Góð forystugrein frá Þorsteini Pálssyni í dag.

Það er allt of lítið um vitræna umræðu um hugsanlega aðild okkar að ESB og "flotkrónuræfilinn", að mér finnst. Það er helst að Jón Baldvin kryfji hlutina af þekkingu og núna síðast í Silfrinu á sunnudaginn síðasta. Í Fréttablaðinu í dag er hinsvegar góð grein eftir Þorstein Pálsson og það er óhætt að segja að hann kemur sterkur inn karlinn. Þar sem mér finnst gagn að greininni, þó ég kaupi ekki hvert orð, læt ég hana flakka hér með. En ég er viss um að greining hans varðandi sjávarútveginn inní ESB er raunhæf.

Þorsteinn Pálsson skrifar:

"Tímabundinn vandi efnahagslífsins snýst um alþjóðlega lánakreppu. Langtíma vandinn í þjóðarbúskapunum felst hins vegar í því að íslenska krónan er ekki samkeppnishæf. Þetta eru aðskilin viðfangsefni.

En tímabundni vandinn má ekki verða til þess að slegið verði á frest að leggja línur um það hvernig langtíma úrlausnarefninu verður mætt.

Óumdeilt ætti að vera að afar ríka hagsmuni þurfi að setja á vogarskálarnar til að réttlæta ósamkeppnishæfa mynt. Spurningar þar um lúta einkum að sjávarútveginum og Evrópusambandsaðild.

Þrjú atriði koma þar helst til álita. Í fyrsta lagi eru það veiðar úr stofnum innan lögsögu. Á grundvelli reglunnar um hlutfallslegan stöðugleika héldi Ísland þar óskertum veiðirétti. Árlegar ákvarðanir um heildarafla yrðu formlega á hendi Evrópusambandsins. Forsendur ákvarðana yrðu eins og áður álit íslenskra vísindamann og ráðgjöf Alþjóða hafrannsóknaráðsins.
Fiskveiðistjórnun yrði eins og nú ákveðin með lögum frá Alþingi.

Hér eftir sem hingað til yrði úthlutun veiðiheimilda alfarið á höndum íslenskra stjórnvalda. Eftirlit yrði með sama hætti og nú á hendi íslenskra stjórnvalda. Efnislega raskast því engir hagsmunir. Óhagræði væri hins vegar að því að eiga heildaraflaákvarðanir undir ráðherraráði sambandsins þó að þær skiluðu sömu niðurstöðu og einhliða ákvörðun sjávarútvegsráðherra Íslands.

Í ljósi þess að hér er ekki um að ræða sameiginlega fiskistofna væri rétt að setja fram kröfu um að innan ramma sameiginlegu fiskveiðistefnunnar yrði hafsvæðið hér sérstök stjórnunareining. Þó að slík ráðstöfun fæli hvorki í sér meiri né minni veiðirétt myndi hún draga úr óhagræði við ákvarðanatöku. Þessa tillögu má rökstyðja með skírskotun í evrópskar grundvallarreglur og fordæmi.

Í annan stað þarf að líta á veiðar úr deilistofnum og úthafsstofnum. Þær hafa mikla efnahasgslega þýðingu. Í þeim tilvikum semur Evrópusambandið fyrir aðildarlöndin. Eðlilegt er að spyrja hvort sú staða veiki íslenska hagsmuni. Að einhverju leyti gæti hagsmunagæslan orðið flóknari en í heild sýnist staðan hvorki veikjast né styrkjast.
Þriðja álitaefnið snýst um meginregluna um frjálsar fjárfestingar. Þar um höfum við ótímabundinn fyrirvara í EES-samningnum.

Sá fyrirvari hefur verið viss trygging. Margir og þar á meðal ýmsir andstæðingar Evrópusambandsins hafa hins vegar viljað losna við fjárfestingarbannið óháð spurningunni um aðild. Það felur í sér mismunun og gerir stöðu sjávarútvegsfyrirtækja þrengri á ýmsa lund. Eigi að síður er það vel rökstyðjanleg jafnræðiskrafa að halda þessum fyrirvara tímabundið meðan samkeppnisfyrirtæki í evrópskum sjávarútvegi njóta styrkja.

Hér hefur ráðstöfun afla fiskiskipa aldrei verið takmörkuð við landið eða einstök svæði. Slíkir átthagafjötrar vinna gegn hagræði markaðslögmálanna. Þó að engin rök standi til að setja reglur af þessu tagi er rétt að hafa í huga í tengslum við erlenda fjárfestingu að rétturinn til að setja þær hverfur ekki með Evrópusambandsaðild.

Af þessu má ráða að sameiginlega fiskveiðistefnan og erlend fjárfesting gætu falið í sér ákveðið óhagræði og minniháttar áhættu. Með rökum verða þessi atriði hins vegar ekki metin svo þung á vogarskálunum að þau útiloki aðild að Evrópusambandinu og samkeppnishæfu myntsamfélagi sem er sjávarútveginum ekki síður mikilvægt en öðrum atvinnugreinum. "

Hér er klárlega verið að gera eitthvað af viti.

Svo það hefði verið alveg galið að setja ekki peninga í verkefnið. Það eru ekki svo margar jákvæðar fréttir af þessum vettvangi að það hefði verið verjandi að slökkva á þessari einu jákvæðu um langan tíma, ef ekki ever. Það er ástæða til að þakka þeim sem gerðu þessa starfsemi mögulega áfram.

Fangar snúa við blaðinu

Mætti halda að ekki væri feitan Gölt að flá.

Það er ekki auðvelt að byggja upp samkeppni við Eimu og Sambó. Allt sem kemur inn á markaðinn er keypt, innlimað eða drepið með einhverjum hætti. Auðvitað er markaðurinn ekki stór og gefur kannski ekki mikil tilefni til samkeppni, það er hinsvegar eftirtektarvert hve gríðarlegur munur er á flutningsgjöldum annarsvegar hérlendis og hinsvegar hjá frændum okkar í Færeyjum. Þar eru þessi sömu félög að sigla á mun hagstæðari gjöldum og munar þar miklu.

Atlantsskip semja við Eimskip og hætta rekstri skipa

Auðvitað þarf Nani að skammast sín.

Það er engin afsökun að hafa verið reittur til reiði. Slíkt er nú bara bartur af leiknum, að standast það að láta ekki æsa sig til óhæfuverka. En Nani er ungur og óharðnaður og lærir vonandi af þessu og meðferðinni í "hárþurrkunni" í framhaldinu...

Nani biðst afsökunar á rauða spjaldinu

Sveinar Ferguson eru ekki óvanir henni.

Það er eitthvað sem eiga að venjast á þeim bænum. Auðvitað getur það farið í allar áttir og Viganliðið eru ólíkindatól, en ég ætla nú að veðja á að mínir menn standist það próf og vinni Vigan.

Grant: Pressan er á Man. Utd

Vonum seinna.

Enda sjoppan algerlega komin í skítinn og enginn tilbúinn að veðja þar nokkru til, nema hugsanlega þessir fáu sem á halda. Þetta verður að öllum líkindum þrautaganga.

Óskað eftir afskráningu Icelandic Group

Hann Ólafur er ekkert að skipta um skoðun.

Það gerir hann Láfi aldrei, afar stefnufastur og öruggið við stjórnvölinn með eindæmum. Þessa alls njóta borgarbúar í boði Sjálfgræðisflokksins. Spurning hvort þeir fara nokkuð að taka yfir stólinn í byrjun næsta árs, þeir mundu væntanlega fá það metið að verðleikum ef borgarbúar fengju að hafa Láfa litla út tímabilið?

Ólafur segist ekki hafa skipt um skoðun

Hann sér það ekki hann Keegan.

En það er nú mála sannast að það er ekkert í höfn fyrr en að loknum sigri á Vigan. Það er nefnilega ekki líklegt heldur að Chelsea sé neitt að fara að misstíga sig. Það þýðir einfaldlega að deildin vinnst á markamun, sem er nú ekki að gerast á hverju vori, man ekki til að það hafi gerst áður.

Kevin Keegan: Sé ekki að Man Utd misstígi sig

Vitleysan ríður ekki við einteyming.

Honum Láfa þessum er nú ekki sjálfrátt í ruglinu. Hvað á þetta bull að ganga lengi? Hvað verður þessi ruglustampur búinn að gera mikið af sér áður en líkur? Það er auðvitað grafalvarlegt af ábyrgðaraðilum læknisins að láta þetta fram ganga með þessum hætti, þ.e.a.s. ef þeir ætla aftur að koma sér að stjórn borgarinnar.

Borgarstjóri gagnrýnir vinningstillöguna

Kjúklingaverksmiðjur berjast um hart.

Það er eðlilegt að öllu sé borið við af hendi kjúklingaverksmiðja til að geta viðhaldið einokun og okri. Ég hef ekki meiri samúð með málstað kjúklinga og svínaverksmiðja (allra í eigu banka og stórfyrirtækja) en með hverri annarri okurstarfsemi. Og nú er það atvinna þeirra sem í verksmiðjunum vinna, oftast er það nú sjúkdómaáróðurinn.

Það er komið að þessari innleiðingu matvælalöggjafarinnar og hún mun kannski verða til að lina þjáningar neytenda. Það er ekki að efa, að framsóknarmenn allra flokka munu reyna að þæfa málið eins og hægt er en á endanum trúi ég að neytendur hafi sigur.

Spáir miklum innflutningi á kjúklingabringum