Það er þó einhversstaðar jákvæður tónn.

Ekki hefur verið mjög mikið um jákvæðar fregnir af þessum vettvangi svo það var mál til komið. Þá er jafnvel von til að smábátaflotinn fari af brunaútsölu-stiginu sem þar hefur ríkt um skeið og komist á hreifingu. Þannig að þetta er hið besta mál, auk þess sem það heldur honum Kjartani uppteknum eitthvað frameftir sumri og hann hefur örugglega ekkert á móti því.

Margir vilja réttindi og sækja í pungaprófið

Hún er nú varla mjög "vönduð"...

..þessi rannsókn ef hún leiðir í ljós sakleysi af einhverju tagi, hvort sem er algert eða hálfgert, enda framganga öll með þeim hætti að líklegt er að hún endi með ákæru. Það er enda fráleitt að ganga fram eins og þarna hefur verið gert, nema menn séu með eitthvað öruggt í pokanum. En þetta kemur allt í ljós.

Rannsókn leiði í ljós sakleysi

Gripið í tómt í Samskipum.

Að sjálfsögðu, hvað ætti maðurinn að vera að drullumalla þar í dag? Hann er "bara eigandi" Samskipa. Þeir hefðu eins getað leitað á skrifstofu Framsóknarflokksins, sem hefði auðvitað verið fráleitt...eða þannig sko. 

Nokkrir grunaðir um auðgunarbrot

Margir munu segja "mál til komið".

Það er ástæða til að fagna því ef einhverjar aðgerðir eru fyrirhugaðar til að draga úr gríðarlegum ágangi togara í fjöruskrapi eftir ýsu hér við Suðurströndina. Það hefur hefur sannast sagna verið ótrúlegt að fylgjast með endurnýjun flotans á síðustu árum, hvar allt hefur beinst að því að sérbyggja gríðarlega öflug togskip á grunnslóðina. Dragnótaveiðar eru allt annar handleggur og beinast oftar en ekki í skarkolann. Alltaf skal LÍÚ verja ruglið, en það ætti nú ekki að vera vandamál að finna faglegar forsendur fyrir að ýta öflugustu togskipum okkar úr fjörunum?

 "Á meðal brýnna aðgerða sem kveðið er á um í stjórnarsáttmálanum er að vernda grunnslóð. Kanna á möguleika á að takmarka veiðar afkastamikilla skipa þar og inni á fjörðum frá því sem nú er. Þannig verði grunnslóðin treyst sem veiðislóð fyrir smærri báta og umhverfisvænni veiði.

Friðrik J. Arngrímsson, formaður Landssambands íslenskra útvegsmanna (LÍÚ), segist óttast að önnur sjónarmið en verndunarsjónarmið geti spilað þar inn í. Friðrik segir útvegsmenn áfram um að ekki séu notuð veiðarfæri sem valdi meiri áhrifum á umhverfið en ásættanlegt er. LÍÚ hafi lengi stutt að ákveðnum svæðum verði lokað fyrir ákveðnum veiðarfærum. Menn óttist hins vegar að aðrar hvatir búi að baki en verndunarsjónarmið.

„Sumir vilja hafa veiðislóðina fyrir sig og hleypa ekki öðrum að. Flatfiskur er nánast bara veiddur með dregnum veiðarfærum, botnvörpu og snurvoð, og það er allt í góðu lagi. Samt vilja menn útiloka skip frá veiðum því þeir vilja sjálfir sitja að þessu."

Arthúr Bogason, formaður Landssambands smábátaeigenda (LS), segir ákvæðið í stjórnarsáttmálanum hljóma afskaplega vel í þeirra eyrum. Í 24 ár hafi sambandið ályktað í þessa veru og hingað til hafi árangurinn verið rýr, því stór svæði hafi undanfarið verið opnuð fyrir togurum.

„Þrýstingur frá LÍÚ hefur orðið til að stór svæði hafa verið opnuð og þeir hafa haft Hafró sér til fulltingis, þar sem ekki hefur verið sýnt fram á beina skaðsemi veiðanna. Það verður seint gert ef þær eru ekki rannsakaðar. Á sama tíma og við höfum viljað ýta stórum togveiðiskipum út af grunnslóð, höfum við ályktað um nauðsyn viðamikilla rannsókna á afleiðingum þeirra veiða."

Arthúr segir LA vilja að grunnslóð verði lokað fyrir mestallri togveiði. „Við erum þó ekki svo einstrengingslegir að við skiljum ekki að ýmsar tegundir megi veiða innan slóðar með snurvoð og rækjuveiði inni í fjörðum verður seint stunduð á línu."

Friðrik segir útvegsmenn búa við miklar lokanir í dag og eigi að auka á þær verði faglegar forsendur að búa að baki. „Ef fara á varlega í þetta styðjum við það. Það er ekki flókið. En þessi nálgun um að banna botnvörpu þvert yfir og banna dragnót algjörlega gengur [e-mail]"

"Heiðursmaður" verður fyrir fruntalegri árás.

Það er með endemum að "sérstakur" skuli leyfa sér að ráðast að einum helsta ábyrgðarmanni og máttarstólpa Framsóknarflokksins með húsrannsóknum og ýmsu ofbeldi. Þessi einn af okkar glæstustu sonum, þyrlueigandi með meiru telur sig nú sennilega eiga betra atlæti inni hjá þjóðinni. Sérstakur ætti nú ekki annað eftir en að ráðast að góðmenninu og sakleysingjanum Finni frækna með álíka trakteringar? Nei svona gagnslausar innkomur á heimili og starfstöðvar máttarstólpa Framsóknar þarf að stöðva þegar í stað, ef ekki á að flæma þá alla til Sviss eða jafnvel Tortóla, það er eitthvað sem við megum ekki hugsa til.

Leitað á heimili Ólafs

Frábær baráttumaður.

Hann á þetta klárlega inni hann Lampard, rosalega öflugur og skemmtilegur baráttumaður í liði Chelsea, alltaf tilbúinn að fórna sér fyrir liðsheildina.

Lampard bestur hjá Chelsea í þriðja sinn

Málefnalegir, að vanda.

Það vantar ekkert uppá að þeir viti til hvers þeir eru þarna komnir þeir Framsóknarmenn. Nú móast þeir við að setjast niður þar sem þeim er sagt að vera í þinghúsinu á sama tíma og þeir telja aðra ekki vera nógu duglega við að klára stóru málin. Þeir eru enda afskaplega miklar tilfinningaverur og hafa bundist herbergiskompunni sérstökum böndum. Flestir búnir að sitja þar í einhverja klukkutíma. Hún er nú ekki á flæðiskeri stödd þessi þjóð meðan hún hefur atgervisfólk sem þetta í vinnu.

Þeir sitja sem fastast

Hann er bara flottur hann Stefán.

Eins og hann á kyn til og sýndi snemma að hann ætti erindi á tónlistarsviðinu. Gríðar öflugur og fjölhæfur og er reyndar örugglega rétt að byrja, spái ég. En þetta verður spennandi kvöld hjá honum og hans félögum.

Frá Queen til Gunna Þórðar

Gekk á Geitafellið í fyrsta skipti.

Þó skömm sé frá að segja, orðinn sextugur maðurinn. Búinn að taka mið í þetta fjall þúsundum skipta á radarinn, fara í hlíðar þess á vélsleðum og allt um kring, en aldrei látið svo lítið að drattast upp, fyrr en núna. Frábær ferð með góðum hópi fólks af Suðurlandi samtals 27 manns og hundstík.

Ekkert í líkingu við afrek Apa sem er stórkostlegt og verður seint jafnað, en samt...

Góður vinur minn, skipstjóri frá Grimsby vann reyndar það mikla afrek fyrir nokkrum árum á sextugasta og fyrsta aldursári að komast á tind Everest. Eftir að hafa skilið eftir í slóðinni hundvana menn, meira að segja úr hópi skipuleggjenda og leiðangursstjóra. Gríðarlega harður nagli og vel á sig kominn, en það afrek hafa ekki margir leikið eftir, skilst mér.

Gekk í 19. skipti á Everest

Hann Tryggvi hefur lög að mæla.

Það getur ekki sannara verið. Búið er að eyða vikum og mánuðum í kosningar, stjórnarmyndun og endalaust mas án þess að nokkuð sjáanlegt sem máli skiptir sé að gerast. Nú þarf svo sannarlega að taka "lúkurnar af pungnum" og gera eitthvað, ástandið er að verða fólki ofviða.

Búið er að gefa út að þingið muni starfa eins og þurfa þykir í sumar, (eins og það ætti raunar alltaf að gera) og þá þarf það "sem við á að éta" einfaldlega líka að vera í vinnunni.

Finnst „fráleitt“ að embættismenn fari í frí