Það munar ekki um einn kepp í sláturtíð.

Það væri gaman að vita, hver hugsunin var við að staðsetja sig þarna uppí fjalli með þessa verksmiðju? Varla hefur verið mikil vissa um tengingar við vegakerfi eða annað, það ætlar hinsvegar að ganga betur að berja þessa aura út en hefur gengið að berja út fjármuni í Suðurstrandarveg.

110 milljónir í veg að vatnsverksmiðju

Athugasemdir

[Arnór Valdimarsson (IP-tala skráð) 16.12.2008 kl. 16:02]

Sammála og Suðurlandsveg.

Augljóst að auðvaldsklíkan stýrir þessari leppstjórn enn.

Burt með spillingarliðið.

[Haraldur Bjarnason, 16.12.2008 kl. 16:04]

Þessar hundrað milljónir verða nú fljótar að skila sér í atvinnutekjum Hafsteinn. Svo við tölum nú ekki um skatta, hafnargjöld og fleira. Hundrað milljónir frá ríkinu í þetta verkefni eru smámunir í samanburði við stóriðjuframkvæmdir og orkugjöfina þangað.

[Gunnar Jónsson (IP-tala skráð) 16.12.2008 kl. 17:43]

Haraldur hvernig færð þú út að vatnsverksmiðjan að Hlíðarenda sé atvinnuskapandi. Jón Ólafsson var þegar með verksmiðju starfandi í Þorlákshöfn fyrir fluttninginn þar sem störfuðu þegar mest var u.þ.b 40 manns. Með tilfluttningi verksmiðjunnar sem er mun sjálfvirkari en sú gamla hefur starfsfólki verið fækkað og mun sennilega fækka enn meira. Auk þess er allt vatn sem framleitt er á Hlíðarenda mér vitanlega keyrt til Reykjavíkur til útflutnings þannig að ég sé ekki að nokkur hafnargjöld fáist fyrir það. Það var arfa vitlaus hugmynd að flytja verksmiðjun upp undir fjallið í stað þess að leiða vatnið frá lindunum niður til Þorlákshafnar þar sem nægt rými var fyrir nýja verksmiðju. Þannig hefði sparast lagning hitaveitu upp að Hlíðarenda, lagning rafstrengs auk þess sem óþarfi hefði verið að eyða 110 milljónum af mínu og þínu fé í einkaveg fyrir séra Jón. Það var framsókanarmaðurinn Bjarni Harðarson sem á síðasta þingi talaði fyrir þessum vegarspotta og kann ég honum engar þakkir fyrir. Samfylkingar mennirnir Össur og Björgvin hafa svo lofsungið bjánaganginn.