Þetta var glæsilegt.

Og aldrei raunverulega í hættu þessi sigur. Enn ánægjulegra að vinna ekki titilinn á markamun heldur stigum. Það þarf ekki að deila um það hverjir eru bestir á Englandi, það liggur alveg klár fyrir sú niðurstaða...

Manchester United er enskur meistari 2008

Bíddu við og hverjum líktust þeir?

það er vonandi að þeir verði ekki viðvarandi líkir varnarmönnum "Linkolla", það mundi sennilega þýða fall úr deildinni...?

Willum: Varnarmennirnir ólíkir sjálfum sér

Já, já auðvitað.

Hver vill ekki vera í titilbaráttu? Ætli þeir hafi nú ekki ætlað sér það alla tíð, ég man ekki annað. En það verður að geta, það er málið, það vantar alltaf aðeins uppá, kannski verða einhverjir aurar til að kaupa í sumar? Kannski koma ríkir Arabar sem setja í þetta einhvern skurk, veit það ekki, ég drekk ekki mjólk.

Steven Gerrard: Í titilbaráttu á næsta tímabili

Einhversstaðar þröngt í búi.

Það verður einhversstaðar þröngt í búi hjá bílasölum þegar líður á árið. En það má svo sem segja að þeir höfðu ekki forsendur til að draga saman í tíma, fall krónu og skyndilegur samdrátturinn hefur að einhverju leiti komið þeim í opna skjöldu, eins og fleirum.

Óseldir bílar hrannast upp

Kemur það á óvart?

Mér finnst ekki líklegt að það komi neinum sem hefur fylgst með á liðnum árum á óvart að þessi niðurstaða skuli liggja fyrir. Það hefði verið meira en lítið undarlegt ef annað hefði orðið uppi. Auðvitað er alveg sama ásjóna á öllum einkavinavæðingum Framsóknar og Sjálfgræðis á undanförnum árum og þær verða örugglega verkefni sagnfræðinga framtíðarinnar, hvernig í veröldinni menn fengu frið til að koma þessu fram.

 

Sala á ÍAV úrskurðuð ólögmæt

Ófærð á vegum...

Ég ætla rétt að vona að þetta verði ekki mjög snjóþungt sumar.

Ófært og stórhríð er á Steingrímsfjarðarheiði

Þetta er svakaleg þróun.

Það er vandséð hvernig þeir sem eiga að vera að stjórna hér ferðinni ætla sér að ná tökum á ástandinu og ná niður verðbólgu, eins og gefnar hafa verið yfirlýsingar um. Það er ekkert að sjá úr þeirri áttinni og kannski er það ástæða þess hvernig flotkrónuræfillinn gerir sig. Nú hlýtur að vera komið að því að stjórnvöld taki á sig rögg og geri eitthvað í málunum, þetta stefnir allt lóðbeint fjandans til með þessu háttalagi.

Krónan veiktist í dag um 1,86%

Ekki til Englands?

Þá er það bara KR, nema að hann sé að setjast í helgan stein? Nei verðum við ekki að trúa því að þeir vilji nota kallinn á Englandi?

Eiður Smári: Tímabilið líklega búið hjá mér

Nú er málið að verða virkilega alvarlegt.

Það fer að verða erfitt að trolla eftir ódýrari fiskinum með þessu olíuverði. Smáýsa í stórum upplögum á 40 kallinn pr.kg...brúttó í Bretlandi í morgun, svo það borgar ekki mikið af olíu svoleiðis fiskverð...

Verð á olíu nálgast 124 dali tunnan

Rijkaard virðist hafa misst alla trú á Eið.

Það er ekki nokkur vafi að stjórinn hefur ekki trú á okkar manni lengur. Ekki er gott að segja hver ástæðan er en þetta er ekki góð staða fyrir Eið Smára. Mér segir svo hugur að þetta bara versni þarna og sennilega er hann búinn að spila sínar síðustu mínútur fyrir Barcelona.

Þetta verður allt annað hjá West Ham.

Eiður Smári útaf vegna meiðsla eftir 23 mínútur