Það þarf að gefa langt frí frá þessum pilti.

Tekið af vísi.is

Idol-stjarnan fyrrverandi Kalli Bjarni, eða Karl Bjarni Guðmundsson, var handtekinn á föstudag með 70 grömm af amfetamíni í fórum sínum. Jafnframt var 24 ára gömul vinkona hans tekin en þau voru saman á hóteli í Reykjavík.Greint er frá málinu á forsíðu DV í dag. Þar segir m.a. að bæði Kalli og vinkona hans hafi veitt lögreglunni mótspyrnu er lögreglan hugðist færa þau í járn.DV segir að amfetamínið sem tekið var af Kalla og vinkonu hans hafi verið ætlað til sölu og dreifingar. Málið telst upplýst.

Kalli Bjarni bíður afplánunnar á dómi sem hann fékk vegna innflutnings á fíkniefnum í fyrra. Þá var hann tekinn á Keflavíkurflugvelli með tvö kíló af kókaíni í fórum sínum.

Það virðist ekki hafa rofað mikið til í hausnum á honum þessum. Drottningarviðtalið í Kastljósinu var nú svona og svona, en öll froðan um væntumþykjuna til fjölskyldunnar og hvað hann væri duglegur að vinna í sínum málum nær bara ekki lengra en þetta. Ef hann treystir sér ekki til að vinna sig útúr skuldamálunum nema með því að stunda dreifingu á þessum andskotans viðbjóði, þarf að taka hann úr umferð til mjög langs tíma. Allar götur þar til tryggt er að ungmenni landsins beri ekki frekara tjón af honum en orðið er...