Græðgistilboð....

.....segir frægur "verkalýðsrekandi" í Vestmannaeyjum, sem telur sig þess umkominn að segja til um hvað er hægt að reka og hvað ekki og full ástæða til að taka vara við þeim fullyrðingum. Honum er hinsvegar bent á hvernig forráðamenn þessa fyrirtækis fótumtroða hagsmuni félagsmanna hans varðandi fiskverð og ef það er ekki græðgi þá...heiti ég Jón eða bara Elías 

Ef þetta tilboð Stillu er græðgistilboð, hvað er þá hægt að kalla tilboð "Eyjamanna" í hlut 49,6% hluthafa á genginu 4,6 ??? Ef það er ekki græðgi þá veit ég ekki hvað græðgi er, en þarna ætlar naumur meirihluti í félaginu að sölsa undir sig félagið með bolabrögðum, langt undir eðlilegu verði, að sjálfsögðu til að leysa það upp í fyllingu tímans, öðruvísi er allt unnið fyrir gíg. Svo þegar þessi hluthafi snýst til varnar augljósum hagsmunum sínum og "annarra" hluthafa, þá telja yfirgangsmenn að sér vegið og fara að höfða til einverra óskilgreindra byggðahagsmuna og ákalla almenning í Eyjum sér til hjálpar við að koma fram ofbeldinu...?

Þessi uppákoma ætti að færa einhverjum heim sannin um það hvernig almennt er traðkað á hagsmunum minnihluta og smærri hluthafa í Íslenskum hlutafélögum og gæti ég skrifað um það langt mál og leiðinlegt útfrá eigin reynslu, en læt bíða að sinni.

„Græðgistilboð" í Vinnslustöðina veldur kvíða í Eyjum