Átti einhver von á öðru?

Aldrei datt mér neitt annað í hug en það skriði allt Sjálfgræðisliðið heim aftur um kosningar. Alveg sama hvað þessu er gert til miska og hvernig er traðkað á hagsmunum almennings, alltaf skilar það sér heim. Og ekki ber á öðru en að eitthvað týnist inní Framsóknarfjósið aftur? Það er nú reyndar eitthvað sem þarf sálfræðinga til að stúdera, ótrúlegt tilfelli, en það er erfitt að vorkenna fólki sem umgengst sína hagsmuni með þessum hætti...;(

Stuðningur við Sjálfstæðisflokk og Samfylkingu eykst

Athugasemdir

[Byltingarforinginn, 13.2.2009 kl. 18:35]

Svona svona... síðan þín er nú svo fallega skreytt, svo það er synd að skuli standa svona ljótt á henni. Staðreyndin er bara að Sjálfstæðisflokknum er best treystandi til framfara. Fólk sér það alltaf á endanum, þegar þokunni léttir, sem Hörður Torfa og félagar umluktu það með. Það er ekki sama hentistefnan eins og einkennir valdabrölt hinna, sem kristallast í 17 ára frústrasjón, eftir að hafa verið á hliðarlínunni og ekki gert annað en að mjálma hjáróma.

 Núna var talað digurbarkalega fyrir skemmsti, en mjálmið er komið aftur!

Það verður tvöfaldur sigur í vor... og jafnvel meira. Annar einkennist af bláum lit Sjálfstæðisflokksins og hinn af fallega rauðum lit Manchester United!

[Óðinn Þórisson, 13.2.2009 kl. 20:50]

Þessi könnun er mjög jákvæð fyrir Sjálfstæðisflokkinn.

Þó svo að Framsókn hafði verið slátrað í stíðust kosningum standa þeir núna með pálmann í höndunum - vg og sf sem strengjabrúður í höndum Framsóknar
Hafðu í huga Hafsteinn þegar þú setur kjörseðilinn í kassann að það er sama hvað þú merkir við, alltaf kemur Finnur Ingólfsson upp úr honum  

[Hafsteinn Viðar Ásgeirsson, 14.2.2009 kl. 10:07]

Þú ert ansi oft ágætur Óðinn og hittir naglann á hausinn. Eins og núna með Framsóknarmafíuna, það virðist nefnilega vera alveg sama hvað er kosið það er stöðugt atkvæði greitt þeirra hagsmunagæslufélagi og þar með Finni, Óla í Sambó, Gunnlaugi Sigmunds og þessari hjörð allri, hvað sem þeir heita. Ég held að þessi Guðs-volaða þjóð sitji í skítnum þangað til mokaður hefur verið Framsóknarflórinn, öðruvísi gerist ekkert þarna.