Fréttir af Grindvíkingum...

"Grindvíkingar stórhuga"

Grindvíkingar kynntu í gær á aðalfundi Sambands sveitarfélaga á Suðurnesjum stórhuga framtíðar atvinnuuppbyggingu þar sem boðið verði upp á orku og nægt landrými fyrir áhugasöm fyrirtæki. Þetta séu nýjar varnaraðgerðir vegna mikillar óvissu í sjávarútvegi.

Orka, umhverfi og hagkvæmni eru lykilorðin í framtíð atvinnuuppbyggingar í Grindavík en heimamenn eru afar ósáttir við mótvægisaðgerðir ríkisstjórnarinnar og horfa nú fram á veginn á annað en sjávarútveg. Þar sé ríkisvaldinu ekki treystandi.

Ólafur Örn bæjarstjóri Grindavíkur flutti erindi þar sem hann lýsti áformum heimamanna um varnaraðgerðir vegna óvissu í sjávarútveginum.

"Við erum að bregðast við þessari óvissu með nýju útspili í atvinnumöguleikum hér í Grindavík. Við erum að skipuleggja stór iðnaðarsvæði og ætlum okkur að nýta orku hér í okkar landi. Það eru fyrirtæki sem hafa verið í sambandi við okkur, m.a. eitt mjög stórt og önnur minni þannig að málið er komið af stað. Við munum fara í öfluga markaðssetningu á Grindavík út frá þessum þætti og beina henni til fyrirtækja sem þurfa orku og landssvæði.

Það er stefnt að því að vinna þessi mál í samvinnu við Hitaveitu Suðurnesja. "Við viljum sjá uppbyggingu atvinnusvæði hérna megin á skaganum líka. Aðalatriðið er að bregðast við óvissu ástandi í sjávarútveginum. Við erum neyddir til þess.Ekki hafa stjórnvöld létt okkur lífið eftir niðurskurðinn þar og þess vegna þurfum við að taka nýjan vinkil í okkar framtíðaruppbyggingu."

 Svona hljóða fréttir gærdagsins af þeim grönnum okkar í vestri. Ólík eru nú efnistökin hjá þeim eða okkur, hér grenja menn úr sér augun yfir að vera að leggja á hilluna áform um Álbræðslu (sem reyndar var aldrei neitt nema froðan) en ég sé ekki neinn harmagrát í þessari frétt og hvergi minnst á Álver. Auðvitað er hægt að draga að sér eitthvað í staðinn fyrir sjávarútveginn, allavega á þessum svæðum hér í kringum höfuðstaðinn...

Athugasemdir

[Bergur Þór Ingólfsson, 12.11.2007 kl. 15:26]

gó gó Grindavík.

Enda er alls ekkert að grenja yfir.  Fékkst ekki fullt af peningum fyrir Hitaveituna?

Að sjálfsögðu þýðir ekkert annað en standa upp, dusta af sér moldina og halda áfram.

Í ofanálag verður öll íþróttaiðkun barna FRÍ í Grindavík á næsta ári.

Ég er í alvöru að pæla að flytja aftur heim.

Myndi gera það ef það gengi lest á milli. 

[Hafsteinn Viðar Ásgeirsson, 12.11.2007 kl. 20:39]

Það hljóta fleiri og fleiri að hugsa til þess að flytja heim að námi loknu, þegar mannlífið er að gera sig og nóg er við að vera...