10 ára herkostnaður.

Í þetta gæluverkefni utanríkisþjónustunnar er búið að leggja 10 ára ströggl með tilheyrandi ferðalögum, sendiráðsopnunum og endalausu rugli. Þeir sem hófu þennan leiðangur hljóta að sjálfsögðu að bera á honum ábyrgðina, en ekki þeir sem eru að enda hann. Því er haldið fram að eftir standi mikið af vinaþjóðum og einhverri froðu, sem vonandi dregur okkur eitthvað við að hífa okkur uppúr skítnum sem við erum búin að koma okkur í.

Ísland náði ekki kjöri

Iceland Express geta alveg verið rólegir.

Þeir koma alltaf til með að skjóta sig í löppina af og til hjá Icelandair, núna síðast er afar döpur frétt af þeim hér á mbl.is, eða hvar ég sá það, hvar þeir fella niður flug til Glasgow í einhverja mánuði, með ærnum kostnaði og leiðindum fyrir fólk. Það væri nú illt í efni ef þeir Flugleiðu hefðu getað haldið áfram í friði og spekt, að ræna lýðinn hérna?

Iceland Express harmar árásir formanns FÍA

Enn einn sammála meirihluta íslendinga.

En það gerir bara ekkert fyrir okkur meðan Geir er alltaf jafn hrifin af honum. Ég er farinn að halda að hann Geir ætli að falla með kallinum og það væri ekki skynsamlegt. Held að Geir hafi mun meira til málanna að leggja en DO, það fer hinsvegar að verða ábending um að hann sé ekki alveg að virka heldur, ef hann fer ekki að losa þjóðina við Seðlabankastjórnina með DO og öllu tilheyrandi.

Það er vonandi að það fari að rofa til hjá Geir og hans liði varðandi þetta mál. Það mundi strax auka traust á málum hér.

„Dýr pólitík til heimabrúks"

Nú erum við að tala saman....

Það er ekki vandi að taka undir tillögu ISG um að gera þetta að upphafi nýrra tíma. Afturhvarf um 15 eða 30 ár er eitthvað sem mun senda úr landi fjöldan allan af vel menntuðu ungu fólki og það er miklu efnilegri tilhugsun, í samstarfi við aðra, að berja í brestina, setja undir okkur hausinn og búa til störf í landinu fyrir þetta fólk.

Einar litli Guðfinns vill hinsvegar lifa af sjávarútvegi, sem varla stendur undir skuldum sínum með núverandi veiðiheimildum og/eða álbræðslum....?..væntanlega? Ekki fer þessi mannafli sem nú er að losna um uppí sveit?

Ingibjörg Sólrún: Fyrst IMF og svo ESB

Orð í tíma töluð.

En það er með ólíkindum hversu lítið er verið að gera í því að halda fram sjónarmiðum Íslendinga erlendis. Þar af leiðandi er rödd þessa blaðamanns á blogginu hans afar kærkomin og engin spurning að hann hefur góð rök fyrir sínu máli. Við lendum þarna í atkvæðaveiðum Brown og Darling.

Blaðamaður FT stendur með Íslendingum

Stórvinir.

Stórvinir okkar Færeyingar eru samir við sig og enginn þarf að efa að lögmaðurinn talar fyrir munn allra Færeyinga.

Ég er sjálfur svo heppinn að vera í daglegu sambandi við Færeyjar og hafði gesti þaðan í síðustu viku meðan ósköpin hrundu yfir og veit að samhugur þeirra er mikill með okkur. En þeim finnst undarlegt að koma ekki dönsku krónunum til Íslands núna á heilli viku. En sennilega eru þær nú að veltast í Seðlabankanum í einhverju reiðaleysi?

Vinarkveðja frá Færeyjum

Fórnarlambið?

Er yfirskrift greinar sem Jón Baldvin Hannibalsson skrifar í FRÉTTABLAÐIÐ í dag. Það er ekki að orðlengja það að JBH fer á kostum í þessari grein og því birti ég hana hér, hún á erindi við alla og er í fullu samræmi við það sem ég og margir aðrir höfum verið að halda fram á liðnum vikum og mánuðum, að ég ekki tali um í framhaldi Kastljósþáttarins sem DO er orðinn frægur fyrir.

Þessi grein JBH er ekki það eina af viti á síðum Fréttablaðsins í dag því þar er forystugrein eftir Þorstein Pálsson sem enginn ætti heldur að láta fram hjá sér fara.

Jón Baldvin Hannibalsson skrifar:

"Niðurstaðan af eintali Davíðs Oddssonar við sjálfan sig í Kastljósi RÚV sl. þriðjudagskvöld 8. okt. vakti óskipta samúð hlustenda með örlögum þessa mæðumanns. Davíð hefur, að eigin sögn, verið saklaust fórnarlamb óreiðumanna og brennuvarga (hans eigin orð) sem á undanförnum árum hafa vaðið uppi í þjóðfélaginu og farið sínu fram, þrátt fyrir fyrirbænir og varnaðarorð hins áhrifalausa seðlabankastjóra.

Sjálfur var Davíð á móti útrásinni og segist reyndar aldrei hafa skilið hana.Hann segist ítrekað hafa varað við allri þessari sláttumennsku óreiðumannanna í útlöndum, en það hafi bara enginn hlustað á sig. Hann segist hafa beðið hina einkavæddu bankastjóra að gæta hófs en þeir skelltu við skollaeyrum. Hann segist hafa beðið þá í ríkisstjórninni - eftirmenn sína - um að stöðva feigðarflanið, en meira að segja þeir hlustuðu ekki á hann.

Bæði forsætis- og fjármálaráðherrann, þessir fyrrverandi undirsátar hans, daufheyrðust við fyrirbænum og bænakvaki hins áhrifalausa seðlabankastjóra. Það er alveg sama við hvern hann talaði: Enginn tók mark á orðum hans. Er nema von að honum finnist ósanngjarnt að skella skuldinni af þjóðargjaldþrotinu á hann? Samt segir hann að menn megi svo sem sín vegna gera sig að píslarvætti, ef þeim líði eitthvað betur við það.

Þetta er alveg nýr Davíð sem þarna birtist þjóð sinni. Lítillátur maður, að vísu vel meinandi en atkvæðalítill og pasturslaus. En fyrst og síðast misskilinn, vanræktur og gersamlega áhrifalaus. Og meira en það. Hann var öll þessi ár þar sem hann birtist þjóð sinni sem höstugur valdsmaður, sem aðrir lutu af ótta og lotningu, í raun og veru saklaust fórnarlamb myrkraafla, sem léku sér á kaldrifjaðan hátt að fjöreggi þjóðarinnar, meðan vörslumaður þess, Davíð Oddsson, sætti ofsóknum og var lagður í einelti, einangraður og áhrifalaus hornreka.

Svona getur spegilmynd samtímans orðið skrítin þegar fjölmiðlar í lýðræðisþjóðfélagi - í þessu tilviki Kastljósdrengirnir - valda ekki verkefnum sínum. Hvernig hefði alvörufjölmiðill í lýðræðisþjóðfélagi farið að í svona tilfelli? Er trúlegt að seðlabankastjóra - sem hefur „presiderað" yfir hruni lánastofnana og greiðsluþroti þjóðarbúsins, eftir að hafa mistekist í sjö ár samfellt að ná yfirlýstum markmiðum peningastefnunnar - hefði verið boðið í drottningarviðtal, sem þjónaði þeim tilgangi að upphefja hans persónu í stað þess að láta hann standa fyrir máli sínu?
Með öðrum þjóðum hefði fjölmiðillinn hvatt til óháða sérfræðinga á sviði fjármála og viðskipta. Þá hefðu þeir ekki látið seðlabankastjórann komast upp með að þvo hendur sínar af eigin gerðum né heldur að leika saklaust fórnarlamb. Veruleikinn er nefnilega allur annar en leikritið sem var uppfært í Kastljósi gefur til kynna. En þá hefði seðlabankastjórinn sennilega ekki mætt í Kastljós því að hann hefur á löngum valdaferli vanið fjölmiðla við það, að hann tali bara í drottningarviðtölum. Birtingarform ritskoðunarinnar eru margvísleg, víðar en í landi Pútíns. "

Höfundur var utanríkisráðherra í ríkisstjórn Davíðs Oddssonar 1991-95.

Vill ekki tjá sig?

Auðvitað ekki og þarf þess væntanlega ekki heldur. Það væri nú ekki alveg nýtt þó maðurinn kæmist upp með að bulla einhverja þvæluna án þess að þurfa að bera á henni neina ábyrgð? Einhversstaðar hefðu nú fokið hausar af minna tilefni og það sennilega af sjálfsdáðum, en það er vandséð hvað þarf til hérlendis svo óhæfir menn segi af sér af eigin frumkvæði.

Af með Árna, setja hann á kippuna með DO.

Samtal við Árna réð úrslitum

Nátttröll.

Það er nú ekki að undra þó eitt og annað fari úrskeiðis við stjórn landsins, sitjandi uppi með svona náttröll við stjórnvölin. Það er ótrúlegt að geta talað um flotkrónuræfilinn eins og eitthvað sem sé bara okkar líflína á næstunni? Allt í frjálsu falli og gjaldeyrir fyrirtækjanna sem inn er að koma fyrir útflutning gerður upptækur á smánarverði og maður er búinn að heyra í morgun í nokkrum sem eru í vandræðum með að greiða kostnað eins og hráefni og laun vegna þessa.

Atburðir síðustu daga kalla á skýrari rök ESB-sinna

Ætlar forsætisráðuneytið ekki að losa okkur við Doddson?

Það má ljóst vera að yfirlýsingar DO í fyrrakvöld hafa verið túlkaðar með þeim hætti í Bretlandi, að sjóðirnir þar væru í stórhættu og fólk mundi þar tapa peningum. Það er ekki vafi að kallinnn náði betur til venjulegs fólks á Íslandi i þessu fáránlega viðtali en Geir hefur verið að gera, þrátt fyrir að láta ekkert frá sér annað en ásakanir á aðra og smjörklípur hér og þar, uppnefni og frasa, en hann er snillingur í að láta fólki finnast að hann sé maðurinn sem það geti treyst á.

Nú held ég að ekki verði undan því vikist að slaka kallinum úr bankanum, þar brenna eldarnir allt í kringum hann og hann hefur kveikt þá flesta eða alla. Krafan er ekkert minni en ; AF MEÐ ALLA YFIRSTJÓRN SEÐLABANKANS, ekki seinna en núna, senda inn FME eins og gert var í hina bankana, það væri táknrænt, nema að því má ekki fylgja ráðning stjóranna. Umheimurinn mundi túlka svona gerning sem að hér væri virkilegur vilji til að taka á málunum.

Atburðir í Bretlandi felldu Kaupþing