Hann tekur vel í "fiskeldiskerjunum"

Og það er auðvitað bara ráðið, að gefa ekkert í eldisnæturnar og þá má týna upp ókjör af fiski þegar hann er orðinn svangur, þá er sjálfsagt hægt henda hverju sem er útí ? Mörgum finnst þetta lítill veiðiskapur, en um það þarf svo sem ekki að deila,að auðvitað tekur hann eitthvað agn í belg og biðu.

En menn eru lukkulegir með þetta, auðvitað.

„Ytri-Rangá stöppuð af laxi“

Athugasemdir

[Árni Gunnarsson, 6.9.2008 kl. 09:33]

Það tekur fræðingana áreiðanlega marga daga að koma með vísindalega skýringu á þessu. En þeir koma með hana. Og niðurstaðan verður líklega að banna veiði í Ytri-Rangá til að styrkja stofninn.

[Hafsteinn Viðar Ásgeirsson, 6.9.2008 kl. 09:43]

Já Árni, eða stórauka sleppingar þetta árið og fækka stöngum á því næsta. Væri það ekki svona....í anda hafró dálítið?... Mér sýnist það....

[Jóhann Elíasson, 6.9.2008 kl. 10:04]

....og það verður að kvótasetja þessi kvikindi  

[Haraldur Bjarnason, 6.9.2008 kl. 10:38]

En Hafsteinn þetta eru smámunir miðað við það sem Guðni Eyjólfsson á Akranesi, frændi minn 92 ára gamall og veiðifélagar hans fengu á einum degi á tvær stangir í Andakílsá. Þeir fengu 47 laxa. Nánar hér http://www.skessuhorn.is/default.asp?Sid_Id=24845&tid=99&fre_Id=75953&meira=1&Tre_Rod=001|002|

Andakílsá er ekkert fiskeldisker. Þar er bara fiskur af stofni sem frá upphafi hefur gengið í ána og það eru ekki nema svon 4-5 veiðistaðir í henni, rétt neðan við virkjunina.

[Hafsteinn Viðar Ásgeirsson, 6.9.2008 kl. 11:37]

Ég sá lýsinguna á þessari veiði frændans hjá þér á dögunum. Ævintýri líkast.

[Guðmundur (IP-tala skráð) 6.9.2008 kl. 19:22]

Og það er auðvitað bara ráðið, að gefa ekkert í eldisnæturnar og þá má týna upp ókjör af fiski þegar hann er orðinn svangur, þá er sjálfsagt hægt henda hverju sem er útí ? Mörgum finnst þetta lítill veiðiskapur, en um það þarf svo sem ekki að deila,að auðvitað tekur hann eitthvað agn í belg og biðu.

En menn eru lukkulegir með þetta, auðvitað.

Kvíalax???? o nei ekki er það nú svo.

Þessi lax er kominn af löxum sem veiddir eru í klak ogfrá veiðimönnum sem setja stórar hrygnur í kistur til geymslu sem síðan eru kreistar í klakhúsi Lax-á ehf og er þannig byggður upp stofn en árnar báðar Eystri og Ytri Rangá ala illa laxastofna sem þrífast hjálparlaust vegna flóða og vatnskulda enda liggur hann yfirleitt djúpt laxinn þarna.

Það er vel gert hjá Árna að framhalda starfi sem Þröstur Elliðason byrjaði á og svo að má ekki gleyma starfi Einars Lúðvíkssonar og móður hans heitinar Valgerðar en þar hafa verið unnin góð störf sem skapað hafa aukningu á ferðamannastraumi í formi veiðimanna innlendra og erlendra sem að sjálfsögðu hafa hliðaráhrif í gisti og veitinga þjónustu fyrir utan alla aðra þjónustu sem þessir hópar sækja í.

Þessi lax er svo á tilteknuseiðastigi settur í eldistjarnir á árbakkanum þar sem vatn úr ánni seytlar í gegn og alast þar upp þar til þau eru kominn í stærð gönguseiða þá eru ristarnar teknar úr og þau fara í ánna til að undirbúa sig fyrir sína fyrstu sjógöngu og koma svo til baka ári síðar og að hluta 2 árum síðar þeas eins árs lax sem er þarna oftast á bilinu 5 til 8 pundog síðan sem tveggja ára laxar sem eru orðnir 8 og upp í 17 til 20 pund og á þetta ekkert skylt við sjókvíaeldi eða kvíalax yfirleitt þar sem þessi lax hefur sína sjógöngu sem gönguseiði úr sinni náttúrulegu heima á og étur og nærist í úthafinu vestur af landinu og norðaustur af landinu eftir hvort hann ætlar að ganga á fyrsta eða öðru ári í sjó heim í ánna sína til að undirbúa hrygningu.

Þetta eru stókostlegt og góð auglýsing fyrir landið að ná svona árangri í uppræktun á vatnasvæði sem áður hafði lítinn stofn af frumfiski en er nú að setja stórkostlegt met á landsvísu og kæmi ekki á óvart þó að um heimsmet yrði að ræða miðað við veiðitímabil sem er styttra hér vegna veðuraðstæðna og hita sem gera tímabilið hér oftast styttra en erlendis.

Nei held að við ættum að fagna með mönnum þegar svona vel gengur enda er þetta landinu til góðs og allri verslun á svæðinu ásamt annari þjónustu

Ég segi því til hamingju Lax-á því að þakka ber það sem vel er gert og árangursríkt.

Læt þessari langloku lokið en rétt skal vera rétt að menn eiga ekki að rugla saman kvíalaxi sem er lýsisdrulla alin á fóðri og hinsvegar göngulaxi sem elur sinn tíma í hafi við beit á fruit del mar eða ávöxtum hafsins og er sjálfalin eins og íslenska sauðkindin á beitilöndum hálendisins og er því hollur og góður hverjum manni til átu hvort sem sá maður er konungborinn eða íslenskur farandverkamaður.

Kær Kv Guðmundur Falk

[Hafsteinn Viðar Ásgeirsson, 6.9.2008 kl. 19:47]

Þakka kærlega fyrir innlitið og fróðlegt tilskrif hérna. Þessi stutta athugasemd mín við fréttina var auðvitað ekki tæmandi að neinu leiti, segir enda ekkert annað en að þeir eru til sem ekki finnst þetta merkilegur veiðiskapur en þeir sem stunda hann eru afar sáttir með sitt.

Enn og aftur, takk fyrir upplýsingarnar og ég er ekki í neinum vafa um að þessi hluti ferðaiðnaðarins er okkur afar mikilvægur og full ástæða til að fagna með þeim sem hann stunda, ekki nokkur spurning í mínum huga.