Ánægjuleg endurkoma.

Bryan Robson verður örugglega góður sendiherra Man.Utd., ekki vafi. Allir sem hafa fylgst lengi með Utd. hafa taugar til Robsons, frábær leikmaður og karakter. Það hefur ekki gengið vel hjá honum að festa sig annarsstaðar sem knattspyrnustjóri, þarna er hann hinsvegar kominn heim aftur og það er gott mál.

Robson til Manchester United

Athugasemdir

[Grétar Rögnvarsson, 20.3.2008 kl. 14:34]

Ekkert gengið hjá karlinum sem stjóri, en gaman fyrir ykkur að fá hann, er nú alveg sammála því, Ronaldo er að verða besti knattspyrnumaður í heimi og er Man Utd mikilvægur, hann er að springa út og verður bara betri og betri.

Held að það sé rétt að við hittumst í Grimsby í den kom þar oft þegar ég var með Sæljónið. Djöf bræla hérna núna 170 sml suður úr Ingólfshöfða drekkhlaðinn dalllur allur á kafi 20-25 m/s.

[Hafsteinn Viðar Ásgeirsson, 20.3.2008 kl. 14:42]

Mér varð hugsað til þín í gærkvöldi þegar ég sá veðurspána, var búinn að sjá að þú varst að leggja íann heim með fullan bát, það er sennilega ekki geðslegt, en sullast meðan ekkert gefur sig og þetta er góður bátur.

Já þú varst á Sæljóninu þá og við vorum þarna nokkuð lengi í viðgerð með bátinn fram á haust '82. 

[Hallgrímur Guðmundsson, 21.3.2008 kl. 02:00]

Það er rétt hjá þér þarna er á ferðinni frábær kappi sem reyndist Utd vel á sínum tíma. Sem Púllari var ég ekki alltaf sáttur við gaurinn þegar styrjöldin á milli Utd og Liverpool var sem hörðust á árunum upp úr 1980, sem undirstrikar bara eitt hann var helvíti góður. Ég var einmitt að skoða hvar Grétar vinur okkar er staddur, miða við hraðann á skipinu er skíta veður á strákunum eins og hann segir sjálfur. Það er gaman að geta fylgst með í gegnum AIS kerfið.

[Hafsteinn Viðar Ásgeirsson, 21.3.2008 kl. 07:32]

Það hefur örugglega ekki verið skemmtilegt veður til "ferðalaga" á drekkhlöðnum bát á þessum slóðum í gær, en ætti að vera orðið ágætt núna.

Það minnir á þegar var verið að nota fiskibátana í fraktflutninga í gamla daga, áður en ég byrjaði að setja aflan í gáma haustið '84. Það var oft slark á því. Einhverntíman komum við með 80 tonn úti landað í henni til Grimsby og þeir voru helst á því hún væri að fara niður, lestin full og í kerjum á millidekki eins og hægt var, það var ekki mikið uppúr. Það var ekki gæfulegt að ferðast svona ef eitthvað var að veðri. en það kom aldrei neitt fyrir, uppí 5 siglingar á ári...