Eftir höfðinu dansa jú limirnir.

Það getur aldrei orðið öðruvísi. Bangsi virkar bara svona, með Halla ríkissjóðs og allan hans skít í pokanum. Það eru ekki aðrir en kóarar eins og Leggur og aðrir álíka sem virka í svona jarðvegi. Þarna þrífst enginn nema vera á línu þessara gæja og Goggi í Gæslunni svona sleppur, enda sömu gerðar.

Þarna verður nú, fyrr en seinna, að taka til hendinni, hann Bangsi er alveg búinn áðí held ég.

Lögregla í sandkassaleik

Hann Geir er nú ekkert að gera mikið úr ástandinu.

Allt í hefðbundnum farvegi, engir krísufundir eða slíkt og nánast gefið í skin að ekki séu til þess neinar ástæður. Ég veit ekki hvað gengur að karlanganum, ekki talar hann svona vegna þess að hann hafi ekki þekkingu á ástandinu, því það hefur hann klárlega, kannski er hann bara búinn að vera of lítið í vinnunni undanfarið, eitthvað er það. Allavega ætti honum að vera löngu ljóst að Seðlabankakjáninn hans er ekki að virka. Þar verður hann að fara að moka út, ef ekki á illa að fara, bæði fyrir honum og þjóðinni.

Auðvitað er ástandið með ólíkindum þessa dagana. Á meðan eldarnir brenna hér um allt eru Geir og Solla um allan heim að berjast fyrir sæti í öryggisráðinu, sem reyndar gefur okkur ekkert nema hausverki og kostnað og næstráðandi á fótboltaleik í Frakklandi. Svei mér þá ef þetta er að verða á vetur setjandi þetta lið.

Annars hefur Múrbúðin orðað þetta mjög vel í auglýsingu í gær, betur verðu það ekki gert.

Stjórnvöld semji við erlenda seðlabanka

Er það hugsanlegt?

Að formaðurinn opni sig þegar ætlast er til og virkilega er þörf á? Nei ég held að fólk geti alveg gleymt því, nú hefur hann gert af sér einhverja delluna og þá hvorki þarf hann né vill opna sinn sorakjaft. Aldeilis er undarlegt þetta háttalag, ekki það að ég sé endilega viss um að það sé eitthvað sem á erindi í fjölmiðla núna, vonandi hafa stjórnvöld fengið sínar skýringar, en það átti viðtalið og drullumoksturinn á dögunum ekki heldur.

Engar skýringar borist á gjaldeyrisskiptasamningi

Vondar meldingar til almennings.

Hér er um að ræða, fyrst og fremst, vond skilaboð til fólks. þessi hækkun er örugglega ekki að velta neinu í fjárhag fólks amennt, en það er hún ekki heldur að gera í fjárhag þessa sukkfyrirtækis, gæti maður haldið. Menn hafa lengi barið sér á brjóst yfir hversu stöndugir þeir eru og að þarna sé nánast alllt hægt í krafti þess, en svo kemur svona hortittur sem virðist nánast til þess gerður að ergja viðskiptamennina.

Það kannski vantar fyrir einhverju af dráttarvöxtum eða málskostnaði vegna kaupanna á Suðurnesjahlutnum? Eða kannski að það standi á peningum til að klára mútugreiðslurnar til Ölfuss? Engin er lýsingin ennþá.

OR vantar meira fé

Mjög eðlilegt framhald atburða.

Það getur hvert barn, sem fylgst hefur eitthvað smávegis með þessari framvindu þarna suðurfrá sett sig í sporin. Það lætur enginn bjóða sér svona framkomu eins og Bangsi hefur vaðið uppi með þarna. Öðruvísi en að vera gersamlega metnaðar og skaplaus og það virðist Jóhann bara ekki vera. Það vantar í hann undirlægjuháttinn, þetta hefði sennilega gengið við Þvaglegg, enda hann aldrei þorað að verða atvinnulaus.

Jóhann tilkynnti afsögn

Halli ríkissjóðs.

Það liggur í augum uppi hvað Bangsi hefur uppí erminni, hann setur bara meiri fjármuni í Halla ríkissjóðs og setur sjoppuna undir hann. Þar sem Halli er sá eini sem virðist geta slitið út aura í einhverja fimleika er einsýnt að setja allt liðið undir hann, punktur.

Björn segir að fylla þurfi skörðin

Er hún erfið já?

Ég get ekki betur séð en að við séum að fá staðfestinar þess daglega og oft á dag, að upptaka evru sé óframkvæmanleg með þessum hætti? Það er með ólíkindum hvernig einstakir þingmenn ná að þvæla þetta mál og rugla um möguleikana. Illugi Gunnarsson tók nú steininn úr í gærmorgun, en í viðtali frá Brussel sagði hann ekkert að marka embættismannakórinn sem hann var að láta skýra fyrir sér reglurnar, það væru pólitíkusar sem þetta mundu ákveða? Undarlegt að vera að eyða peningum í að senda þessa hjörð út til að tala við einhverja sem ekkert um málin vita.

Upptaka í sátt erfið án aðildar

Ekki von á neinu öðru.

Þarna gat aldrei neitt annað komið út. Þessir ítölsku mafíósar vita hvernig þarf að afgreiða hlutina fyrir Fíatinn. Spurning hvað þetta er orðið spennandi...?

Hamilton tapaði áfrýjuninni

Ábyrgar veiðar hvað?

Hvernig er hægt að tala um ábyrgar veiðar ef staðan er sú að þorskstofninn dregst saman á hverju ári allar götur síðan kvótakerfinu var komið á? Ég sé ekki betur en að menn séu að láta Hafró setja sig útá gaddinn með helvítis ruglinu. það er nefnilega nóg til af þorski við Ísland, hann er bara ekki í tölvunum hjá Hafró. Þarna þarf bara að koma einhverju viti að áður en illa fer.

Hótar íslenskum sjávarútvegi

Á hverju ætli hún byggist?

Það hefur sennilega engin spurt "fræðingana" mjög náið útí það, en mér segir svo hugur að þeir hafi ekki mikið af gögnum til að styðjast við varðandi makrílinn. Okkar veiðar á kvikindinu byggjast að ég hygg að mestu á veiðum tvílembinga sem hafa verið að ryðja sér til rúms. Það veit sennilega enginn hvort við hefðum verið að veiða meira eða minna fyrir 5 árum með sömu "græjum", makríllinn heldur sig að mestu uppí sjó og kemur illa á mæla. Sennilega eru þeir sem eru að gefa út þessar tölur um stækkun stofnsins aðallega að grufla í tölum um landaðan afla en það er nú svona og svona, eins og þekkt er.

Ég gef allavega ekki mikið fyrir rannsóknirnar sem stuðst er við héðan fyrr en einhver hefur sýnt á þau spil, sem trúlega eru nú ekki mjög aðgengileg eða margbrotin, fremur en annað á þeim bænum.

Makrílstofninn enn á uppleið og loðnuseiði lofa góðu