Nýjan Herjólf.

Að sjálfsögðu ætti að vera búið að leggja drög að nýjum Herjólfi, en það er vonandi enginn svo sturlaður að halda að það komi bæði nýr Herjólfur til Þorlákshafnar og höfn í Bakkafjöru, með skipi og öllu tilheyrandi? Hann hlýtur nú að duga þessi þar til kemur bátur í Bakkafjöru, fyrst menn eru á því að það sé lausnin....

Nýr Herjólfur nauðsynlegur strax

Athugasemdir

[Einsi (IP-tala skráð) 5.12.2007 kl. 17:35]

Þegar sagt er nýr Herjólfur er ekki verið að tala um nýsmíði, heldur að fá annan, stærri, betri og öflugri Herjólf. Það ætti auðveldlega að vera hægt með því að leigja slíkt skip.

 Og nei: þessi Herjólfur dugar ekki þangað til Bakkafjara er kominn, sem gæti verið eftir 4-5 ár jafnvel lengur. Þessi Herjólfur hætti að duga fyrir mörgum árum, þrátt fyrir að Eyjamenn hafi látið það yfir sig ganga eins og flest það óréttlæti sem við höfum orðið fyrir á síðustu árum eins og aflaskerðingu og annað. Og á næstu árum mun hann ennþá síður duga.

[Hafsteinn Viðar Ásgeirsson, 5.12.2007 kl. 20:55]

Það er auðvitað möguleiki að leigja inn bát fyrir Herjólf, en þeir eru nú sennilega ekki á hverju strái.

Það er af og frá að þessi bátur hafi hætt að duga fyrir mörgum árum. Meira að segja mætti enn nýta í honum meiri flutningsgetu, með því að keyra hann fleiri ferðir á sólarhringnum, ef það er svo að hann anni þessu hvergi nærri. Að ég ekki tali nú um ef það hefur verið þannig í mörg ár þá skil ég ekki hversvegna báturinn hefur ekki verið keyrður stífar, bara með tveimur áhöfnum, eða fleiri ef því er að skipta???

[Árni Sigurður Pétursson, 5.12.2007 kl. 21:49]

vandamálið með stærðina á þessu skipi tengist nú einna helst því að ekki er nægt pláss á bíladekkinu.

það að fara aukaferðir og aukaferðir bætir ekki endilega úr skák, þar sem að ef að það ætti að fara aukaferðir úr sem komið er þá þyrfti að fara hérna frá vestmannaeyjum um 11 leytið um kvöldið, og ekki er það nú beint spennandi tími til þess að fara frá eyjum, hvað þá að vera komin þá til þorlákshafnar þegar að klukkan er að verða 2 um nóttina

ekki er ég viss um að þær ferðir myndu nýtast neitt að ráði, tjahh jú fyrir flutninga vissulega, en ekki fyrir mikið af vinnandi fólki.

en síðan er það ekki endilega það sem að er orðið vandamál með þetta skip, heldur líka bara að þetta skip er orðið gamalt og lúið

og þarfnast orðið símeira viðhalds og það að skipið missi úr ferðir vegna viðhalds getur bara verið stórmál fyrir okkur eyjamenn 

[GBA (IP-tala skráð) 5.12.2007 kl. 21:54]

Það myndi lagast ástandið með bílaþilfarið er ríkið setti þá annmarka á Eimskip og Samskip, sem rekið hafa skipið síðustu ár, að takmarka flutninga á gámum með skipinu. Skipið var ekki hannað og smíðað til gámaflutninga heldur til farþega og bifreiðaflutninga. Mér skilst að þetta sé stærsta vandamálið varðandi pláss í skipinu. Skipafélögin eru að nýta sér farþega- og bílaferju sem flutningaskip en miðað við ástandið í dag ættu bílar og fólk að hafa algeran forgang. Þetta er eitthvað sem ég tel að Vestmannaeyingar ættu að berjast gegn.

[Hafsteinn Viðar Ásgeirsson, 5.12.2007 kl. 22:08]

Ekki spurning, að bílar og fólk á að hafa forgang, annar flutningur s.s. gámar og trailerar á að flytja í aukaferðum að nóttunni. Ef þetta er það sem þarf ætti að vera auðvelt að laga það.