Er ekki hægt að finna eitthvað betra athvarf fyrir "Bubba kóng"

Það er aldeilis dæmalaus þessi dómsdagsspá Seðlabanka. Það er engu líkara en að þar á bæ ætli menn að taka niður verðbólguna með sparifé og eignum almennings, eina ferðina enn. En hvað ætlar Bubbi að gera fyrir utan að hækka vextina? Auðvitað verður Ríkisstjórnin að fara að láta sjást í einhver plön varðandi nútíð og framtíð.

Alvarleg staða efnahagsmála

Athugasemdir

[DoctorE (IP-tala skráð) 11.4.2008 kl. 12:18]

Dabbi ætlar sér að spila brids og horfa á skrílinn súpa seiðið af gjörðum kóngsins

[Hafsteinn Viðar Ásgeirsson, 11.4.2008 kl. 12:41]

Ég átta mig ekki á hvað hann ætlar sér maðurinn, ég bara öskra eftir að honum verði komið fyrir einhversstaðar á viðeigandi stað. Þjóðin þarf að fá frí frá Bubba kóng og hans nótum til langrar framtíðar...

[Árni Gunnarsson, 11.4.2008 kl. 12:47]

Þetta minnir mig á þegar Jón Bjarnason var búinn að fá nóg af Valgerði Sverrisdóttur. Hann tók til máls á Alþingi og gerði það að sinni tillögu að henni yrði fundið sendiherraembætti í einhverju afar fjarlægu ríki!

Mér finnst að þessa hugmynd ætti að endurvinna. 

[Jón Aðalsteinn Jónsson, 11.4.2008 kl. 12:55]

Ég tel þetta alveg rétt hjá þeim íbúðaverð hefur verið hækkað allt of mikið og í raun held ég að 30% lækkun myndi vera nokkuð eðlilegt verð. Þeir sem keyptu á hinu uppsprengda verði munu tapa en það var held ég velflestum ljóst líka bönkum og fasteignasölum að hið há verð var bull.

[Stefán (IP-tala skráð) 11.4.2008 kl. 13:19]

Ég er alveg sammála Jóni Aðalsteini, húsnæði hér er orðið alltof hátt spennt og því þarf að leiðrétta það virkilega og 30 % niður væri bara raunhæft. Slíkar lækkanir eru einmitt í nágrannalöndunum s.s. í Bretlandi. Fasteignasalar reyna auðvitað að tala verðið upp, þó að þeir viti að það sé algjörlega óraunhæft. Þeir eru jú margir um það bil að fara að að skella í lás.

[Hafsteinn Viðar Ásgeirsson, 11.4.2008 kl. 13:37]

Þá fyrst fá menn nú kúluna kennda, ef bankarnir þufa að fara að afskrifa íbúðalán í stórum stíl. Ætli að þeir verði nú ekki með fangið fullt við að afskrifa veðlausu kvótalánin? Jón þú segir "íbúðaverð hefur verið hækkað". Hver hefur hækkað það?

Ef það byrjar einhver hryna afskrifta hjá bönkunum er nú hætt við að lækkunin stoppi ekkert við einhver 30%, þá hrynur þetta eins og spilaborg

Árni, ég var að sleppa tólinu við grjótharðan sjálfgræðismann úr elítunni sem sagði mér að Bubbi væri virkilegt vandamál "sem enginn gæti leyst nema hann"??? Það er geðsleg tilhugsun...

[corvus corax, 11.4.2008 kl. 23:24]

Ég held að það sé laust pláss á Breiðavík fyrir lögfræðimenntaðar fyllibyttur, dýralækna með stórmennskubrjálæði, maníska heráhugalögfræðinga og skrípamyndasafnið hæstarétt eins og það leggur sig. Það má þá kalla samkunduna ættingja- og vinamót fábjána í valdastöðum. Og þegar hyskið er komið þangað má ekki undir nokkrum kringumstæðum gleyma að rjúfa veginn heim að staðnum og allar aðrar samskipta- og flóttaleiðir.

[Jakob Falur Kristinsson, 21.4.2008 kl. 08:33]

Það er rétt Hafsteinn að þegar niðursveiflan byrjar fyrir alvöru stoppar hún ekki við 30% heldur hrynur allt efnahagskerfið á einu bretti.  Ég skil ekki hvar þessi 30% voru fundin út eða hvers vegna.