Mjög ánægjulegt.

Það er ánægjulegt að geta verið hjartanlega sammála honum Einari Kristni varðandi málflutning bændaforkólfa sumra og fulltrúa verksmiðjureksturs í hvítu kjöti um innleiðingu matvælalöggjafar ESB. Nokkuð öruggt er líka að þar hefur Einar mikinn meirihluta þjóðarinnar með sér. Það er ótrúlegur málflutningur að halda að hér verði allt sett á annan endann í útflutningi matvæla með því að staðsetja okkur útí horni í þessum málum, eins og sumir vilja gera.

Það er ekki eins auðvelt að vera sammál Einari varðandi sjávarútveginn og þar er nokkuð öruggt að mikill meirihluti Íslendinga er ósammála vinnubrögðum stjórnvalda. En hann hefur ennþá einhverja daga til að bregðast við mannréttindanefndinni t.d., en það er ekkert sem vekur bjartsýni þar.

Einar: Órökstuddar fullyrðingar

Athugasemdir

[Reynir Andri, 13.5.2008 kl. 23:37]

Hinn skælbrosandi og sjarmerandi Dagur B stendur ábyggilega vaktina fyrir þennan minnihluta.

Þú mátt skoða síðuna mína þá sérðu hvað ég meina með hann Dag okkar 

[Sigmar Þór Sveinbjörnsson, 16.5.2008 kl. 21:57]

Heill og sæll Hafsteinn minn, ég er nú ekki alveg sammála þér um þessi innflutningsmál á kjöti, eða eigum við ekki að hlusta á okkar færustu veirusérfræðinga sem í áratugi hafa rannsakað smitsjúkdóma í þessum blessuðu skepnum sem við eru að éta daglega.

kær kveðja SÞS

[Hafsteinn Viðar Ásgeirsson, 17.5.2008 kl. 10:10]

Blessaður Simmi, það er nú ekki eins og að sérfræðingar þessir séu sammála um að þarna sé yfir höfuð hætta á ferðum. Þeir eru nú fleiri heyrist mér í þeim hópi sem hafa engar áhyggjur af því að ekki verði hægt að tryggja öryggi varðandi sjókdóma

Ætli það sé nú ekki mest hættan á að fólk sem er á ferðinni beri með sér sjúkdóma, frekar en að það komi með kjötinu?