Búið að ná tökum á Davíð.

Það má nú ekki seinna vera að fá gjaldeyrisviðskipti í gang. þetta ástand er að valda gríðarlegu tjóni dag hvern og því verður að ljúka sem fyrst. Það er vonandi að kallinn hafi, ef hann hefur verið að þvælast fyrir í málinu, gilda ástæðu fyrir þrjóskunni.

En nú er komið gott, þessu þarf að linna núna.

Sátt um IMF-lán í Seðlabanka

Athugasemdir

[Guðmundur Ásgeirsson, 22.10.2008 kl. 09:19]

Sem betur fer eru nú ýmsir menn úr öllum flokkum sem myndu þrjóskast við að hengja okkur á spena IMF.... ef DO er einn þeirra þá er það ekki það versta í hans fari!

[corvus corax, 22.10.2008 kl. 09:19]

Það nær enginn tökum á Ceaucescu Oddssyni í Bleðlabankanum. Hafi hann gefið eftir hljóta Geiri gunga og Solla svikari að hafa þurft að lofa honum einhverju upp í allar ermar þjóðarinnar. Ætli þau gefi ekki eftir að hreyfa við forréttindalífeyrisþjófnaði ráðherra og annarra blóðsuga í staðinn fyrir eftirgjöf í lánamálinu. Hvað er annars þetta Bleðlabankafífl að setja sig á háan hest? Lánardrottnarnir nýju hljóta að setja það sem skilyrði fyrir láninu að fíflinu verði hent út úr Bleðlabankanum. Kannski lofuðu Geiri gunga og Solla svikari því að hann fengi að vera áfram í bankanum og allur samningstíminn við gjaldeyrissjóðinn sé búinn að fara í það að tryggja að Ceaucescu Oddsson fái að vera þar áfram.

[Hafsteinn Viðar Ásgeirsson, 22.10.2008 kl. 10:20]

Ég tel það nú jaðra við landráð eins og aðstæður eru núna, að þvælast fyrir í þessu máli Guðmundur, annað er bara ekki í boði fyrr en að hinu frágengnu. Ekkert tilhlökkunarefni, alls ekki, en það er ekki annað á matseðinum núna og því meira sem þetta dregst, því meira verður tjónið sem er að hrynja yfir okkur alla daga, því miður.

[Guðmundur Ásgeirsson, 22.10.2008 kl. 11:09]

Talandi um landráð, þá vil ég benda á drottningarviðtalið fræga Í Kastljósi og klaufalega ótímabærar yfirlýsingar varðandi viðræður við Rússa o.fl. í þessu samhengi:

- Úrdr. úr X. kafla almennra hegningarlaga -

91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með …¹⁾ fangelsi allt að 3 árum, eða sektum, ef sérstakar málsbætur eru fyrir hendi.

- Svo er hér annar gullmoli úr XV. Kafla. -

148. gr. Hver, sem með rangri kæru, röngum framburði, rangfærslu eða undanskoti gagna, öflun falsgagna eða á annan hátt leitast við að koma því til leiðar, að saklaus maður verði sakaður um eða dæmdur fyrir refsiverðan verknað, skal sæta …¹⁾ fangelsi allt að 10 árum. Við ákvörðun refsingar skal hafa hliðsjón af því, hversu þung hegning er lögð við broti því, sem sagt er eða gefið til kynna, að viðkomandi hafi drýgt. …²⁾ Hafi brot haft eða verið ætlað að hafa í för með sér velferðarmissi fyrir nokkurn mann, þá skal refsað með fangelsi ekki skemur en 2 ár og allt að 16 árum.
Ákveða má í dómi, eftir beiðni þess, sem fyrir óréttinum hefur orðið, að niðurstaða dóms og það af forsendum hans, sem dómur telur hæfilegt, skuli birt að opinberri tilhlutan í einu eða fleirum opinberum blöðum eða ritum.

P.S. Vek enn og aftur athygli á undirskriftasöfnuninni til áskorunar um afsögn stjórnarformanns Seðlabankans.

[Hafsteinn Viðar Ásgeirsson, 22.10.2008 kl. 13:04]

Mikið er ég sammála þér varðandi þessa tengingu Guðmundur, hjartanlega sammála. DO er nú ekki stjónarformaðurinn þarna, það er annað jólatré, ekki síðra, stúdentinn Halldór Blöndal og eru þá flestir sótraftar á sjó dregnir. En þarf ekki annan undirkrifalista til höfuðs stúdentinum?