Undarlegt minni

Það verður að segjast eins og er, að í þessari frétt koma fram undarlegar fullyrðingar sem skilja má á þann veg að úthald skipa hafi minnkað við tilkomu kvótakerfis í fiskveiðum, en því er auðvitað þveröfugt farið með togaraflotann, eins og skoða má í skýrslum.

Og hún ætlar að verða lífseig þessi öfugmælavísa um að auðveldara hafi orðið að skipuleggja veiðarnar með tilkomu kvótakerfisins, það er nú ekkert minna en stórundarlegur málflutningur sem afar erfitt er að finna útúr.

Einn togari á miðum yfir jólin

Athugasemdir

[Hafsteinn Viðar Ásgeirsson, 24.12.2007 kl. 12:41]

Þú þarft nú ekki að lýsa fyrir mér hvernig þetta hefur gengið fyrir sig, hvorki fyrir eða eftir kvótakerfi, það man ég allt of vel.

Ég þarf svo ekkert að leita neinna raka fyrir stór fjölgandi sóknardögum togaraflotans eftir að kvótakerfið var tekið upp, það geturðu skoðað í skýrslum um úthald togaraflotans fyrir og eftir og/eða einstakra skipa. 

[Baldur Kristjánsson, 24.12.2007 kl. 12:54]

Gleðilega hátíð samt sem áður. Kv. B

[Ari Guðmar Hallgrímsson, 24.12.2007 kl. 13:31]

Með tilkomu kvótakerfisins fækkaði skipum hratt og fjárfesting í atvinnutækjum minnkaði, áhersla á gæði afurðanna jukust og veiðarnar urðu arðbærari.

Og þrátt fyrir þessa miklu hagræðingu aukast skuldir útgerðarinnar sem aldrei fyrr.Óska ykkur gleðilegra jóla,og megi þetta kvótaár færa enn meiri auð í garð ´sægreifanna,þótt þeir hirði ekki um að greiða skuldir sínar.

[Hafsteinn Viðar Ásgeirsson, 24.12.2007 kl. 14:39]

Mjög góður punktur Ari, Þær eru margar þversagnirnar og öfugmælavísurnar sem sem menn eru að tyggja á eins og einhverjum sannleik um kvótakerfi Framsóknar og andskotans.

Já Gleðilega jól allir sem hér koma inn, Sægreifar sem aðrir....

[Sigmar Þór Sveinbjörnsson, 24.12.2007 kl. 17:15]

Heill og sæll kæri bloggvinur þú veist álit mitt á þessu kvótakerfi og ekki meira um það nú á jólum. Ég óska þér og þínum Gleðilegra Jóla og gæfuríks komandi árs, þakka bloggspjall á liðandi ári.

Hátíðarkveðja

[Gísli Bergsveinn Ívarsson, 26.12.2007 kl. 11:44]

Gleðileg jól, og takk fyrir góð samskipti á árinu sem er að líða