Bara græðgi?

Mér er nú nær að halda að sumt þetta aumingja fólk sem Moggi birtir viðtal við í morgun haldi að þessi kvóti hafi allur komið þarna upp úr höfninni í Vestmannaeyjum, en það er nú bara ekki þannig. Stór pakki af þessum kvóta var sóttur til Þorlákshafnar, með ofbeldi, og fulltingi ESSO sem þá átti bróðurpartinn af VSV ásamt öðrum Sambands-ungum s.s. VÍS. Flutningur þessa kvóta á sínum tíma lagði hér af burðarásinn í bæjarfélaginu Meitilinn hf., en það átti aldrei að verða, samkvæmt loforðalistanum. Það væri hægt að rifja upp fyrir þá sem hæðst öskra núna hvað Binni bankamaður og aðrir ágætir sem fyrir þessum pakka fara skrifuðu uppá þá, sem allt hefur verið svikið, hvert orð, og skipin sem voru áfram skráð hér í Þorlákshöfn, (sem gerði ekkert annað en að villa um þannig að enginn áttaði sig á raunverulegri kvótastöðu hér) fengu VE á síðasta ári.

Hver leyfir sér að þessu gerðu að tala um græðgi og þaðan af verra??? Þessir menn eru ekki að hugsa um almenning í Vestmannaeyjum, hvorki Halli Gísla eða Binni bankamaður, heldur veskið sitt eins og alltaf, það sýnir háðungin í þessu yfirtökutilboði þeirra, það á að halda áfram að taka alla í kringum sig "aftanfrá". Bendi fólkinu sem hæðst öskrar að stúdera greinina á forsíðu Mogga til að skilgreina "rónaháttinn" og hvernig þarna á að koma fram við minnihlutaeigendur, samstarfsmenn, sem aðstoðuðu þá við að halda ránsfengnum og komu með peninga að fyrirtækinu. Að skrifa síðan langt mál um að Guðmundur hafi flutt skipin frá Akureyri og annað álíka er nú ekki einu sinni innlegg í málið því bankapjakkurinn og þessir ofbeldismenn sem með honum fara hefur engu betri sögu í þeim efnum s.br. Þorlákshöfn og raunar verri.

Fólk verður að taka hlutunum eins og þeir eru, þetta er það sem við búum við af hendi stjórnvalda í stjórnkerfi fiskveiða og við höfum ekki séð neitt af því ennþá, því einhversstaðar kemur það niður þegar við sjáum það gerast sem Árni dýralæknir lýsti í ræðu í Boston fyrir nokkrum árum, að hér yrðu aðeins 4 stórfyrirtæki í útveginum innan einhverra ára. Heldur fólk að svoleiðis þróun eigi sér stað án þess að einhverju verði lokað og skipum hent og svo framvegis? Ekki aldeilis....Nei hér er ekki verið að slást við feðga frá Rifi, þeir eru bara að vinna heiðarlega í því umhverfi sem þeim er skapað, það er stjórnkerfið við fiskveiðarnar sem allt er að gera vitlaust og þetta er bara að byrja....

"Þetta er bara græðgi, bara græðgi og ekkert annað"

Athugasemdir

[Hafsteinn Viðar Ásgeirsson, 2.6.2007 kl. 17:14]

Sterkur segirðu, ég vildi nú óska að það væri meiri vindur í manni, það vantar bara að þeir sem sitja uppí eyru í ofbeldinu sjálfu komi sterkir inn...Víkingasveitina í gang....

Mogginn er náttúrulega með fólkið til að fara af alvöru inní þetta, þýðir ekkert að setja "Bryggjufíflið" eins og Nilli kallar hann, því hann skrifar alltaf eins og hann sé í vinnu hjá LÍÚ eða Máa en ekki hjá Mogga eða lesendum...

[Halldór (IP-tala skráð) 4.6.2007 kl. 00:26]

Þetta er akkúrat málið! Kerfið býður uppá þennan óskapnað og auðvita spila menn með annars stopp stopp og engin árángur. Ég hef sagt það áður og segi það enn og aftur að í Eyjum er best að gera út og er svo enn. Þar af leiðandi held ég að Akureyrirngar og aðrir landsmenn ættu frekar að hafa áhyggjur af þessu yfirtökutilboði heldur en Eyjamenn. Ég er hræddur um að bræðurnir flytji áður keyptan kvóta út í eyjar sem og skip og báta, svona rétt eins og bankagaurinn gerði er hann verslaði Meitilinn hf. Og þá fyrst förum við að sjá Boston spádóm dýralæknisins verða að veruleika. Kannski þetta hafi nú alls ekki verið neinn spádómu heldur markmið sem búið er að keppast að lengi, hver veit

[Hafsteinn Viðar Ásgeirsson, 4.6.2007 kl. 00:39]

Þetta var og er markmið Halldór, ekki spurning með það og að því hefur verið keppt leynt og ljóst af LÍÚ klíkunni og þeim sem fyrir þá vinna...