Hefðbundið helgarfjör í borg óttans.

Svona fréttir eru nú nánast hættar að vekja sérstaka athygli. Virðast vera óhjákvæmilegur fylgifiskur þess að "skemmta" sér í borg óttans. Manni er reyndar orðið í barnsminni að hafa lagt í næturrölt á óeirðasvæðinu, enda varla farandi þar um nema í hóp.

Þrír handteknir eftir hópslagsmál

Stórlega hægt að efast um tilganginn.

Þjóð sem þarf að sitja undir ávítum frá mannréttindanefnd SÞ á kannski ekki svo mikið erindi þarna heldur. Það er ekki einu sinni hægt að merkja að það sé verið að gera neitt til að bregðast við því áliti sem þaðan kom.

Þarna virðust hafa verið farið af stað, eina ferðina enn, af meira kappi en forsjá og menn virtust álíta að þetta sæti yrði keypt með ferðalögum og fínheitum. Trúlega væri þarna betur heima setið en af stað farið, eins og svo oft.

Ræddi framboð Íslands í öryggisráðið

Hann getur þetta hann Birgir.

Það verður vonandi stöðugleiki í spilinu hjá honum það sem eftir lifir dags, hann þarf á því að halda strákurinn. Hann hefur reyndar verið að koma til að undanförnu og spilar eins og engill á köflum.

Birgir lék vel og bætti stöðu sína

Trúlega löngu tímabært.

Það er nú sennilega tímabær aðgerð að taka þetta félag af markaði. Enginn áhugi fyrir félaginu og hefur ekki verið um langan tíma. Engin leið að koma nærri þessu nema skaðbrenna sig og margir búnir að því. De Code væri sennilega vitlegri kostur og er þó ekkert sem fólki er ráðlagt að vera mikið að henda aurum á.

Icelandic Group væntanlega afskráð

"Lykilatriði í þeirri sókn sem skólinn hefur hafið".

Það var og. Ég tel nú að hún sleppi ekki svona billega frá málinu. þessi afgreiðsla er ekkert minna en klúður og það er trúlega vægt til orða tekið að "vinnubrögð hans hafi rýrt traust skólans". Ekki eykur það traust skólans að hafa lúðann þarna áfram rausandi í nafni skólans, svo mikið er víst.

Átelur vinnubrögð Hannesar

Bílstjórar búnir að ná upp fínni stemmningu.

Held að það sé rétt hjá þeim, að meirihluti fólks stendur með þeim í þessum slag. Það vita allir sem vita vilja, að Árni Matt skilur ekkert fyrr en skellur í tönnum, ef þá, svo það verður bara að berja á þessu. Ef það verður eitthvað sektabull í gangi þá verður bara að skjóta saman í það, það er það minnsta sem allir venjulegir geta gert til að styðja við bakið á mótmælendum, ekki nennum við á staðinn sjálf?

Mikill hiti í bílstjórum

Þarna skilja fá högg á milli.

Það er ekki mikill munur á mönnum þarna og það þarf lítið hjá Birgi, bæði upp og niður. En vonandi heldur hann haus í dag og á þessu róli verður stutt í toppinn í kvöld...

Birgir lék á 69 höggum

"Munaði mjög litlu"?

Það munaði svo litlu að ég held að flestir sem horfa á þetta atvik í endursýningu sjái það að þarna var rétt að dæma víti. En um það þarf ekkert að þvæla því dómarinn tók svona á brotinu og málið er dautt.

Kuyt: Þurfum mjög góðan leik

Henni er ekki fisjað saman henni Önnu Filinsku.

Það er ekki vandi að skilja að þessi stúlka hefur í sér mikinn kraft til að koma sér og sínum áfram. Ekki nema 26 ára er hún farin að stunda skriftir í ókunnu landi og hefur aðeins verið hér í sex mánuði. Það kæmi á óvart ef hún á ekki bjarta framtíð í vændum, ef ekkert óvænt kemur fyrir. Vonandi gengur henni allt í haginn.

Steikir á daginn, skrifar á kvöldin

Auðvitað er borð fyrir báru þarna líka.

Ekki er að gá að því, í Olís er setið á fyrningum líka.

Sennilega ekki eins bjart yfir Shell gamla, búið að rýja þar allt inn að skyrtu í marggang. Er ekki búið að selja sjoppuna tvisvar eða þrisvar og allir sjóðir tæmdir í hvert sinn?

Fleiri lækka eldsneytisverð