Er hægt að fá þetta á mannamáli?

Um hvað snýst þetta nákvæmlega, það er ekkert auðséð um það útúr þessari frétt. Það er ótrúlegt annað en að einhver geti snúið þessu á Íslenskt mannamál.

Glitnir Privatøkonomi svipt réttindum af norska fjármálaeftirlitinu

Athugasemdir

[haraldurhar, 11.4.2008 kl. 18:41]

   Hafsteinn ég held þetta sé vegna þess að eftirlaunaþegar vildu fá hærri ávöxtum af fjármunum sínum en greiddir eru af bankainnistæðum og peningamarkaðsjóum.   Viðskiptavinir virðast hafa slegið út á Fasteignir sínar lán og því verið ráðstafað í fjárfestingar er gáfu meiri ávöxtun, en eins og alltaf þegar bakslag kemur í markaðinn og fólk sér fram á tap, þá er það öðrum að kenna en því sjálfu, og ráðgafarnir blekktu þau.   Margur verður að aurum api.

[Hafsteinn Viðar Ásgeirsson, 11.4.2008 kl. 19:08]

Já þetta er eitthvað svona. Það er nú ekki mjög þægileg staða fyrir Glitni að fá þetta í andlitið í Noregi núna, sérstaklega eins og umræðan er um íslensku bankana.

[haraldurhar, 12.4.2008 kl. 01:16]

   Rétt er það ekki eykur þessi frétt traustið á  Glitnir í Norge, en fyrirsögnin í einu blaðinu var eftirfarandi með þessari frétt í kvöld.    Glitnir leggur sig marflatan fyrir gagnrýni.

   Það er búinn að vera mikil umræða í Noregi undanfarna daga vegna taps Skagenfondene á ísl. kr. er þeir voru með stóra stöðu í og skilaði mjög neikvæðri afkomu þeirra á síðasta ársfjórðungi, og hafa þeir innleyst að mig minnir um 20 milljarða tap á þessum viðskiptum, sem er nálægt helmingurinn af stöðu þeirra.   Einning hefur Norski Olíusjóðurinn tapað gífurlegum fjármunum á ísl. kr. og erum margir arfavitlausir.  Það er ekki laust við að hlakki svolítið í mér, því norðmenn voru alveg sérstaklega erfiðir í viðskipum, og ef þeir höfðu hugmynd um að mann vantaði hlutinn, þá kostaði hann í það minnst tvöfallt eðlilegt verð.

   Síðustu tvær vaxtaákvarðanir hafa haft þveröfug áhrif á norska fjárfesta í ísl. kr.  þeir hafa verið að selja, því þeir segja auðvitað eins og er, að þessar hækkanir séu bara ávísun a að allt hér sé að fara til andskotans, og öllum sé ljóst að ekki möguleiki að nokkur eðlilegur rekstur geti borið slíka okurvexti. Eg álít að aldrei hafi krónan veikst gagnvart erl gjaldmiðlum, í kjölfar stýrivaxtaákörðunar fyrr.   Það hlítur að fara rofa til í hausnum á Davíð og co., og Blöndalinn að fara kveða aðrar rímur.

[Hafsteinn Viðar Ásgeirsson, 12.4.2008 kl. 09:59]

Ég get nú ekki betur séð Haraldur, en að þetta sé á góðri leið til andskotans núna og almenningur í landinu á fyrsta farrými. Það versta er að þeir sem eiga að vera að hugsa eithvað í stöðunni eru bara ekki með, þeir eru einhversstaðar í annarri veröld. Geir, sem ég þó hélt að hefði þekkingu og vit til að sjá til merkja á siglingunni, hann virðist hafa farið gleraugnalaus að heiman og það stefnir bara allt uppí fjöru? Mér er alveg fyrirmunað að skilja hvernig Seðlabankinn er látinn einn um öll ráð í þessu og þaðan kemur ekkert annað en þessar endalausu vaxtahækkanir. En kannski getur hann ekkert annað????

[haraldurhar, 12.4.2008 kl. 12:51]

    Rétt er það að allmenningur og þeir sem minna meiga sín eru á leið til andskotans.   Það sem við blasir og hefur gert sl. ár, er veruleg kjaraskerðing og atvinnuleysi, það getur enginn þjóð framfleitt sér á erl. skuldasöfnun til langs tíma.  Geir virðist vera algjörlega ráðlaus, með klofinn flokk, og ekki bætir Solla neinu við, virðist eins og hún sé sesst á hægra lærið á Davíð.

   Það er þjóðarósómi að skipa í stjórn og stjórnendur Seðlabankans afdankaða stjórnmálamenn og flokkstrúða og mun reynast okkur öllum dýrt.

   Það að hækka stýrivexti til að halda aftur af verðbólgu, sem nú stafar nær öll af hækkunum á heimsmarkaðsverði á hrávörum, með þeim afleiðingum að reyna halda uppi gengi ísl. kr. til niðurgreiðslu á innflutingi, er verra gerð en að míga í skóinn sinn, manni hitnar þó meðan migunni stendur, en vaxtahækkuninn síðasta hélt ekki einnu sinni við gengið síðast.

   Það að falsa gengi með 0kurstýrivöxtum, á sér ekki nema einn endi, sem er sá þeir íbúar landsins er veikastir eru fara verst úti í þeim hremmingum, ríkisbubbar og forréttindastéttir finna leið til að vernda sína hagsmuni.

[Hafsteinn Viðar Ásgeirsson, 12.4.2008 kl. 13:46]

Þetta er þjóðarósómi Haraldur, það er þó svo sannarlega satt. Andskotans trúðar og ekkert annað.