Bílstjórar búnir að ná upp fínni stemmningu.

Held að það sé rétt hjá þeim, að meirihluti fólks stendur með þeim í þessum slag. Það vita allir sem vita vilja, að Árni Matt skilur ekkert fyrr en skellur í tönnum, ef þá, svo það verður bara að berja á þessu. Ef það verður eitthvað sektabull í gangi þá verður bara að skjóta saman í það, það er það minnsta sem allir venjulegir geta gert til að styðja við bakið á mótmælendum, ekki nennum við á staðinn sjálf?

Mikill hiti í bílstjórum

Athugasemdir

[Óðinn Þórisson, 3.4.2008 kl. 18:24]

Ég skal ekkert segja til um að hvort meirihluti fólks styðji þá eða ekki. Þessarar aðgerðir bitna fyrst og fremst á saklausu fólki sem er á leið til og frá vinnu, sækja börnin sín o.s.frv , ekki ætla ég að minnast á að þeir hefta för sjúkrabíla/lögreglubíla sem getur haft ófyrirséðar afleiðingar.
Við höfum ákveðin lög í landinu og þessum bílstjórum ber að virða þau. Þessarar aðgerðir í dag eru komnar út fyrir öll skynsemismörk og þeir eru hættir að láta lögregluna vita eins og þeim ber.
Lögreglan verður á einhverjum tímapunkti að gera það sem þeim er borgað fyrir af okkur skattgreiðendum þ.e framfylgja lögum.
Svo best ég veit er bensínverð lægra hér en bæði í Danmörku og Svíþjóð.

[Hafsteinn Viðar Ásgeirsson, 3.4.2008 kl. 19:40]

Ég hugsa að það sé nú algerlega óþekkt að efnt sé til mótmæla eða verkfalla, án þess að fyri því verði blásaklaust fólk, þannig er það bara. Uppsagnir á sjúkrahúsum, elliheimilum og í skólum, löglegar og ólöglegar og svo mætti lengi telja. Alltaf verða alsaklausir þriðju aðilar fyrir barðinu á aðgerðunum, þannig er það bara og hefur alltaf verið.

Það er svo alveg laukrétt hjá þér, bensín og olía er dýrari hér allt í kringum okkur. Það hinsvegar fer í taugarnar á mér að hið opinbera skuli hagnast á verðhækkunum á heimsmarkaði, það þarf að lagfæra.

[Grétar Rögnvarsson, 3.4.2008 kl. 22:52]

Það væri allavega gáfulegra Hafsteinn að haf söfnun fyrir þeirra sektum heldur leiðindagaurnum Hannesi Hólmsteini

[Hafsteinn Viðar Ásgeirsson, 3.4.2008 kl. 23:12]

Jæja, segðu það nú Grétar, ekki legg ég það að líku.

Helvíti kemurðu flottur á nýju myndinni, alveg uppskrúfaður...?

[Landfari, 4.4.2008 kl. 01:11]

"Það er svo alveg laukrétt hjá þér, bensín og olía er dýrari hér allt í kringum okkur. Það hinsvegar fer í taugarnar á mér að hið opinbera skuli hagnast á verðhækkunum á heimsmarkaði, það þarf að lagfæra."

Hvernig í veröldinni færðu þetta út? Það er nú akkúrart öfugt. Eldsneytisgjaldið er föst krónutala og hefur ekkert hækkað undanfarin ár. Virðisaukaskatturinn er sami og af öllum öðrum vörum en matvöru en flutningabílstjórarnir fá hann endurgreiddan. Almenningur fær virðsaukaskattinn ekki endurgreiddann en 20 þús kallinn sem ég þarf að eyða aukalega í bensin gefur ríkinu ekki krónu meira í virðisaukaskatt en ef ég hefð eytt honum í iPod sem ég varð að sleppa að kaupa því peningurinn fór í bensín. Fúlt en ríkið græddi ekki á því. það tapaði vörugjöldunum af iPodinnum. Auk þess rekur ríkið helling af bílum sem það þarf að kaupa bensín á, á allt of háu verði. Hækkunin er Aröbbunum að kenna og olíufélögunum en ekki ríkinu, hvernig sem á málið er litið.

[Hafsteinn Viðar Ásgeirsson, 4.4.2008 kl. 08:59]

Þrátt fyrir að eldsneytisgjaldið sé föst krónutala eins og allir vita, þá hafa tekjur ríkisins af eldsneytinu, samkvæmt upplýsingum FÍB, aukist um 1.5 milljarða að mig minnir við þessar sviptingar. Þannig fæ ég það út. Það er að slepptu okrinu hjá olíufélögunum, sem alltaf ná að hagnast á öllum hækkunum.

Ég held nú reyndar að þetta andskotans hangs yfirvalda við að ganga frá undanþágum varðandi hvíldartímann og fleira, sé nú kannski stærsta málið hjá atvinnubílstjórunum. Olíuverðinu verður ekki svo mikið breytt, en eitthvað þó, alltaf er endurskoðunarnefndin að störfum , væri gaman að vita hvað fer fram þar.