Allt í áttina.

Það var mál að ráðamenn færu að taka við sér og legðu land undir fót við að kynna málstaðinn. Málflutningurinn enda verið afar óhagstæður okkur um langan tíma, svo maður hefur undrast aðgerðarleysið. Það var jafnvel farið að hvarfla að manni að fullyrðingar dana ættu við rök að styðjast. Auðvitað er eldur þar sem er reykur, allavega hiti, en fyrr má nú vera. Allt ætti þetta að vera til að hjápa, ISG í Danmörku og Haarde vestra, það verður að berja á þessu.

Dönsku bankarnir keppa við þá íslensku

Athugasemdir

[Grisemor, 14.3.2008 kl. 11:22]

Reyndar ætla íslendingar að vera lengi að komast út úr þessu hvað danir séu alltaf vondir. Staðreyndin er sú að margt af því sem danir hafa varað við er að koma í dagsljósið. Íslensku bankarnir hafa tekið 6 trilljónir að láni erlendis og eru skulsettustu bankar innan OECD. Eignatengsl eru mjög náin og þegar eitt félag fer niður dregur það hin með sér eins og sést hefur undanfarna mánuði og félögin í kauphöllinni eru langflest fjármögnunar- og fjármálafyrirtæki sem keyra hagnað sinn áfram með söluhagnaði og vaxtamun sem þýðir að þegar harðnar á dalnum þá bitnar það fyrst og fremst á slíkum fyrirtækjum fremur en venjulegum "blue chip" fyrirtækjum sem hafa stöðugri innkomu. ég held að það komi enn betur í ljós með vorinu hversu mikið af þessu sem danir hafa sagt er rétt.

[Hafsteinn Viðar Ásgeirsson, 14.3.2008 kl. 11:34]

Mér finnst danir alls ekkert vondir, aldeilis ekki. Það er hinsvegar einhver núningur þarna milli banka þar og hér, (sem eru auðvitað í bullandi samkeppni) sem svo virðist smita yfir í einhvern hluta blaðanna. (þar sem líka var startað samkeppni héðan) Allt satt og rétt sem þú nefnir með eignatengslin, sem við sjáum líka vel á markaðnum hérna, ef Exista fellur eins og steinn þá fylgir Spron eins og skugginn og Kaupþing einhversstaðar í námunda. Allt draslið meira og minna í sömu körfunni.