Ófært er enn um Hellisheiði.

Svona finnst manni eðlilegt að hafa forgangsröðina í snjómokstrinum, halda Þrengslunum opnum þegar það er möguleiki, vegna þess að þar er veðurhæð minni og mun snjóléttara. Hellisheiðin þar á eftir, þegar um hægist hjá veðurguðum, tækjum og mannafla...

Opið um Sandskeið

Sennilega fátt nýtt.

Nei það er ekki líklegt að þar komi neitt fram sem ekki hefur sést áður og sá gamli misgóði Villi er margbúinn að segja að hann sé algerlega ábyrgðarlaus, eins og hver annar bara. En mér finnst nú líklegt að fólki hafi þótt fróðlegt að sjá hlutina setta í samhengi í Kastljósinu í gærkvöldi og meira er boðað í kvöld.

En að það sé eitthvað nýtt fyrir okkur að pólitíkus beri ekki ábyrgð og beri við minnisleysi og almennri heimsku er auðvitað af og frá, enda allt of algengt, ég ætla nú samt að halda mig við spána frá í gær...ekki meir...ekki meir...

Áhersla verði lögð á opin og lýðræðisleg vinnubrögð

Guðlaugur safnar prikum.

Auðvitað á að loka reykherbergi í Alþingishúsinu, þó það nú væri. Annaðhvort eru lögin svona eða hinsegin, sé ekki hvernig hægt er að hafa opið reykherbergi þar en ekki í skemmtistað í næsta húsi. Reglurnar þarf að samræma auðvitað. Lögreglan virðist einnig horfa framhjá reykherbergi í Leifsstöð, sem þarf auðvitað annaðhvort að leyfa eða banna.

Það er svo aftur spurning hvort það er ástæða til að leyfa reykherbergi á opinberum stöðum, en það er þá bara annað mál sem taka þarf á og til þess er þetta fólk þarna sem er með sérreglurnar fyrir sig. 

Vill láta loka reykherbergi á Alþingi

Bíðum nú aldeilis hæg.

Þar kom að því að það væri hægt að vera sammála einhverju sem hann lætur frá sér ráðherra þessi fjármála. Það er auðvitað ekki alveg í lagi að vera með fólk valsandi út og suður með loforðalistana uppi í miðju samningaferli við aðrar stéttir. Ekki að undra þó Steingrímur notaði tækifærið að stinga þarna inn athugasemd.

Menntamálaráðherra fer ekki með samninga við opinbera starfsmenn

Barist um á Hellisheiði.

Það er trúlega það sem hægt er að lesa útúr þessari frétt. Allur tiltækur mann-og tækjakostur að berjast um á Hellisheiði og Þrengsli látin safna í sig bílum yfir nóttina, tilkynning að morgni um lokuð Þrengsli og illfæra Hellisheiði. Auðvitað hefði átt að setja upp skilti um lokun Hellisheiðar fyrr í nótt og einbeita sér að snjóléttari leiðinni og þá væru Þrengsli fær núna en Hellisheiði lokuð, í bili, en ekki báðar leiðir nánast ófærar.

Þrengslin og Hellisheiði lokuð

Gamli góði endanlega í skítnum.

Eftir umfjöllun Kastljóss í kvöld virðist mér algerlega vonlaust að sá gamli "misgóði" Villi sé á vetur setjandi. Annaðhvort er maðurinn farinn að tapa minni og einhverju meiru eða hann er gersamlega veruleikafyrrtur, nema hvortveggja sé. Mér finnst svo sem einu gilda hvort er, en ætla að spá því hér og nú að sá misgóði verði aldrei borgarstjóri meir....ekki meir....ekki meir....eeekkkki m....

REI skýrslan áfellisdómur

Gamalreynd leið?

Hér er nú sennilega ekki um neina nýbreytni að ræða og þarf ekki Pólverja til. Það hefur lengi verið hald manna að mikið magn þýfis hafi farið úr landi í gegnum árin og þá í gámavís sem búslóðir. Þá er ekki verið endilega að tala um neina smávöru, allt uppí báta og vélsleða auk að sjálfsögðu tölvubúnaðar sem hefur verið afar vinæll hjá þjófum þessa lands um langan tíma. 

Stór sending af þýfi stöðvuð

Kemur ekki á óvart.

Þessi niðurstaða varðandi Ronaldo kemur nú varla á óvart. En það er gaman að sjá hvað Teves er að skora hátt í þessum útreikningum og hann hefur örugglega unnið til þess.

Ronaldo í toppsætinu

Og þótti nú engum mikið?

Það væri nú annað hvort að þingnefnd væri sett í þetta skelfilega mál. Vonandi að botn fáist í hvað olli þessum mistökum réttarins og menn verði látnir sæta ábyrgð.

Norskir dómarar hugsanlega fyrir ríkisrétt

Smáaurabrandari.

Þetta tekur nú varla í budduna hjá þeim rauðu og vandséð hvaða tilgangi svona vitleysa þjónar. Mér virðist hinsvegar að dómarar, sumir hverjir, séu ekki alveg í nægjanlegu jafnvægi, þ.e. það sem spjaldað er fyrir öðrum megin er óátalið hinum megin. Það er vandasamt starf þeirra svartklæddu og afar mikilvægt að þeir séu í góðu lagi...

Manchester United sektað