Mikill vill meira og meira og .......endalaust.

Það er enginn vafi, Líú vill meira. Held þeir ættu að sýna okkur fyrst og fremst að þeir séu færir um að gera verðmæti úr þessum afla, svona eins og aðrar þjóðir. Öðruvísi eiga þeir ekkert inni annað en ergelsi annara sem eru að horfa uppá gúanófiskiríið.

LÍÚ vill meiri makríl en Jón

Athugasemdir

[Ólafur Als, 27.11.2009 kl. 22:13]

Ég leit hér inn vegna annarrar færslu - er varðar hinn góða félagsmálamann, eins og þú nefnir þingmanninn, sem fékk svo slæma útreið á meðal félaga sinna í félagi skipstjórnarmanna. Hvað sem segja má um það, og annars ágætan félagsmálamann, þá er ljóst að núverandi stjórnvöldum verður framvegis veitt sterkara og meira áberandi aðhald - já, þrátt fyrir að mótmælaspjöldin rykfalli hjá VG.

Málatilbúnaður íslenskra krata í hverju málinu á fætur öðru, Icesave. loforð um breytta stjórnsýslu, skjaldborgir, heiðarleika og gagnsæi, efnahagsbata í kjölfar ESB umsóknar, peningamálastefnu, leiðréttingu á skuldum heimila, afskriftir bankanna, ráðningar í störf o.fl. o.fl. - allt ber þetta að sama brunni - það er ekkert að marka ráðamenn.

Hins vegar eru menn orðnir góðir í að svara með skætingi og með því að benda á sökudólga. Það er komið nóg af vanhæfi þessara stjórnvalda og það er ekki lengur hægt að fela sig á bakvið að ekkert betra bjóðist. Munum að, líkt og þessi stjórn komst á fyrir tilverknað mótmæla, þá er einnig hægt að koma henni frá.

Ég skora á þig Hafsteinn, að taka þátt í að mótmæla framferði stjórnvalda.

[Ólafur Als, 27.11.2009 kl. 22:18]

PS. mér sýnist við vera sammála um að ýmislegt megi bæta hvað nýtingu sjávarafla varðar. Hins vegar er það rangt hjá þér að við fáum ekki gott verð fyrir aflann okkar samanborið við aðrar þjóðir. Um árabil vorum við í verðlaunasæti á þeim vettvangi, einna helst að Danir skákuðu okkur einhver árin - en þeir hafa jú fengið stóran hluta hráefnisins frá Grænlandi til fullvinnslu heima fyrir og því fengið hátt verð fyrir hverja þyngdareiningu selda. Hef að vísu ekki fylgst með þróuninni allra síðustu árin en svona var þetta áratugum saman á seinni hluta síðustu aldar.

[Hafsteinn Viðar Ásgeirsson, 28.11.2009 kl. 01:06]

Við fáum alveg sambærilegt verð og aðrar þjóðir fyrir aflann. Það eru samt engin vinnubrögð að bræða makríl sem hægt er að fá þorskverð fyrir, það er það sem ég á við og allir þeir sem eru að gagnrýna okkur fyrir gúanóhugsunarháttinn.

[Ólafur Als, 28.11.2009 kl. 02:26]

Getur verið, Hafsteinn, að þú hræðist álit annarra þjóða? Þó svo að sjávarútvegsráðherra hafi farið ranga leið við úthlutun makrílkvótans læra menn vonandi af reynslunni. Það er reyndar sérstakt þegar sumar þjóðar, t.d. Svíar, gagnrýna Íslendinga fyrir þetta sem þú nefnir gúanóhugsunarhátt, því fjölmörg fiskimið við þeirra strendur eru rústir einar eftir áralanga ofveiði. Hið sama á við um ýmsar aðrar fiskveiðiþjóðir Evrópu; Spánverja, Breta, Íra o.s.frv. Einna helst að Norðmenn hafi sýnt skynsemi í nýtingu sinna fiskveiðmiða en þeir eru jú í mikilli samkeppni við okkur á fiskmörkuðum og hafa í gegnum tíðina nýtt sérhvert tækifæri til þess t.d. að halda Íslendingum utan miða, sem ekki einu sinni tilheyra Norðmönnum, en þeir hafa tekið sér vald yfir, sbr. Svalbarða og fleiri svæði. Meira að segja fiski sem gengur inn á íslensk mið - geri aðrir betur!

Hvað sem annars má segja um okkar fiskveiðikerfi þá er meginstefið í fiskveiðum við Íslandsstrendur sjálfbær nýting samhliða að hámarka aflaverðmæti. Undantekningarnar frá þessari reglu eru til staðar en ekki dettur mér til hugar að dæma alla okkar fiskveiðistjórnun eftir dæminu um makrílveiðarnar. Það ættir þú ekki heldur að gera. Nei, stefnum að því að læra af mistökumunum í kringum makrílveiðarnar en munum þó að á meðan ESB, Norðmenn og NB. Færeyjingar vilja halda okkur utan við veiðar á þessum nytjafiski, þá eru góð ráð dýr og ýtir sumpart undir nefndan gúanóhugsunarhátt - það væri óráð að festa slíka hugsun í sessi.

Ef aðrar þjóðir fá nú sambærilegt verð fyrir aflann og við Íslendingar, þá er það merki um að þær þjóðir hafi m.a. lært eitthvað af okkur. Ekki svo að skilja að við getum ekki lært af öðrum, öðru nær. En til skamms tíma fengum við hæsta verðið og mér segir svo hugur að við séum enn á toppnum eða við hann.

En hvað ætlarðu, Hafsteinn, að gera varðandi vanhæf stjórnvöld? Vonandi sérðu þér fært að mæta á Austurvöll á morgun og minna þau á að hægt er að koma þeim frá, líkt og þeim sem þau tóku við af?

Látum þau ekki fylgja kjaftshögginu frá hægri eftir með rothöggi frá vinstri. Við eigum báðir betra skilið.