Henni Björk er ekki fisjað saman.

Það má alveg ljóst vera að hún er mögnuð hún Björk Guðjónsdóttir, hún gerir allavega ekki annað á meðan en hún reynir að réttlæta ruglið varðandi löggæslumál í kjördæminu. En gaman væri að heyra meira um þessi tækifæri sem minnkuð eða niðurlögð löggæsla felur í sér. Það eru nú ekki eingöngu Suðurnes sem verða fyrir afar undarlegri forgangsröðun ráðherrans, mér er nær að halda að hann beri jafnframt ábyrgð á því að löggæsla er jafn sjaldséð í Þorlákshöfn og þingmaður á milli kosninga. Vonandi verður ekki mjög langt í brotthvarf Björns Bjarnasonar úr pólitík svo við losnum undan hans undarlegu "herleiðöngrum".

Tækifæri til að eyðileggja gott samstarf

Þó ekki væri.

Ronaldo getur enn batnað og þroskast sem knattspyrnumaður og það væru því ekki mikil klókindi í því að fara að selja hann núna. Ég held einfaldlega að ef ekkert kemur fyrir, þá eigi Ronaldo eftir að skemmta áhangendum Man Utd í einhver ár ennþá. Ferguson er nú ekki vanur að sleppa því sem hann vill halda á annað borð. 

Fjórtán milljarða boð í Ronaldo?

Að stunda ekki hvalveiðar til að halda jafnvægi í náttúrunni?

Þessi snillingur er að tala þarna væntanlega til einhverra atkvæða án þess að hafa gripsvit á því sem hann er að fjalla um, eða talar gegn betri vitund. Það væri gaman að vita hvort einhver tilraun hefur verið gerð til að fræða manninn, eða hvort hann fer heim jafn tómur til höfuðsins og hann kom til fundarins. Auðvitað ættu allir sem búa á norðurslóðum að hafa lágmarks þekkingu á ástandinu í norðurhöfum og m.a. þeirri gríðarlegu aukningu á hval sem þar er við að etja núna og verður að stórvandamáli ef ekki verður brugðist við með því að fækka kvikindunum. Það er allt of algengt virðist vera, að fólkið velji hálfgerða kjána til að fara fyrir málum hjá sér.

Svíar gagnrýna hvalveiðar

Það var mikið að það kom hljóð af viti úr þessu horni!!!

Þetta er bara kortéri of seint, allur undirbúningur á lokastigi og það kæmi virkilega á óvart ef einhverju yrði um þokað þarna. Hvar var þetta fólk þegar bæjarstjórnin þeirra lamdist um á hæl og hnakka við að berja á Sturlu að klára frumvarp um Bakkafjöru í gegnum þingið í aðdraganda kosninga?

Nei, ég ætla nú að veðja á það að lög um þessa dellu verði látin fram ganga, til stórra vandræða fyrir framtíðina. En vonandi kem ég til með að hafa rangt fyrir mér.

Safna undirskriftum gegn Bakkafjöru

"Tóm lögreglustöð í Grindavík"

"Vakti hann enn fremur athygli á því að hin almenna lögggæsla í landinu væri að drabbast niður. Hann hefði nýverið verið í Grindavík og þar væri megn óánægja með það að þar stæði lögreglustöðin tóm. Þetta væri ástandið sem boðið væri upp á í einum af stóru kaupstöðum landsins. Sagði hann meiri fjármuni vanta í málaflokkinn og að nær væri að setja peninga í löggæslu en varnarmál. "

Hér er tilvitnun í ummæli Steingríms J Sigfússonar á Alþingi. Þessi ummæli gætu nú átt við víðar, það er ekki bara að hér í Þorlákshöfn sé aðstaða lögreglu tóm, heldur var henni lokað alveg. Það væri nú kannski sök sér ef þeir kæmu þá frá Selfossi af og til á einhverjum tímum sólarhrings en því er ekki að heilsa, ég hef séð hér til lögreglubíls 4 sinnum það sem af er ári og í 3 skipti að morgni dags í miðri viku. Hér búum við nánast í algeru fríríki hvað löggæslu varðar að hætti Björns Bjarnasonar. Hér eru þó einhverjar 1500 sálir, auk farandverkafólks, afar löghlýðnar virðist vera, en fyrr má nú vera?

Það er full ástæða til að spyrna við fótum og sjá til þess í það minnsta, að það sé einhver lágmarksviðvera lögreglu í þessum kaupstöðum, hvort sem það er lögreglustöð eða ekki og það er hægt að taka undir með Grindvíkingum fullum hálsi.

 

Hörundssárir "lúserpúllarar".

Það er ekki að spyrja að því þarna, það er eins gott að vera ekkert að flagga sannleikanum þá fyrtast þeir ógurlega og geta átt það til að afhöfða menn, ef þeir þora íðá. Þessi útgáfa af Ringó hefur náttúrulega legið vel við höggi...

Höfuðlaus Ringo

Góður leikur hjá Liverpool.

Sá síðari hluta leiksins og þetta var fínn leikur, það sem ég sá. Liverpool vel að sigrinum komnir, til hamingju með hann Liverpoolmenn...

Liverpool og Chelsea sigruðu og mætast í undanúrslitum

Sami grautur í sömu skál...

Auðvitað sjá það flestir, að ekkert hefur verið selt þarna. Það er verið að skáka þessu yfir í hitt og renna hinu undir annað. Tilganginn vita þeir einir sem um þetta halda en þarna er einhver grautur með Samherja o.fl. sem virðist vera farinn að súrna og þarf að fríska eittvað uppá hann með að bæta mjólk útí. En sennilega verður hann aldrei góður þó einhverjir láti sig hafa það að slafra honum í sig. Vonandi bara að engum verði illt af draflanum. 

Segir Íslendinga ekki hafa selt neitt

Eðlilegt krafa miðað við aðstæður?

Það er sjálfsagt ekki flókið fyrir Bjögga, að ímynda sér að hægt sé að vera án einhverra af þessum sem eru á sjúkralistanum. Liðið er að synda einhversstaðar í meðalmennsku á þessum fáu mönnum sem ekki eru á sjúkralista. Hann hefur hinsvegar haft uppi áform um að koma liðinu á toppinn og þá þarf væntanlega að taka sig eitthvað á.  

Björgólfur fyrirskipar lækkun launakostnaðar

Ha,ha,..innantómur?

Það getur aldrei orðið nein "fylling" í fundi með pappakassa, það er algerlega ljóst. Þeir verða allir dauðir áður en það kemur eitthvað úr þessari átt.

Innantómur fundur