Montið í kringum Gæsluna.

Það væri betur komið í fangelsismálin eitthvað af montinu Björns Bjarnasonar í kringum "Gæsluruglið".

Auðvitað þarf að halda þar við flugflota og skipum, en ef það þarf að forgangsraða á annað borð þá virðist augljóst að það liggur meira á að byggja fangelsi yfir þá sem er búið að dæma þar inn, en að byggja risa-varðskip sem ekki verður hægt að halda úti vegna peningaskorts, frekar en þeim sem nú liggja við bryggju allt árið.

Þarna er klárlega eins og vitleysunni verði allt að vopni. En það verður sennilega hægt að borga byggingarnefndinni, eins og öllum hinum nefndunum um fangelsisbyggingar á liðnum áratugum ?

Ný eining byggð við Litla-Hraun

Athugasemdir

[Stefán J. (IP-tala skráð) 16.8.2008 kl. 11:02]

Eiga þá þeir sem lenda í vá úti að sjó þá að gjalda fyrir afbrot minnihlutahóps?

[Hafsteinn Viðar Ásgeirsson, 16.8.2008 kl. 11:13]

Þú hefur annaðhvort ekki skilið eða ekki lesið virðist mér Stefán.

Ég er ekkert að tala um að setja björgunarmál í neina hættu frá því sem er. Enda nýtast ekki skip sem eru bundin vegna fjárskorts til neinna starfa, hvorki björgunar eða annarra.