Það er ekki hægt að orða þetta betur.

Það verður ekki dregið í efa, að hann Björgólfur hefur fulla yfirsýn yfir þennan "blóðvöll" og það sem hann segir um "stjórn" síðustu ára og síðan skort á viðbrögðum hjá núverandi ríkisstjórn er klárlega ekkert annað en ÓSTJÓRN. Að ætla síðan að hengja afleiðingarnar á einhverja 20 menn er ekkert minna en galið rugl og allt of billega sloppið hjá þeim sem ættu að flengjast fyrir slóðaskapinn. Óstjórnir síðustu 10 ára bera ábyrgð á ruglinu, en því miður fá þeir stjórnmálamenn sem þar hafa farið fyrir ekki að súpa seyðið af sínum mistökum, hvað þá "Seðlabankaskrípin."

Fylgið hangir á þessu liði eins og aids við sjúkling, því miður.

Krónan stærsta vandamálið

Einmitt það já.

Og ætli að hann viti um einhverja leið fyrir gjaldeyri til landsins sem hann heldur leyndri fyrir mönnum? Það eru ótal dæmi um að fólk hefur verið að reyna að koma gjaldeyri til landsins í margar vikur, án árangurs. Greiðslur hafa ýmist ekki borist hingað eða tekið uppí 22 daga að koma þeim á reikninga hér, en alltaf segir Geir hinn "Harði," að "gjaldeyrisviðskipti séu að komast í eðlilegt horf og verði í fullkomnu lagi ekki seinna en á morgu" og þannig líða vikurnar?

Skorar á útflytjendur

Seljum Norum eina sjoppuna.

Það væri ágæt lausn, að selja Norðmönnum eins og einn banka og hafa hann af stærri gerðinni t.d. Kaupþing. Það væri sennilega það besta sem frá þeim gæti komið og mundi lina þjáningarnar við að koma nýju eigin fé inní bankana. Sennilega er enn verið með vandræði í pípunum hvað bankana varðar og hafa Sparisjóðirnir t.d. ekki farið í gegnum eldinn ennþá.

Norsk sendinefnd til landsins

Búið að ná tökum á Davíð.

Það má nú ekki seinna vera að fá gjaldeyrisviðskipti í gang. þetta ástand er að valda gríðarlegu tjóni dag hvern og því verður að ljúka sem fyrst. Það er vonandi að kallinn hafi, ef hann hefur verið að þvælast fyrir í málinu, gilda ástæðu fyrir þrjóskunni.

En nú er komið gott, þessu þarf að linna núna.

Sátt um IMF-lán í Seðlabanka

Mjög viturleg ákvörðun.

Það er ekki að efa að það er betra að hafa strákinn óþreytta að þessum leik loknum og mannvalið er nú slíkt að þeir ættu nú að þola að hvíla Ronaldo í þessum leik.

Ronaldo út úr liðinu

Æji, Ögmundur.

Reyndu nú til tilbreytingar að láta eins og þú vitir eitthvað. Það hefur nú ekki mikið borið á frambærilegum lausnum af þessum bæ, fremur en annarsstaðar frá. Allt sem hann og hans fólk hefur lamið á er að fara EKKI til IMF, ekki nokkur hlutur um það hvar annarsstaðar á að finna þá fjármuni til að koma flotkrónuræflinum í gang aftur.

En nota bebe, Ögmundur er auðvitað sérlegur vinur flotkrónu og sér ekki fyrir henni sólina, hann veit bara ekki hvar hann ætlar að taka fjármuni til að efla ræfilinn og þaðan af síður hvenær á að borga, því það á jú ekki að gera í framtíðinni....?

Rangt að skuldbinda ófædd börn

Mikið var....

Það er ekki hægt að segja neitt annað. Eftir þessu er búið að bíða allt of lengi, flestir verið sammála um að annað væri ekki í stöðunni til að koma hjólunum varðandi viðskipti við útlönd í gang, en það er bara talað og talað, fundað og fundað. Á sama tíma eru ráðamenn stórþjóða að dæla frá sér tilskipunum alla daga og nætur, en hér er bara send út einhver froða sem ekkert gerir, svo sem eins og "gjaldeyrisviðskipti munu nú vera komin í eðlilegt horf" á sama tíma og engin vitræn viðskipti eru með gjaldeyri.

Einhugur um að sækja um lán

Mjög nákvæm fyrirsögn.

Fyrirsögn þessarar fréttar er afar nákvæm og segir raunar allt um kappaksturinn í morgun. Að öðru leiti var hann fremur flatur og ekkert um tilþrif af neinu tagi. Raikkönen hleypti Massa framúr sér á síðustu hringjunum, allt eftir bókinni, en Finninn var sá eini sem virtist geta eitthvað hangið í Hamilton. Til að hleypa Massa framúr þurfti hann hinsvegar að fara niður á plan Brassans og dagast afturúr þessar 15 sekúndur sem Massa hékk á eftir.

Vonbrigði dagsins eru hinsvegar Kovalainen og var hann bara ekkert að virka og endaði í skúrnum án þess að ljúka hringjunum. Hann kemur vonandi sterkari en þetta til síðustu keppni, McLaren þarf á því að halda að vera með tvo bíla í keppni, þó Hamilton sé góður.

Hamilton ók fullkomnlega

Og koma svo.

Nú þarf minn maður að koma sér klakklaust í gegnum mótið og vinna á morgun, til sýna okkur einu sinni enn úr hverju hann er gerður. Hann virðist hafa til þess alla burði, bíllinn er að virka og nú er að duga eða drepast. Ég efast svo sem ekkert um að hann verði á pallinum á morgun, en Fíatinn er þó þarna ekki langt undan.

Hamilton á ráspól í Kína og Massa í þriðja sæti

Að eyða í sparnað.

Það eru orð að sönnu hjá honum Ómari, að hann og mjög margir aðrir, raunar allt of margir, virðast hafa verið að "eyða í sparnað" hjá Landsbankanum. Þessir sparifjáreigendur virðast ætla að sitja uppi, algerlega þeim í opna skjöldu, með talsverðan niðurskurð á sparifé sínu. Þetta er ekki gott mál og auðvitað afleitt og er vonandi að menn eyði í það einhverjum krafti, að komast að því hvernig ósköpunum það gat gerst, að starfsfólk bankans gaf frá sér jafn mikið af staðlausum fullyrðingum um þessa reikninga og raunin er, með hreint alveg skelfilegum afleiðingum fyrir fjölda fólks.

„Það er búið að þurrausa sjóðinn“