Að sjálfsögðu er Vilhjálmur ósáttur.

Það getur hann svo sannarlega verið, bæði með það sem er þó svarað og það sem engin svör fást við. Það er t.a.m. með hreinum ólíkindum að hafa kostað öllu þessu til (um 791 milljón) við að undirbúa kaup á Inspired Gaming, alveg með hreinum ólíkindum að treysta sér til að leggja þetta fyrir hluthafana.

Það er vonandi að Vilhjálmur láti ekki deigan síga og haldi áfram baráttu sinni fyrir bættum hag minnihluta í hlutafélögum á Íslandi, sem er algerlega fyrir borð borinn í dag. Hann hefur örugglega breiðan stuðning í því máli, hvenær sem hann vill sækja sér hann.

Vilhjálmur ósáttur við svör FL Group

Hann forherðist nú stöðugt þessi larfur.

Það er óhætt að bóka það að úr þessum ranni fá menn ekkert annað en forherðingu og kjaftbrúk. Honum ferst að vera að gera mönnum upp skoðanir? Það hefði nú átt að vera hægt að klæma saman þessu bulli á styttri tíma en þessum vikum og skila af sér eitthvað fyrr en kortéri fyrir eindaga. En hann hefur alltaf komist upp með að haga sér eins og honum sýnist og gefa öllu langt nef í kringum sig. Það er með ólíkindum að Flokkurinn skuli ekki vera vandari að virðingu sinni en það, að bjóða þjóðinni uppá þessi vinnubrögð og bakka þau upp. Árna Mathiesen hefði átt að vera búið að losa þjóðina við úr ráðuneyti fyrir löngu, það er ekki svona mikill skortur á nothæfu fólki í Sjálfstæðisflokknum.

Ráðherra efast um hlutleysi umboðsmanns

Þetta er ótrúlegur framgangur braskara.

Það er með hreinum ólíkindum hvernig lóðabraskarar eru látnir vaða uppi í Reykjavík. Sögurnar af fantabrögðum þessara aðila sumra eru ótrúlegar og hreint magnað hvað borgaryfirvöld láta þetta lið vaða uppi. Það hefði einhverntíman verið talin ástæða til að safna liði, þjappa fólki saman um hagsmuni einhverra þessara gömlu húsa. Það virðist vera verið að drabba stóran hluta miðbæjar niður með skipulegum hætti, í þeim tilgangi einum að fá leyfi til að rífa stóran hluta húsa á svæðinu?

Skondið í ljósi nýlegrar fjárfestingar borgarsjóðs við laugaveginn...?

Ekki með leyfi til að búa í gámi

Það má mikið vera.

Það má mikið vera ef Capello er ekki rétti maðurinn í þetta djobb. Það er strax mjög margt sem bendir til þess, þó það sé nú ekki alltaf góður mælikvarði hvað leikmennirnir segja, þá þarf sambandið við þá að vera í lagi. Allavega er annar bragur yfir þessu núna og vonandi að Capello takist að taka Englendinga á þann stall sem þeir eiga að vera á í boltanum. Staðan er ekki ásættanleg eins og er.

Allir hrósa Capello

Hélt að Benitez væri skárri en Mascherano?

En það er greinilega vitleysa. það bráir ekki af kjánanum þó það líði nokkrir dagar. Hann er auðvitað í djöfullegri stöðu ef hann missir manninn núna en það verður nú að draga í efa að honum dugi fundur og kjaftæði til að laga það.

Vonandi verður þessi uppákoma til að kveikja á perum hjá snillingum í öðrum liðum sem eru með vitið í löppunum en lítið í hausnum og þeir dragi aðeins úr kjaftbrúkinu.

Benítez vill ræða málin við dómara

Er verið að fiska í gruggugu?

Eða þykist hann vera með eitthvað raunverulegt í sigtinu? Ætla rétt að vona að það sé ekki bara verið að henda skít í allar áttir að hætti hússins. Hann kemur vonandi fljótlega með það sem verið er að dylgja með uppá borðið, annað getur ekki gengið.

Einhverjir kunna að hafa haft óeðlileg áhrif á gengið

Humarveiðar í Færeyjum.

"Humarvertíðin í Færeyjum hefst 1. apríl nk. Alls hafa um 30 bátar leyfi til veiða á vertíðinni sem reikna má með að standi fram í miðjan september. Í fyrra hófust veiðarnar ekki fyrr en 20. apríl.

Þær reglur gilda um humarveiðar í Færeyjum að humarinn er aðeins veiddur í gildrur. Hver bátur hefur leyfi fyrir 250 humargildrum og er helsta veiðisvæðið í svokölluðum Tangafirði.

Egil Olsen, formaður samtaka humarveiðimanna, segir í samtali við færeyska útvarpið að í fyrra hafi um 90 Fkr/kg fengist fyrir humarinn á erlendum markaði en það samsvarar um 1.400 ísl. kr/kg.

Ekki kemur fram hver heildarkvótinn verður á komandi vertíð en í fyrra náðu flestir bátarnir að veiða kvóta sína."

Hér er frétt af Interseafood hvar fram kemur að frændur vorir séu að hefja sínar humarveiðar um mánaðamót. Svo mun einnig vera hér eða svona um það bil þessa dagana. Munurinn á veiðaðferðum er hinsvegar umtalsverður. Hér er trollað eftir humrinum og allt keyrt áfram á magninu með tilheyrandi skelbroti, skít og afföllum af ýmsu tagi, eins og okkur er lagið, en þar er hann allur veiddur í gildrur, eins og raunar víðast hvar í heiminum. Hér eru menn hinsvegar að tala um tilraunaveiðar í gildrur núna, sem er mjög þróaður veiðiskapur um allan heim....?

"Eru menn að taka stöður".

"Eru menn að vinna gegn krónunni", spyr Gylfi Arnbjörnsson? Er það ekki afar líklegt, að bankarnir hafi þurft að laga á sér fésið fyrir þriggja mánaða uppgjör og farið þá leið að míga í skóinn á kostnað almennings? Ekki ætla ég að útiloka það, frekar en Gylfi og kannski ekkert undarlegt að einhverjir freistist til að taka stöðu á flotkrónuræflinum, annað eins hefur nú gerst hér...

Forsendur samninga að bresta?

"Lundúnaaugað"

Við fórum félagarnir á leik West Ham og Liverpool (Mun ánægjulegri leik fyrir mig en Ragga púllara) í lok janúar. Að leik loknum fengum við dag til að þvælast um London og fórum m.a. í "Lundúnaaugað" sem er mjög áhugavert að skoða og taka hring í. Það virkaði nú allt eins og það átti að gera.

400 manns sátu fastir í Lundúnaauganu

Neibb, það er bara almenningur sem þarf þess.

Þeir Bretar fatta ekkert hvernig kerfið virkar hérna fremur en svo margir aðrir og þar af leiðir að þeir eru oft mjög undrandi yfir gangverkinu. En þeir þurfa nú bara að kynna sér málin hjá "sérfræðingi" Seðlabankans, mæta á einn blaðamannafund og fá spurningar um Huddersfield, eða eitthvað álíka. Hann hefur áhuga fyrir þeim kallinn, eins og frægt er.

Þurfa ekki að gjalda óhófs