Aldeilis ótrúleg svikamylla.

Þessir Stím-gjörningar eru alveg með hreinum ólíkindum og ekki auðvelt að átta sig á því hvernig FME kemst að þeirri niðurstöðu að allt sé þarna í himnalagi? Ef þessi lýsing er ekki markaðsmisnotkun þá er hún ekki til, gæti maður haldið. Þetta virðist sami leikur og hjá Tort-Óla & Co varðandi Kaupþing og ekki líklegt að hægt verði að hengja í þá riddarakrossa fyrir afrekin. (En sennilega eru þeir komnir með þá einhverjir?)

FME mun vísa Stím-málinu til ákæruvalds

Auðvitað.

Það segir sig nú nokkuð að til að fá aðrar þjóðir að borði með okkur, að ég tali ekki um að gera eitthvað með okkur, var örugglega nauðsyn að ganga frá þessu máli. Menn geta svo ruglað um þetta endalaust aftur og fram, en ég held að Árni sé að fara með rétt mál.

Samningurinn forsenda annarra lánasamninga

Ég held nú hreinlega....

Að sumu af þessu fólki sé ekki sjálfrátt. Auðvitað er engin ástæða til að vera sáttur með að þurfa að taka á þjóðina þennan Icesave-pakka, en að halda því fram að það sé eitthvað sem við hefðum val um eða sé að hrynja í hausinn á okkur núna er auðvitað ekkert minna en galið rugl, hvað þá að berja á því með búsáhöldum. þetta mál er að mestu frágengið að fari á okkar herðar á haustdögum og nú er bara að fara fram frágangur mála, sem nota bene er þó skárri en var í kortunum áður.

Það er alls ekki kostur í þessari stöðu að svíkja það sem hafði verið gengið frá og setja þar með öll okkar samskipti við útlönd í uppnám. Kannski var í upphafi vitlaust að lofast til að greiða innistæðueigendum bankanna en um það er ekki hægt að tala núna.

Skriflegt samkomulag í október

Fyrirsögnin er ágæt...

En það er líka það eina sem nothæft er úr þessari frétt. Enda ætlaði ég rétt að segja það, ef þarna væri kominn einn úr þessu Guðs-volaða íhaldsliði sem LÍÚ væri ekki búið að kaupa með húð og hári. Enda kom það líka í ljós við lestur greinarinnar að þetta voru ekkert annað en umbúðirnar, hitt gengur allt útá að engu megi breyta. Svei því öllu, enda hvað er verið að gera með þennan titt við að messa yfir alvöru fólki á þessum degi?

Það segir nú eiginlega allt sem segja þarf.

Eðlilegt að endurskoða kvótakerfið

Vilhjálmur hefur lög að mæla.

Um það þarf ekki að efast fremur en fyrri daginn. Á endurskoðendur er vafalaust hægt að hengja mikinn skít úr þessu hruni.Þeir eru sumir til í allt, ef það er í þágu þess sem þeim finnst vera "aðal karlinn".

Af því hef ég bitra reynslu frá einu stærsta nafninu úr þessari stétt, sem taldi allt í lagi að stjórnarmaður í almenningshlutafélagi fremdi augljóst lögbrot, sér til hagsbóta, þar sem "litlar líkur væru til að saksóknari kæmist með nefið í málið". Hann er svo reyndar endurskoðandi fyrirtækja stjórnarmannsins.....En áfram Villi það er af nógu að taka og þú hefur nef fyrir skítalyktinni.

„Endurskoðendur vernduðu stjórn FL"

Hann hefur nú aldeilis efni á að vera óánægður.

Eða hitt þó heldur hann Bjarni Ben. Hann talar hreinlega eins og hann og hans fólk hafi skilið okkur eftir með einhvern slatta af valkostum? Held honum færi best að segja sem minnst, það kannski mundi virka eins og hann vissi eitthvað hverslags rosaleg klessa það er sem við sitjum uppi með. Svona þvaður virkar hreinlega eins og hann sé búinn að vera staðsettur á tunglinu um langt skeið.

Öll óvissa á kostnað Íslendinga

Gefur smá svigrúm.

Þetta samkomulag er auðvitað að gefa okkur smá svigrúm til að ná vopnum okkar. Það er svosem ekkert til að hoppa hæð sína yfir og það sem vekur helst ugg er skilanefnd þessi. Það er ekkert sem gefur tilefni til að halda að henni verði neitt úr því sem þarf að spila úr og þar með fellur það á ríkissjóð.

Frystingu eigna aflétt

Það er ekki hægt að hlusta á neitt frá Þorvarði um þetta mál.

Því miður, hann er búinn að setja upp svo margar svikamillur í kringum þennan gullkálf sem hann telur sér og öðrum trú um að kvótakerfið sé að hann er ekki tengdur lengur. Hann er búinn að hafa vinnu af því svo lengi, að reikna gróða útúr ruglinu sem vinnumaður útgerðarmanna, að hann er ekki marktækur. Hann gerir engan greinarmun á eign og nýtingarrétti svo dæmi sé tekið.

„Hendið þessari hugmynd“

Eins dauði annars brauð.

Það sem reytist af SAS fer á Norvegian, það er ekki öðruvísi en venjulega. Enda Norvegian með mikinn hljómgrunn hjá fólki, allavega í Noregi. En eitthvað er nú Sterlingpakkinn og annað sem bætt hefur verið á sig verið að týna inn þarna.

Lággjaldflugfélag í góðum gír

Heldur vitrænni ályktun en víða annarsstaðar.

Það virðist sem fólk hafi notað tíma í að koma saman einhverju af viti um málið þarna. Greinilega ekki verið farið í þessar pöntuðu LÍÚ niðurstöður eins og í Vestmannaeyjum, Ölfusi og víðar, hvar undirlægjuhátturinn ríður ekki við einteyming.

Samþykktin auðvitað segir ekkert frekar en hinar, er eins og hver önnur froða og ekki von til neins annars, en það hefur þó verið reynt að senda ekki frá sér staðlausa stafi og ósannindi.

Sátt náist um stjórn fiskveiða