Núúú....

...Það er bara rausnarskapur í gangi, þetta er nú meira en maður hefði búist við af græðginni á þessum bæ...

Hluthafar í Vinnslustöðinni leystir undan samkomulagi

Bíddu nú við....

....hann kemur aldeilis sterkur inn þessi piltur, sá ætlar að hrista sliðruorðið af Framsóknarflokknum, sem eins og allir vita ber mesta ábyrgð á skepnuskapnum. Hann verður ekki ónýtur í samráðinu með Einari Kristni, vonandi fær hann að láta ljós sitt skína...

Björn Ingi: Viðbót í aflaheimildum síðar fari til svæða en ekki kvótaeigenda

Er ekki þarna...

...komið kjörið tækifæri fyrir félagsmálayfirvöld, kaupa kassann og flytja t.d. Bakkfirðinga í einum pakka, ef ekkert á að gera varðandi leikreglur í sjávarútvegi...?

Níu hæða blokk til sölu í einu lagi

Las í morgun...

...með athygli þetta viðtal við Kristján Pétursson í boði Hjartar og LÍÚ. Margt er þar fróðlegt og skemmtilegt en það sem stakk mig mest var fullyrðingi um hvenær umgengnin um auðlindina var hvað verst og þar tilgreinir hann '65-'75. Auðvitað mótast þessi fullyrðing af hans upplifun sem greinilega er þegar við vorum að eyða upp síldarstofnunum og hann er þar í eldlínunni og það brenna eldarnir allt í kringum hann.

Ég er að byrja til sjós á þessum árum og eina ruddaumgengnin sem ég man eftir er þegar nótaflotinn var að eyða upp ýsustofninum hérna og svo stórþorsk-stofninum hérna á Bankanum. Hinsvegar hef ég aldrei séð aðra eins umgengni um þessa auðlind eins og við urðum vitni að á Vestfjörðum, þar sem við vorum við úthafsrækjuveiðar, þegar þessar brjálæðislegu veiðar í flottrollið stóðu yfir og skipin komu kjaftfull til hafnar ofaný fullar kæligeymslur og ekkert við draslið að gera annað en að keyra í bein. Af sama meiði var þegar við horfðum uppá c.a. 1500 tonn af þorski af Vestfjarðamiðum keyrðan á hjalla um hásumar, enginn til að vinna draslið og síðan keyrt í sjóinn handónýtt og bullandi veðsett árum seinna og ég gæti haldið lengi áfram enn en þessi hryllingur gengur allur yfir að loknu þessu tímabili hans Kristjáns, svo ljótt hefur það verið í kringum hann...

"Stórmerkilegt að við skulum ekki vera búnir að eyða þorskinum"

Á Patró....

...eru þeir ansi öflugir í sjómannadags-hátíðahöldum og hafa verið mjög lengi. Oftast tekið á því í fjóra daga, eins og nú og ekkert eftir gefið... Svo höfum við á hina höndina staði eins og Akureyri, þar sem dagurinn er sjómönnum til skammar og Samherja og Brimi kennt um? Held sjómenn þurfi að líta í eigin barm þar um slóðir og ekki bara varðandi sjómannadaginn...

Vegleg sjómannadagshátíð á Patreksfirði

"Nú þekki ég gamla Moggan minn"

Sagði Kristinn vinur minn Pétursson í athugasemd á bloggsíðunni minni í gær og tilefnið....?Ritstjórnargrein Mogga 2. maí hvar lagt er útaf þeirri staðreynd að "landsbyggðin sé við það að springa í loft upp vegna kvótamála". Þessi ágæta grein, sem "nota bene" segir ótrúlega mikið um stöðu mála í sjávarbyggðum landsins, hefur farið fyrir augu ansi margra og mátti sjá vitnað í hana víða í "bloggum" gærdagsins og ekki að ástæðulausu, því Moggi hefur nú oftar en ekki verið hallur undir þetta stórgallaða veiðikerfi stjórnvalda og LÍÚ (eða Framsóknar og andskotans) og því töldu menn sig merkja þarna nýjan tón, sem vonandi er satt og rétt.

Í morgun kemur svo ritstjórnargrein sem er skrifuð til sjómanna í tilefni dagsins og hún er sko ekki lakari en sú frá í gær og ég vil hvetja allt hugsandi fólk í sjávarútvegi og Íslendinga yfir höfuð til að verða sér úti um hana og lesa "eigi sjaldnar en þrem sinnum". það er skemmst frá að segja að þarna er tæpt á ýmsu en það sem sló mig mest er eftirfarandi:

"Blasir það ekki við, að samtök sjómanna þurfa að skera upp herör gegn kerfi, sem ógnar atvinnuöryggi heilu byggðarlaganna, bæði fisvinnslufólks og sjómanna?"

Þarna er komið að kjarna máls að margra mati, samtök sjómanna verða að taka á sig rögg í þessu tilliti og spíta í lófa, aðrir verða ekki til þess og eru kannski ekki í aðstöðu til þess. Með því er ég ekki að segja að hér þurfi að ryðja öllu um koll, fjarri því og raunar hef ég lengi sagt að leiðin til baka útúr núverandi kvótakerfi sé sennilega ófær, allavega illfær. Þar sem sjómannaforustan hinsvegar klikkar algerlega er að berjast fyrir að rétt verði gefið varðandi ráðstöfun aflans sem uppúr auðlindinni kemur, það er vitlaust gefið eins og málum er komið núna.

Að það skuli geta gengið árið 2007 með allri þeirri tækni sem er í samskiptum um tölvur og síma, að handhöfum kvótans skuli liðið að taka fiskinn inní sínar verksmiðjur á allt niður í helmings verði eru auðvitað ekkert minna en algerlega galin vinnubrögð og ekkert sambærilegt þekkist, nema hugsanlega hjá mafíósum einhversstaðar. Með öðrum orðum ástæður þess að kvótaverð hefur labbað svona hátt að undanförnu, er þessi meðgjöf, kvótaeigandinn hefur kannski 80 kr+ á hver kg. í meðgjöf, til að fara útá markaðinn og bjóða í kvóta og þannig verða þeir stóru alltaf stærri og þeir minni veikari og allt endar með ósköpum. Ef við skoðum þetta í umhverfi Flateyrar þar sem öllum ber saman um að Hinrik er að gera góða hluti í vinnslu en hans staða er algerlega vonlaus. Hann leigir kvóta á 200 kr þarf síðan að greiða sjómönnunum sínum kannski 70 kr sem þýðir 270 kr, ekki flókið. Á Þingeyri er Vísir sem getur samkvæmt úrskurði einhverrar dellustofnunar undir væng Samherja á Akureyri tekið fiskinn inní sína verksmiðju á 140-150 kr pr. kg. og það er vandséð að hann Hinrik þó góður sé geri eitthvað af viti í þessari samkeppni...

Ef hinsvegar Hinrik þyrfti ekki að vera á leigumarkaðnum, hjá eigendum veiða -og vinnsluréttar væri hann örugglega samkeppnisfær við hvern sem er. Sem sagt það þarf að taka allan aflan í gegnum sölukerfi sem virkar og þau eru til hér um alla Evrópu, meira að segja hérlendis og það þarf að ganga frá því í eitt skipti fyrir öll, að þeir sem á kvótanum halda, þeir verði að gefa afgangnum af þjóðinni tækifæri til að vinna fisk, það má ekki vera kvóti á vinnslunni líka, því með því er ekki einu sinni tryggt að þeir bestu séu að vinna úr aflanum. Allan afla í gegnum sama sölu og vigtunarkerfi, líka þann sem er að fara úr landi með haus og hala, þar sem samkeppni er tryggð og þá ná sjávarbyggðir vopnum sínum að nýju og jafnræði verður tryggt með kvótaeigendum og "hinum aumingjunum"

Ég vil óska sjómönnum til hamingju með daginn og Mogganum með vitrunina og vona að menn sjái ljósið að lokum....

http://hva.blog.is/blog/hva/entry/166944

http://hva.blog.is/blog/hva/entry/155289

Hann er örugglega...

...á einhverjum lyfjum kallinn mögulega hafa þeir náð í hann rykaðan eftir gærkvöldið. Eða þá, sem ekki er útilokað, að það er eitthvað ekki í lagi með samband hans við þá sem eru að róa til fiskjar, ef hann heldur eitt andartak að það sé í lagi með fiskveiðistjórnunina og hvað þá ráðgjöfina....?

Og til að kóróna vitleysuna telur hann að það sé eitthvað meira að marka tölur um ástand annara stofna en þorsks, en við erum að veiða í dag kannski fjórðung af því sem veitt var af karfa við upphaf kvótakerfis ????

Eitthvað hlýtur að vera að fiskveiðistjórnuninni

Hér er dæmi...

....um hvernig eiginhagsmunaseggir í fyrirtækinu beita fyrir sig starfsfólkinu sem trúir bullinu sem frá þeim kemur...

Sumarbústaðabyggð ef Vinnslustöðin hættir

Bara græðgi?

Mér er nú nær að halda að sumt þetta aumingja fólk sem Moggi birtir viðtal við í morgun haldi að þessi kvóti hafi allur komið þarna upp úr höfninni í Vestmannaeyjum, en það er nú bara ekki þannig. Stór pakki af þessum kvóta var sóttur til Þorlákshafnar, með ofbeldi, og fulltingi ESSO sem þá átti bróðurpartinn af VSV ásamt öðrum Sambands-ungum s.s. VÍS. Flutningur þessa kvóta á sínum tíma lagði hér af burðarásinn í bæjarfélaginu Meitilinn hf., en það átti aldrei að verða, samkvæmt loforðalistanum. Það væri hægt að rifja upp fyrir þá sem hæðst öskra núna hvað Binni bankamaður og aðrir ágætir sem fyrir þessum pakka fara skrifuðu uppá þá, sem allt hefur verið svikið, hvert orð, og skipin sem voru áfram skráð hér í Þorlákshöfn, (sem gerði ekkert annað en að villa um þannig að enginn áttaði sig á raunverulegri kvótastöðu hér) fengu VE á síðasta ári.

Hver leyfir sér að þessu gerðu að tala um græðgi og þaðan af verra??? Þessir menn eru ekki að hugsa um almenning í Vestmannaeyjum, hvorki Halli Gísla eða Binni bankamaður, heldur veskið sitt eins og alltaf, það sýnir háðungin í þessu yfirtökutilboði þeirra, það á að halda áfram að taka alla í kringum sig "aftanfrá". Bendi fólkinu sem hæðst öskrar að stúdera greinina á forsíðu Mogga til að skilgreina "rónaháttinn" og hvernig þarna á að koma fram við minnihlutaeigendur, samstarfsmenn, sem aðstoðuðu þá við að halda ránsfengnum og komu með peninga að fyrirtækinu. Að skrifa síðan langt mál um að Guðmundur hafi flutt skipin frá Akureyri og annað álíka er nú ekki einu sinni innlegg í málið því bankapjakkurinn og þessir ofbeldismenn sem með honum fara hefur engu betri sögu í þeim efnum s.br. Þorlákshöfn og raunar verri.

Fólk verður að taka hlutunum eins og þeir eru, þetta er það sem við búum við af hendi stjórnvalda í stjórnkerfi fiskveiða og við höfum ekki séð neitt af því ennþá, því einhversstaðar kemur það niður þegar við sjáum það gerast sem Árni dýralæknir lýsti í ræðu í Boston fyrir nokkrum árum, að hér yrðu aðeins 4 stórfyrirtæki í útveginum innan einhverra ára. Heldur fólk að svoleiðis þróun eigi sér stað án þess að einhverju verði lokað og skipum hent og svo framvegis? Ekki aldeilis....Nei hér er ekki verið að slást við feðga frá Rifi, þeir eru bara að vinna heiðarlega í því umhverfi sem þeim er skapað, það er stjórnkerfið við fiskveiðarnar sem allt er að gera vitlaust og þetta er bara að byrja....

"Þetta er bara græðgi, bara græðgi og ekkert annað"

Ekki viðurkenning?

Hvurslags dómsdags Framsóknarbull er nú þetta? Hver er nú svo vitlaus að borga milljónir í bætur fyrir einhver mistök sem hann hefur ekki verið valdur að, auðvitað er þetta viðurkenning á frumhlaupinu? Það er öllum ljóst sem það vilja sjá, að þarna hlupu menn á sig og urðu bæði sjálfum sér og þjóðinni til skammar og ef þeir hefðu ekki borgað með góðu þá hefði fólkið einfaldlega sótt bætur með dómi...svo einfalt held ég að það sé nú....

Fallast á sáttagreiðslu vegna afboðunar klámráðstefnu