Það er með ólíkindum.

Það verður að segjast eins og er, að alltaf verður maður jafnundrandi þegar maður mætir á förnum vegi hér á vegunum, slyddijeppa með kerru sem er eins og segl aftan í druslunni, í eindreginni bræluspá. Það er eins og sumum sé fyrirmunað að lesa í eða hlusta á veðurspár áður en lagt er íann að sendast með heimilisgæðinginn.

Bíll fauk út af undir Ingólfsfjalli

Hér telja margir....

...uppá að sé um alvöru mann að ræða og sjálfsagt á hann eftir að verða enn frægari í kunningjahópnum, en þar líkur líka sniðugheitunum hjá kallkvölinni. Honum er bara hægt að vorkenna heimskuna og vonast til að hann verði settur í langt frí frá akstri ökutækja.

Ölvaður farþegi henti bílstjóranum út og ók sjálfur í bæinn

Spítalamatur.

Það er svo sem ekki grín að því gerandi, en ætli nokkur sé undrandi á að hann lendi á sjúkralistanum þessi. Kallgreyið....

Owen tognaði í læri og leikur ekki gegn Króatíu

Enn eitt dæmið.

Hér kemur enn eitt dæmið um makalaus vinnubrögð hjá þessum dómstóli. Málið er skilið eftir í lausu lofti, engin niðurstaða, þannig að á næsta tímabili gætu menn farið að halda að það væri í lagi með bensínið í þessu formi.....eins víst að ef einhver kærir svo þá, verði allt annað uppi. Bölvaðir aular...

Áfrýjun McLaren nær ekki fram að ganga

Enn fréttir af græðgisvæðingu.

Ekki virðist ennþá vera sopið kálið úr ausu Eyjamanna í Vinnslustöðinni. Það er engin hætta á öðru en að þeir bræður geti velt þarna við ýmsum steinum og ekki ólíklegt að víða gjósi upp ólykt ......allavega þefur af hagsmunaárekstrum....

Nýs hluthafafundar krafist í Vinnslustöðinni

Þeir "Púllarar".

Auðvitað sjá þeir þetta og viðurkenna vandann leikmenn Liverpool, það er ekki spurning. Það er hinsvegar meiri spurning með stjórnendurnar og/eða eigendurna...?

Gerrard vill takmarka fjölda útlendinga

Andskotans óeðli.

Hvað er eiginlega í gangi í hausnum á þessum aulum? Það er alveg augljóst að samfélagið þarf að senda út eitthvað önnur skilaboð en verið hefur, menn þurfa að vita það að svonalagað sé ekki liðið og það þarf að hjálpa þessum mönnum með einhverju móti.....

Tveir grunaðir um hrottalega nauðgun

Veit ekki alveg....?

Ég veit nú ekki hvort þeir eru bestir í heiminum, en helvíti nærri því. Arsenal er í dag, eins og raunar staða þeirra í Englandi gefur til kynna, með afar gott lið og spila mjög skemmtilegan bolta. En ég er nú með annað lið í huga, sem hefur verið á mikilli siglingu undanfarið....... megið geta einu sinni....

,,Arsenal besta liðið í heimi“

"Jafnaðarkaup"

Ég held nú að ekki þurfi útlendinga til að samþykkja á sig "jafnaðarlaun". Veit ekki betur en það sé þekkt hér hjá okkur til margra ára án þess að um erlenda starfsmenn sé að ræða..?

Oftar brotið á útlendingum á Suðurlandi

Hvergerðingar...takk fyrir!!

 

Aldís Hafsteinsdóttir hefur engan áhuga á stríði við Ölfusinga, en finnst sérkennilegt ef þeir virða vilja Hvergerðinga að vettugi.Mynd/Egill Bjarnason

„"Ég ætla ekki að trúa því fyrr en ég tek á því að nágrannasveitarfélagið taki ekki tillit til okkar hagsmuna," segir Aldís Hafsteinsdóttir, bæjarstjóri Hvera­gerðis.

Ólafur Áki Ragnarsson, bæjarstjóri Ölfuss, sagði hér í blaðinu á föstudaginn að neikvæð afstaða Hvergerðinga til Bitruvirkjunar hefði ekki úrslitaáhrif á áform sveitarfélagsins um hana. Þetta, segir Aldís, „væri auðvitað mjög sérkennilegt, ef þeir ákveða að hundsa skýran vilja bæjarbúa".
Bæjarráð Hveragerðis ítrekaði í gær andstöðu bæjarbúa og telur að framkvæmdin geti skaðað framtíðarmöguleika bæjarins.

„Bitruvirkjun er í túnfætinum á okkar sveitarfélagi og við værum aum bæjarstjórn ef við hefðum ekki skoðun á því hvað þar fer niður," segir Aldís og bendir á bein áhrif virkjunarinnar, fýluna:

„Matsaðilarnir telja að hér verði lyktarmengun í allt að sjötíu daga á ári, fyrir utan að gönguleiðirnar og þessi ferðamannaparadís er ofboðslega skemmtilegt svæði. Hengilssvæðið er sett í svo til allar erlendar ferðamannahandbækur og okkur ber skylda til að standa vörð um þessa hagsmuni," segir Aldís.

Hún er því sammála þeim orðum bæjarstjóra að maðurinn lifi ekki á loftinu einu saman, „en það þarf bara að vanda til verka". - kóþ"

Það væri nú að bera í bakkafullan lækinn að ætla að barna þessi ummæli eitthvað en.....Hvergerðingar eru upp til hópa gott fólk og þannig fólk á að eiga pláss í hjörtum okkar, ég er algerlega sammála Aldísi og ætlast til þess að allt upplýst fólk skoði hug sinn varðandi þessi mál með opnum huga......