Hann verður nú að klára söguna.

Það verður að finna dylgjunum einhvern stað, hann á nú ekki að komast upp með að sletta smjörklípum út og suður, tala í hálfkveðnum vísum og fótboltafrösum. Nú þarf hann að koma með eitthvað handfast um hvað hann er að tala, svo allir viti hverjum hann er að sneiða að, það getur enginn "seðlabankastjóri" leyft sér að tala í svona gátum.

Kannski þarf að fara að hleypa út af þessu pólitíska elliheimili og setja þarna inn menn sem hafa einhverja þekkingu á peningamálum?

Reynt að brjóta fjármálakerfið

Athugasemdir

[Björn Heiðdal, 29.3.2008 kl. 09:59]

Kauuutphing, Glitnir, Landsbankinn o.s.fr. löbbuðu í halarófu niður í Seðlabanka og keyptu júrur fyrir íslenskar krónur.  Er eitthvað sem þú skilur ekki?  Dabbi átti ekki nógu margar júrur.

[Hafsteinn Viðar Ásgeirsson, 29.3.2008 kl. 13:00]

Ég skil það sem svona venjulegir skilja í þessu rugli. Ég ætla hinsvegar "seðlabankastjóra" að skilja aðeins meira. Hann hefur enda látið að því liggja með ákveðnum hætti að það séu fyrirtæki í landinu sek um landráð. Ég vil ekki þurfa að hlusta á svona kjaftagang og dylgjur frá manni í þessari stöðu án þess að hann sé látinn og þá meina ég látinn, klára það sem hann er búinn að starta umræðu um.

Svo bætti hann um betur í gær og þá voru glæpamennirnir komnir útí heim, eða eru líka þar?

Svona kjaftaþvaður yrði hvergi látið óátalið, það er ég viss um. Veit ekki með Zimbabve hjá Mugabe, það svona kemur upp í hugann, en hvergi í nágrenni við okkur. Það verður gaman að sjá hvort trúðurinn kallaður "seðlabankastjóri" kemst upp með þetta.