Hann vill ekki í ESB hann Geir.

Og það finnst mér bara ekki vera nein frétt. Hann hefur tuggið á þessu að minnsta kosti síðan hann tók við. Það er ekki líklegt að það verði neitt annað uppi í Sjálfgræðisflokknum svo lengi sem Geir fer þar fyrir málum og við því er sennilega ekkert að gera. Almennir flokksmenn á þessum bæ eru ekkert mikið að fetta í það fingur þó skoðanir séu stundum undarlegar, þeir synda bara með.

Geir: Ég vil ekki ganga í ESB

Athugasemdir

[Ólafur B. Jónsson (IP-tala skráð) 17.5.2008 kl. 13:08]

Húrra fyrir Geir, hann er réttur maður á réttum stað. 

[Hafsteinn Viðar Ásgeirsson, 17.5.2008 kl. 13:19]

Hann er það fyrir einhverja, en mér heyrist nú fólk vera misjafnlega ánægt.

[Jóhann Elíasson, 17.5.2008 kl. 13:43]

Ég bara skil ekki þennan "þumbaragang" í honum, því þetta virðist vera í andstöðu við vilja flestra samflokkmanna hans, í það minnsta þeirra sem ég þekki til.

[Hafsteinn Viðar Ásgeirsson, 17.5.2008 kl. 14:23]

Já en ef ég þekki flokksagann þarna þá kemur ekki hósti eða stuna frá flokksfólki og allir lalla með og í mesta lagi tuldra eitthvað.

[Jóhann Elíasson, 17.5.2008 kl. 15:37]

Jú þarna lýsir þú vel "flokksræðinu".

[Hallgrímur Guðmundsson, 17.5.2008 kl. 16:00]

Sammála Jóa svona er flokksræðið hjá sjöllunum....

[haraldurhar, 17.5.2008 kl. 16:45]

   Hafsteinn þú veist að þetta er ekki stjórnmálaflokkur, heldur regnhlífarsamtök um völd og frama.

[Hafsteinn Viðar Ásgeirsson, 17.5.2008 kl. 17:03]

Þar í liggur Haraldur hvað toppunum er illa við ESB, þeir þyrftu að fara að reka landið eftir leikreglum sem þeir gætu ekki alfarið skammtað sér sjálfir.

[Óðinn Þórisson, 17.5.2008 kl. 18:47]

Það er er sjálfsagt að ræða esb aðild og á Sjálfstæðisflokkurinn að leiða þá umræðu.
Það er sjálfsagt að hafa þjóðaratkvæðagreiðslu um esb-aðild á næsta kjörtímabili.
Samkvæmt stjórnarsáttmála er aðild að esb ekki á stefnuskrá þessarar ríkisstjórnar og er það jákvætt.

[Atli Hermannsson., 17.5.2008 kl. 22:06]

"Við leggjum á vogarskálar öll atriði sem skipta máli. Í mínum huga er ekkert vafamál að kostirnir eru léttari á þessari vogarskál en gallarnir. Þess vegna vil ég ekki ganga  í Evrópusambandið," sagði Geir."

Ekki getur maður annað en dáðst að sjáandanum Geir Haarde og félögum í Heimssýn sem telja sig nú þegar geta séð það sem út úr aðildarviðræðum við ESB kemur -  áður en til þeirra er stofnað. Og það er ekki einu sinni búið að skilgreina samningsmarkmiðin - en niðurstaðan er nú þegar ljós að þeirra mati....Blessaðir séu sjáendur og andlegur leiðtogi þeirra afturhalds- og íhaldsmanna, myrkrahöfðinginn Ragnar Arnalds.