"Heiðursmaður" verður fyrir fruntalegri árás.

Það er með endemum að "sérstakur" skuli leyfa sér að ráðast að einum helsta ábyrgðarmanni og máttarstólpa Framsóknarflokksins með húsrannsóknum og ýmsu ofbeldi. Þessi einn af okkar glæstustu sonum, þyrlueigandi með meiru telur sig nú sennilega eiga betra atlæti inni hjá þjóðinni. Sérstakur ætti nú ekki annað eftir en að ráðast að góðmenninu og sakleysingjanum Finni frækna með álíka trakteringar? Nei svona gagnslausar innkomur á heimili og starfstöðvar máttarstólpa Framsóknar þarf að stöðva þegar í stað, ef ekki á að flæma þá alla til Sviss eða jafnvel Tortóla, það er eitthvað sem við megum ekki hugsa til.

Leitað á heimili Ólafs

Athugasemdir

[Þór Jóhannesson, 23.5.2009 kl. 04:13]

hehe - nákvæmlega!

[Sigurður Sveinsson, 23.5.2009 kl. 09:17]

Voðalega geturðu verið nasty í garð þessara valinkunnu heiðursmanna. Það er ekki nóg með að þeir séu strangheiðarlegir heldur eru þeir framsóknarmenn að auki. Ég hef alltaf haft sérstakt dálæti á Merarfinni því hann hugsar fyrst og fremst um aðra en hefur ævinlega látið sjálfan sig sitja á hakanum. Svo hefurðu þennan snilling bara í flimtingum. Ég hlakka alltaf rosalega til þess að fara með bílana mína í skoðun því þá fær Flimtfinnsi aura í vasann. Veitir nú ekki aldeilis af eftir allar þær fórnir sem hann hefur fært fyrir þjóðina á þessu volaða skeri.

[Hafsteinn Viðar Ásgeirsson, 23.5.2009 kl. 09:33]

Já maður ætti auðvitað að skammast sín Siggi. Maðurinn hefur sjáanlega fengið á sig miklar "birgðar" úr einkavinavæðingu Valgerðar og co., en svona er vanþakklæti okkar augljóst....

[101 (IP-tala skráð) 23.5.2009 kl. 11:52]

Sagt er að maðurinn sé flúinn til Sviss með lögheimilið og hafi tekið sér nýtt nafn 

Nú heitir hann Tortóli Ólafsson