Það er nú ekki úr háum söðli að detta.

Það getur vel verið að það hafi farið framhjá Sturlu hvernig er orðið um að litast í sjávarbyggðum á Íslandi, en ég hef ekki nokkra trú á að það hlusti nokkur maður í þeim á þær útskýringar hans að þar geti eitthvað versnað við aðild að ESB eins og mér virðist hann vera að reyna að segja. Sturlu og félögum hefur nefnilega tekist að draga sjávarbyggðir á Íslandi svo svakalega niður í svaðið að betur verður ekki gert í þeim efnum.

Ég ætla rétt að vona að það fari að fækka þeim skiftum sem fólk þarf að hafa í eyrunum ruglið í þessum fír....

Aðild að ESB ekki fýsilegur kostur segir forseti Alþingis

Athugasemdir

[Níels A. Ársælsson., 24.4.2008 kl. 22:52]

Hahhahah,...Góður.

Ég man ekki betur en Sturla hafi verið settur út í kuldann við myndun síðustu ríkistjórnar fyrir þau orð sín að kvótakerfið væri ónýtt.

Hann lét þau orð falla að mig minnir á fundi á Ísafirði í aðdraganda kosninga.

[Hallgrímur Guðmundsson, 24.4.2008 kl. 23:11]

Það vantar ekkert upp á það að þessir hrægammar slái sér upp til riddara í aðdraganda kosninga. Sturla er einn af þeim ráðherrum sem mokað hafa í vildarvini sína af almannafé í svo vægt sé til orða tekið óhófi. Nægir að nefna Breiðafjarðarferjuna Baldur.

[Hafsteinn Viðar Ásgeirsson, 25.4.2008 kl. 07:43]

Það má merkilegt heita hvað þessum langhundi Sturlu í ræðuformi, sem hann var fluttur til Köben til að romsa úr sér, er gert hátt undir höfði hér á Mbl og sérstaklega þessum parti um ESB? En þessi einfaldleiki gengur í augun á einhverjum.

[Óðinn Þórisson, 25.4.2008 kl. 08:57]

Samfylkingin er eini flokkurinn sem vill skoða aðild að Esb. Þeir gáfu það eftir í stjórnarmyndunarviðræðum við Sjálfstæðisflokkinn að hefja ekki aðilarviðræður á þessu kjörtímabili. 
Framsóknarflokkurinn er þrælklofinn Valgerður talar fyrir aðild meðan Guðni er alveg á móti aðild og þar á bæ er uppgjör á næsta landsfundi óumflýgjanlegt.
Birkir Jón situr í evrópunefndinni fyrir Framsókn, er hann fyrir Valgerði eða Guðna.
Þessi yfirlýsing Sturlu á ekki að koma neinum á óvart, hún er í samræmi við stefnu Sjálfstæðisflokkins.

Gleðilegt sumar Hafsteinn.

[Hafsteinn Viðar Ásgeirsson, 25.4.2008 kl. 09:10]

Mér virðist nú þeim fjölga hratt sem vilja sjá hvernig samningur gæti verið á borðinu. Mín tilfinning að þeim fjölgi mest í flokki Sturlu, enda er hann að tala til þeirra, heldur að hann geti haldið áfram að láta þá sem sitja eftir allslausir í sjávarbyggðum kyssa á vöndinn. Það er mikið rétt, að það er og verður erfitt að botna í hvar Framsókn er en þar eru mjög skiptar skoðanir.

Nei það er ekkert sem kemur á óvart þarna, þursinn lemur hausnum við steininn  og virðist halda að fólk hlusti á hann, en ég efa það.

Gleðilegt sumar sömuleiðis og takk fyrir veturinn.