Að slá eingöngu út á andlitið.

Hann er nú myndarstrákur hann Jón Ásgeir en ekki datt mér samt í hug að hann gæti slegið svona fúlgur BARA útá andlitið á sér, hvað þá að manni hugsaðist að hann gæti verið svo veruleikafyrrtur að setja sig niður í svona "sumarbústað".

Það hlýtur að hafa verið svona mikil samkeppni um að fá að lána drengnum, að menn hafi bara hent öllum reglum og varúðarráðstöfunum frá sér? Það er ekki undarlegt þó þurft hafi að greiða þessum kjánum sem kallast "bankamenn" ofurlaun? Aldeilis ótrúlegur mannsöfnuður þar, það verða örugglega skrifaðar margar bækur, bara um þennan þátt málanna.

En kannski bjargast þetta nú í horn, svo lengi sem hann Jón Ásgeir vill og getur komið með tryggingar. Á meðan er allavega hægt að reikna með að það sé borð fyrir báru.

Tók engin veð vegna lúxusíbúðar

Athugasemdir

[Ólafur Ragnarsson, 1.8.2009 kl. 17:56]

Sæll Hafsteinn. Þú fyrirgefur gömlu karlræksni sem ekki kvittar oft fyrir innlit. Ég tek undir með þér sem oftast áður. Og kvitta fyrir ja ég veit ekki hvað mörg innlit. Sértu ávalt kært kvaddur

[Hafsteinn Viðar Ásgeirsson, 1.8.2009 kl. 21:01]

Heill og sæll Ólafur. Gaman að sjá frá þér hérna. Já ég hef það á tilfinningunni að við séum oftar en ekki sammála.. Hafðu það ávallt sem best. Ertu ekki á þjóðhátíð að rifja upp gamla tíma?