Hvaða,hvaða.

Ekkert má nú. En hver sem í hlut á getur huggað sig við það, að þetta er afar kvótavænt, þ.e. það eyðist ekki dýrmætur kvótinn meðan báturinn er í höfn.

Minnir mig á að til mín kom ungur skipstjóri fyrir nokkrum árum, afar óhress með aflabrögðin hjá sér. Ég brást við með því að segja honum að þetta væri afar gott uppá framtíð hans sem skipstjóra. Minn fór að sperra eyrun og vildi fá útskýringu á því, sem ég sagði að væri vegna þess að vegna kvótans og niðurskurðar endalaust væru fyrirtækin farin að sækjast sérstaklega eftir mönnum sem "færu vel með kvótan" og teygðu lopan, þannig að kvótin entist vel. Þannig væru þekktar fiskifælur orðnar "inn" á flotanum og þetta væri allt kvótakerfinu að þakka.

Ég fór hinsvegar að draga í land þegar mér sýndist minn maður ætla að kaupa ruglið....Það er engin saga svo ótrúleg að menn trúi henni ekki uppá kvótakerfi Framsóknar og andskotans....

Sex í áhöfn báts voru ekki lögskráðir

Athugasemdir

[haraldurhar, 11.2.2008 kl. 14:14]

   Það er rétt að bestu skipstjórarnir undanfarna ára eru þeir sem eru leiðitamir, og afla hóflega, legga sig eftir að fiska það sem þeim er sagt.

   Eg hef eina spurningu til þín, og hún er tilkominn að mér var sagt, að útgerðarmaður í Eyjum,  seldi allan aflan sem hann flytur út í gámum, til félags sem væri í hans eigu á föstu verði, og léti svo það félag selja á markaðnum.   Hefði þessi háttur verið á til nokkra ára, ef svo er hvar er ákvæðið gamla um að skipstjóra ber að sjá til þess að áhöfn fái réttmætt verð fyrir aflan.???

[Hafsteinn Viðar Ásgeirsson, 11.2.2008 kl. 14:23]

Þetta eru nokkur dæmi um Haraldur og er eina leiðin ef menn eru að leigja kvóta. Það gengur ekki að leigja kvóta og borga síðan hlut úr brúttósölunni Það þarf hinsvegar að passa að félagið sem kaupir sé ekki bara báturinn, þarf að flækja fleirum í málið...

Er þetta ekki bara sambærilegt við þegar stórútgerðin er að taka inn í sínar vinnslur á skiptastofuverði sem var í vetur kannski 140 kallinn á sama tíma og markaðsverðið er 250 eða 300?

Skipstjórar hafa ekki haft nokkurn möguleika til að hafa á þetta áhrif í langan tíma...mjög lengi.

[haraldurhar, 11.2.2008 kl. 20:35]

    Þakka þér fyrir svörin.

      Spurning mín var vegna þess að mér var sagt að stórútgerðamaður í Eyjum, hefði þann háttinn á að láta holdingfél. kaupa afla beint af bátnum, og er þessi útgerðarmaður jafnframt stór kvótaeignadi.

     Eg vissi ekki betur en það hefði verið eitt megin verkefni Sjómannafél. að passa uppá að ekki væri dreginn kvótaleiga frá greiddu fiskverði, og haft til þess dyggan stuðning LÍÚ, til að halda aumingjunum niðri.

    Eg vissi nú reyndar að Sjómannasamtökinn væru orðin liðónýt, og hafa leitt félagsmenn sína eins og lömb til slátrunar, eins og best sannast með apparatinu Verðlagsstofan á Akureyri, sem er eins konar friðþæging fyrir Sævar og félaga.   Eg get ekki betur séð en hlutaskipta fyrirkomulagið se dautt, og réttast væri að taka upp fast manaðarkaup, og svo jafnvel premíu eins og var hér á árum áður á togurunum og greiða lifrarpening og jafnvel hrognapeninga.  Jafnvel að áhafnir gætu fengið að hirða hluta af þeim afla sem fer fyrir borð, án kvóta.

    Einnig mann ég eftir að starfsmenn vikta gengu hart eftir að vörugjöld og önnur gjöld til hafnanna væru greitt af brúttosöluverði, og voru jafnvel með nefið í söluuppgjörum fyrir gámana til að sannreyna, að þeir væru ekki snuðaðir

    Eg segi nú bara að lokum ég vissi að sjómannaforustna væri aum, en hafði bara ekki hugmyndaflug hversu aum hún er í raun.

[Hafsteinn Viðar Ásgeirsson, 11.2.2008 kl. 20:44]

Eitt alstærsta vandamálið varðandi alla höndlun, sölu og verðlagningu á fiskinum er þessi guðsvolaða svokallaða sjómannaforusta. Alger dauðyfli sem virðast vera djúpt í vösum stórkvótaeigenda og snýða allt að þeirra þörfum. Eins og þessi vanskapningur á Akureyri "Verðlagsstofa skiptaverðs" er afar gott dæmi um.

Helvítis ónýti, það er það sem það er.

[haraldurhar, 12.2.2008 kl. 00:09]

   Eg átti tal við einn fremsta manna sjómannaforustunar fyrir um 20 árum, er mér þóttu þeir ganga hart fram í að koma aflamarkskefinu á allar fisktegundir, auk þess að ganga í að leggja niður sókanrmarkið, með því markmiðu leynt og ljóst að fækka útgerðaraðilum.   Viðbrögð hans voru þau að þetta væri sjómönnum til hagsbótar, og mann ég kvaddi hann með þeim orðum, að við skyldum talast við eftir áratug eða tvo, því eg væri fullviss að með þessu áframhaldi yrði hann og aðrir í sjómannaforusunni komnir á laun hjá stórúterðum, og verkalýðsbaráttan komi á sama level og í Bandaríkjunum.

Verðlagstofa skiptaverð er nú eitthvert vitlausasta batterí sem fyrirfinnst, og er dæmigert hversu sjómannaforustan er liðónýt.  Jafnvel að þessi vitleysa framkalli þá þörf á setja á stofn aftur Verðlangsstofu fiskiverð, og láta gefa lámaksverð eins og gert var hér á árum áður.   Eg hygg að í flestum nágrannalöndum okkar sé óheimil bein sala  á fiski til fiskvinnsluaðila, og þurfi þar af leiðandi að fara í gegn um uppboðsmarkað. 

[Hafsteinn Viðar Ásgeirsson, 12.2.2008 kl. 10:35]

Ég er mjög sammála þér varðandi þessa kóna. Átti reynda mínar snerrur um þetta meira við Kristján Ragnarsson á þessum árum, enda var ég formaður í félaginu hérna og það var alveg sama viðmótið þar, við þessir smákallar sem vorum að bjarga okkur frá gjaldþrotunum með því að losa okkur undan verðlagsráðsverðinu og sigla og flytja út í gámum áttum oft mjög erfitt uppdráttar í samtökunum.

Man eftir eitt sinn og þá var að mig minnir álag á útflutning einhver 20% á þorskinn og hitt allt lægra allt niður í 5%, (eftir hvort vinnslan kærði sig um það eða ekki). Eitthvað var verið að herða á úthlutun leyfa til útflutnings og mér varð á orði að ef þeir héldu áfram að berja á okkur sem værum að reyna að komast uppúr skítnum á ísfiskveiðum, þá mundi allur pakkinn, Guðbjörg og hvað þér hétu nú, fara í frystingu um borð og þá fengju þeir 20% umbun í kvótanum í gegnum vinnsluna (eins og þetta var í upphafinu) í stað þessarar dellu. Örfáum árum síðan er búið að koma vinnslu í stóran hluta flotans, m.a. Gugguna. Þetta voru hamfarir af manna völdum, ekkert annað.

Þessu mistök voru sérlega bagaleg vinnslunni í landinu vegna þess að þessir aðilar, eins og Guðbjörgin o.fl voru lang öflugastir við að landa þar inn og jafnframt fór alltaf hluti á markaðina hérna.

Sjómannaforystunni þarf ekki að binda um skeinu á og eins og þú segir réttilega um þessa skömm þarna á Akureyri, hún er órækasta sönnunin..

[haraldurhar, 14.2.2008 kl. 00:15]

    Hafteinn þú veitst að þú og ýmsir aðrir aðilar voruð á niðurskurðarlistnanu, og því að sjálsögður reynt að koma í veg fyrir gámasölur o.fl, svo maður tali nú ekki um aðgang að rekstrarlánum og langtímalánúm.   Álagið og takmörkun á leyfum til útflunings var allt meðvituð ákörðum þeirra sem réðu í raun.   Sumir þessara menna hlustuðu á þig, en hlóu er þú gekkst út úr skifstofunni,  og leiddist ekki að heyra að ´væri árangur starfa þeirra.

[Hafsteinn Viðar Ásgeirsson, 14.2.2008 kl. 10:15]

Alveg hárrétt Haraldur og það var ekki vandi að finna hvaðan vindurinn blés. Vonbrigðin voru hinsvegar að allt skyldi endanlega fara í hendur LÍÚ-klíkunnar þegar Þorsteinn Pálsson kom að málinu, hann er mesta skaðræðið sem að þessu hefur komið, að mínu mati.