Gamli misgóði Villi.

Vilhjálmur vildi að Þórólfur segði af sér vegna ósannsögli

MYND/Stöð 2

Vilhjálmur Þ. Vilhjálmsson oddviti Sjálfstæðismanna í borgarstjórn, skoraði á Þórólf Árnason fyrrverandi borgarstjóra að segja af sér á sínum tíma, vegna tengsla hans við verðsamráð olíufélaganna. Þá sagði Vilhjálmur alvarlegt ef stjórnmálamenn segðu ekki satt.

Karen Kjartansdóttir blaðamaður á Fréttablaðinu skrifar um framgöngu Vilhjálms í aðdraganda þess að Þórólfur Árnason, borgarstjóri Reykjavíkurlistans, sagði af sér embætti árið 2003.

Þórólfur lá undir ámælum vegna fyrra starfa sinna hjá Olíufélaginu, sem varð uppvíst að verðsamráði með hinum stóru olíufélögunum og það samráð bitnaði m.a. á Reykjavíkurborg. Vilhjálmur sagði um Þórólf í Fréttablaðinu hinn 30. júlí 2003: „Hann er ekki að segja satt og rétt frá og vísa ég til hans eigin gagna því til stuðnings."

Síðar segir Vilhjálmur: „Það er mjög alvarlegt mál þegar stjórnmálamenn segja ekki satt og rétt frá. Ég get einfaldlega sagt það að ef ég væri staðinn að svona löguðu þá myndi ég segja af mér. Hann verður hins vegar að gera þetta sjálfur upp við sína samvisku," segir Vilhjálmur.

Í ágústmánuði tjáir Vilhjálmur sig aftur í Fréttablaðinu um stöðu Þórólfs. Hinn 22. ágúst er haft eftir Vilhjálmi: „Þórólfur segir að hann hafi bara fengið tölur frá forstjóranum og ekki vitað hvað hann var að skrifa undir. Það er nú ekki merkilegt svar," segir Vilhjálmur.

Sjálfur hefur hann borið fyrir sig í REI-málinu að hann hafi ekki alltaf haft öll gögn og upplýsingar við hendina þegar hann tók ákvarðanir. Frá því að Vilhjálmur mælti þessi orð um Þórólf í júlí og ágúst 2003, leið rúmt ár þar til Þórólfur sagði síðan af sér. Hann tilkynnti afsögn sína hinn 9. nóvember 2004 og lét af embætti hinn 30. nóvember.

Hér er frétt af Vísir.is sem segir meira en flest annað sem fram hefur komið síðustu daga hver óþefurinn er af kallinum. En hann situr sem fastast að sjálfsögðu, enda samviskusamur og gegnheill eins og frægt er orðið......bara pínu gleyminn og kannski líka vi****

Athugasemdir

[haraldurhar, 14.2.2008 kl. 00:03]

  Góð samantekt hjá þér Hafsteinn, og lýsir hversu Vilhjálmur er siðblindur, og mann eflaust ekkert eftir þessari umfjöllun.

   Það var synd og skömm, að Þórólfur væri þvingaður til að láta af störfum borgarstjór, og átti Arni ekki minnstn þátt í því.  Mitt álit var að Þórólfur hefði ekkert brotið af sér, einungis framkvæmt og viðhaf þau vinnubörgð hjá Esso, er höfðu  viðgengist í áratugi.   Eg tel að nær allir sem nærri stjórnun fyrirtækja og stofnanna, auk stjórnmálamanna hafi vitað um þessi vinnubrögð.  Hlutdeild af viðskipunum var ætið skipt upp vegna olíuviðskipa á vellinu., sama var með olíu til SR. sem var skipt upp í hlutföllum á milli þeirra einnig. og má svo lengi telja.  Höfuðsjónamiðið í þessu var gamla helmingaskiptareglan, BP var ætið dálítið utangátta, og þú mannst kannski eftir því þegar Óli heitinn var að reyna komast inn í flugvélaafgr. á vellinum

[Hafsteinn Viðar Ásgeirsson, 14.2.2008 kl. 10:20]

Fréttablaðið á nú heiðurinn af að minna okkur á þetta og mætti vera meira um að það væri rifjað upp hvað þessir kálfar hafa sagt á hverjum tíma, en takk samt.

Það segir nú allt of mikið um íslenskt efnahagslíf og pólitík að það skuli vera svona stutt síðan þessir furstar voru að díla og víla um kökuna. Þetta var allt líkast því sem maður heyrir frá Nígeríu, eða þeim slóðum...