byggjast á svona meðgjöfum......og að sjálfsögðu verður að lýsa eftir svokölluðum fulltrúum sjómanna, en til þeirra hefur ekkert spurst síðan þeir voru síðast að elta, með lögfræðingum, einhvern kvótalausan "útgerðarræfil" sem trúlega hefur ekkert verið að borga minna til skipta en Greifarnir, en hann hefur bara ekki verið með vinnslu, heldur selt á markaði og þar með glæpamaður.

[Hafsteinn Viðar Ásgeirsson, 25.4.2007 kl. 01:30]

Það skal ég gera, en sennilega þarf ég þess ekki því þeir, sem betur fer, lesa þetta. En við vitum allir að þú verður allra kalla elstur, eins og við sjáum á þeim gamla þínum, hann verður unglegri með hverju árinu, ef eitthvað er, Guði sé lof fyrir það.....