"Eru menn að taka stöður".

"Eru menn að vinna gegn krónunni", spyr Gylfi Arnbjörnsson? Er það ekki afar líklegt, að bankarnir hafi þurft að laga á sér fésið fyrir þriggja mánaða uppgjör og farið þá leið að míga í skóinn á kostnað almennings? Ekki ætla ég að útiloka það, frekar en Gylfi og kannski ekkert undarlegt að einhverjir freistist til að taka stöðu á flotkrónuræflinum, annað eins hefur nú gerst hér...

Forsendur samninga að bresta?

Athugasemdir

[haraldurhar, 26.3.2008 kl. 00:59]

   Það er ekki nema eðlilegt að bankarnir auki stöðu sína í erl. gjaldmiðli, því þeir vita að  ísl.kr.  hefur verið ofskráð, og á eftir að gefa eftir á komandi vikum.   Peningastefna Seðlabankans er ein sú arfavitlausasta sem finnst á byggðu bóli, og gengur út á það að halda uppi gengi kr, án tillitst við verðmætasköpunar þjóðarbúsins, með okurvöxtum, og kallst á allmennt Junk bonds, er fjárfestar kaupa með skammtímahagnað í huga.  Þessi hækkun í dag gæti reynst okkur dýrkeypt, og veldur enn meiri ótrú á kr. en áður, og vaxandi vantrausti erl. fjárfesta.

    Það getur enginn þjóð lifað á því til lengri tíma að aðalinnflutingurinn sé erl.lán, og aðalútflutingurinn vaxtagreiðslur.   Við sjáum fram á fjöldagjaldþrot fyrirtæka, með tilheyrandi atvinnuleysi, og þeir sem minnst mega sín í dag lenda í vaxandi mæli á vonarvöl. 

   Mitt mat er það það verður að hætta í þessari skollablindu, og hleypa undirliggjandi verðbólgu í gegn, og færa svo vexti til þess horfs er tíðkast í siðuðum löndum.  Varðandi hækkun á verðtryggðum lánum þá er það í flestum tilfellum langtímalán, og til að koma á móts við þá sem verst standa verður kerfið bara koma á móts við, td. með vaxtafrystingu og lánalengingum´

   Síðast og ekki síst þarf að ryðja Seðlabankann og skipa honum nýja stjórn, og ráða einn Seðalabankastjóra sem hefur til þess mennun og reynslu til að stýra banka.  Við höfum ekki efni á að nota Seðlabankann sem elliheimili lengur.   Leiðist að hlusta á bullið í Ingibjörgu og Geir, sem virðast ekki fær um að taka á þessum málum.